2 Pita 1:21 - Nupela Testamen long tokples Mende long Niugini

²¹ Profet ondo mbeek lihinjik mashin li sawekmba hishihi sawendari ambu lir, wahau. Masikome Avui Wasilakahi lirin or sauharik mashi orhin sawendari lir.

2 Pita 1:21 ပူးပေါင်းရင်းမြစ်များ

Mashi jivi Jisashi Mak or kayeri 12:36

Hako Masikome Avui Wasilakahi Devitin or sauharik mashin karem or kayeri sir, “Avui Wasilaka Wasilaka anhin, karem saweri ri, “Mir tapmama anhik lika. Ushinak wutari mihi ondon avak a halashinak mihi siyok sikwa lira.” ” Buk Song 110:1

Mashi jivi Jisashi Luk or kayeri 1:70

os maskop profet orhi ondon or sauharik li sawendari hom.

Aposel 1:16

“Mahasanje anhi jirin, mas Masikome Avui Wasilakahi or sauharik mbele os Judashik nakurin Devit or mbahandari mashi oso osmu jekamba Avui Wasilakahik nanduwa, Judas oto nombon or mukushirik Jisasin li tolohondari ma ria. Devit mbari mashi oso osmu omendingak erem nari sira.

Aposel 28:25

Lir olmu lihi ambek anamblarnaha halashi ikmba ura. Urik Pol mashi las ormu sawera, “Masikome Avui Wasilakahi sauharik profet Aisaia neloko jihin or mbahandari mashi oso omendinga sir.

Aposel 3:18

Hako mas profet ondo amber Avui Wasilaka sauhari hom limu sawera, “Ma or Avui Wasilaka kamashinak hulaima nokopman jivinakwa ma oto nomorawun or kishaha hakwa ri,” karem limu sawera. Undari nombo hom, os jimu erem orin uri sira.

Hibru 10:15

Avui Wasilaka Masikome orhi sunguwavu nihik or sihi karem ormu sauhanduwa,

Hibru 3:7

Avui Wasilakahi mak ji nanda ojik mashi os Masikome orhi or sawewan ji misikwan ji mamblasamblanjiwa ji hala. Masikome orhi karem ormu mbanduwa, “Os ter mashi Avui Wasilakahin ji misi nahi,

Hibru 9:8

Mbele mbele os erem li uri nombo orok Masikome Avui Wasilakahi ormu kormbak nirin mukunduwa, sel aka oso er si siri wolo ma nir mbeek nombo os Avui Wasilakahi akak ni layikuri kas nga ni nandari ambu nir.

1 Pita 1:11

Krais oto Masikome orhi profet ondohik nandari ri. Uhu masmas nomorawu si talanak Krais or kishaha malakamak or nakurin profet ondon ormu sawera. Urik li misihi limu lihishira, “Ma or nirin jivinakwa ma oto lawe mendek nakundar? Uhu mbele wolo mendek ma oto or talakundar?” karem limu hishira.

Revelesen 19:10

Karem or mbarik orhi kumbamuk a taka lihi orin a lotu ukurik amu ura. Hako ormu mbara, “Mir anin erem uwa hala. Mir nga an nga mahasanje mihi ol Jisasin misindiyanda ondo nga nir amber hom Avui Wasilakahi lerawun landa ma nira. Uwosik orto nom ni lotu uka.” Mashi os Jisas sawenda nom man sauhawak profet mashik li sawenda sir.