2 Pita 2:21 - Nupela Testamen long tokples Mende long Niugini

²¹ Unda osik karem amu hishinduwa. Avui Wasilakahi nombo wornan li heyeri ambukop jivina. Hako angop nombo worna orhin li heyeshihi olmu indik kavakavan li uhu kava indingak nanduwa.

2 Pita 2:21 ပူးပေါင်းရင်းမြစ်များ

Mashi jivi Jisashi Luk or kayeri 12:47

Jirin amu sawenduwa. Ma or malakama orhi mbari mashin angop or misishihi mblarna ermberwa ma oto avak malakama orhi or taha orin lakak or warmblashikwa ri.

Mashi jivi Jisashi Jon or kayeri 15:22

Os a raha kavakava os li unda nombo lihin kormbak a saweri ambukop mbeek kavakava os li undarin kormbak heyeri ambu lir. Hako angop kormbak a sawerik li mistakori sir. Karem uri osik ma lar mbeek nambenandahi ambu ri, wahau.

Mashi jivi Jisashi Jon or kayeri 9:41

Karem li silirik ormu mbara, “Os jihinjik ji mba, “Misokome nihi tumunda sir.” Os erem ji mba nahi, a unak jivik nakwa jir. Hako jir, “Nir misokome nihi jivi sira.” Karem ji mbanda osik kavakava jihi er nakwa sir, mbeek mendek nakwa ambu sir.”

Jekamba Pol ol yanga Romik lindanjik or kayeri 7:12

Hako lo os anin mandingormekwak mbanda oso jivi sira. Mberem ushiwak? Oso Avui Wasilakahik tahanda osa. Lo amber ondo Avui Wasilakahik tahanda olik wornak li naha jivi mendek nanda lir. Hako nir nihinjik sungu masi nihin ni tiyaha mbeek lo os si mbawa hom ni unda ambu nir. Uwosik lo oso nirin mandingormekwa sir.

Galesia 6:2

Uhu ma ol nomorawun kishawan ji jelyaka. Erem ji u nahi, ambehoma, Krais or mbahanda nombon os jimu tiyanduwa.

1 Tesalonaika 4:2

Mberem ushiwak? Jir Wasilaka nihi Jisas kwambu orhi orok mainkwambuk jirin ni saweshirik angop ji misiri osa.

1 Timoti 6:14

Mir avak mashi Wasilaka Jisas Krais or mbahandan arme wornak er tiyanak or taka.

Hibru 10:26

Ji misi, os Jisashi ma indingak ni nashihi ni mba, “Halanak kavakavan a ushihi indik a ra,” karem ni mba nahi, wa am ofa anandi las nga nahanda osik kavakava os ni washi undan laha ermbekundas? Wahau. Mende indinga.

Jems 4:17

Armek ji hishika. Mbele mbele jivi os Avui Wasilaka ji ukmbaha nor mbari angop ji misiri sir. Hako os ji ukmbaha nor mbahandan ji u nahi ambu, os jimu mashi orhin mblarnanduwa.

2 Pita 3:2

An mashi os mas profet Avui Wasilakahi li sawendarin indik ji hishikmbaha amu kayenduwa. Uhu Wasilaka nihi or nirin jivinanda ma aposel orhi ondon or saweshirik li misihi li sawendarin indik ji hishikmbaha amu kayenduwa.

Jekamba os Jut kayeri 1:3

Ma jir a rupshi mendenda jirin, na hishiwa Avui Wasilaka os jir nga nir nga or jivinanda nombon jirnjik a kayekmbaha na hishihi lerawu havan a landa nir. Unak nombo oson yawur ji heyekmbahan. Hako ter a misiwa, ma lal angop sios jihik wanyi rari lir. Ma ondo angop Avui Wasilakan kumaifaha karem hishinda lir, “Mbele mbele amber ol wavu nihik tasawa hom ni uwan te. Mberem ushiwak? Avui Wasilaka waprupshi orhi os nir nga nandu. Mbernda nirin kavak naman nakwa ambu ri.” Karem li hishihi kavakavan li uhu yanda lir. Erem li uhu nirin arangonda ma Wasilaka nihi Jisas Kraisin li kumasinda ri. Erem nanda ma ondo Avui Wasilaka kavak or nakmbaha angop maskop or mbahandari lir. Unda osik mashi kaso yejen jirnjik amu kayenduwa. Ushinak Avui Wasilakan ji hishiowenda nombo jihi oson kwambuk er ji toltambanaha ji sika. Uhu orin ji hishiowenda nombo jihi oson ma anandin ji saweka. Uhu wutari Jisas Kraishi ol haimba handambanda mashin sawenda ma ondon ji mblarna ermbehe ji sika.