2 Tesalonaika 2:7 - Nupela Testamen long tokples Mende long Niugini

^7-8 Hako ter Laulaka ormu siyok wayok lerawun landuwa. Hulaima nokopman or mbaskashinak Avui Wasilakahi mashin li mblarna ermbekmbaha ormu lerawun landuwa. Erem siyok wayok or laha inak ma or nombon arangowa ma oto ishinakop, ma kava oto kormbak talakwa ri. Hako Wasilaka nihi Jisas ukruharanda nga kormbak or talaha or sumandama ushinak hakwa ri. Uhu ukruharanda orhi oso avak si unak, kava indingak nakwa ri.

2 Tesalonaika 2:7 ပူးပေါင်းရင်းမြစ်များ

Aposel 20:29

Angop a heyewa sir. Os jirin a halaha iwa wolo haimba handambanda ma li taha avak kala asa sipsipin li kavak nanda hom jirin kavak nakwa lir.

2 Tesalonaika 2:6

Angop ji heyenda sir, ter wolo mbele las os ma kava oto kormbak or talakwa nombon osmu arangonduwa. Hako Avui Wasilaka os or mbahanda wolok si nanakop, kormbak talakwa ri.

1 Timoti 3:16

Ome sira bilip nihi karem nanda sir, Jisas Krais ma indingak or narik hulaima nokopma li heyeri ri. Or ma worna ma indinga ri. Masikome Avui Wasilakahi mu os or nanda nombo oson or mukushirik limu heyera. Ushirik ensel nga li heyeri ria. Ushirik ma yanga yangak li ihi mashi orhin li saweshirik ma misambik fehe orin sunguwavu lihik limu ewera. Ushirik Avui Wasilaka orin hevenik ormu lalawura.

1 Jon 2:18

Jikisi anhi jirin ji misi, mbele mbele am mendek si nakwa wolo osmu pasir nanduwa. Mas angop li sawerik ji misiri sir, mbele mbele am mendek si nakuna wolo ji heyenak wutari Kraishi avak talakwa ri. Karem li sawerik ji misiri osa. Uwosik ter os jimu heyenduwa, ter wutari Kraishi musha mendek olmu talanduwa. Oson ji heyehe ji hishika, mbele mbele am mendek si nakwa wolo ambe ambek osmu nanduwa.

1 Jon 4:3

Hako os ma lar erem or mbana ambu nahi, ma oto mbeek Masikome Avui Wasilakahi nga nawa ambu ri, wahau. Krais wutari orhi sauhawak mashin sawenda ria. Krais wutari orhi oto or takuri mashi oso angop mas li sawerik ji misiri sir. Uhunda omendinga sira. Angop or taha ormu yanga yangak yanduwa.

Revelesen 17:5

Minyangambi sihik hi sihin shiwanyi mashik li kayehendari sira. Hi oso mainome sihi karem, “Hi anhi kolaka Babilon anira. Mbele mbele kavakavan unda tontlo anira. Hulatolhakanda tontlo anhik nanda sira.” Karem li kayeri sir.

Revelesen 17:7

Urik ensel mu mbara, “Mberem ushiwak wavu musha mushak mi hishindu? Avak nokove oso nga kala asa oto nga shiwanyi frihin kormbak a mukunak mi heyekwa sir, mainome frihin. Kala asa oto masiji orhi 7-pelak nanda lir, marsayi 10-pelak nanda lira.