2 Korin 3:10 - Nupela Testamen long tokples Mende long Niugini

¹⁰ Avui Wasilaka suma akrin or tivihi ukruharandan or hari, warje mende nga si naha ukruharanda os suma masi os mas or tivihi nor hahandari oson tikriri sir. Unda osik suma masi ukruharanda sihi oso ter osmu mendek narakonduwa.

2 Korin 3:10 ပူးပေါင်းရင်းမြစ်များ

Aposel 26:13

Unda mashin king Agripa, mirin amu sawekuwa. Am takondik si narik nombok lervlandari hom metenje yok si saika rakaha an nga ma ol nakrem ni iri ondo nga simu arangora. Os erem si nari oso ta jindarin si tikrihi haruja menderi sir.

2 Korin 3:11

Suma masi os nambek nakurik nari ambu oso ukruharanda nga nari sir. Hako kwambu sihi lewas mendek nari sir. Hako suma akri oso ermba ermbak er nakwa sir. Uhu ukruharanda sihi warje mende nga er nanda sir. Unda osik mbeek mendek nakwa ambu sir.

2 Korin 3:9

Lo os mas or hari oso kavakava os ni undan kormbak si mukushinak ni hakwan mbanda sir. Hako erem nanda lo oso ukruharanda nga nari sir. Hako Avui Wasilakahi misokomek ma worna mak ni nakurik or mbarik Masikome orhi lari lerawu oso kwambu Avui Wasilakahi nga si naha warje mende nga ukruharanda sir.

2 Pita 1:17

Nir Jisas Wasilaka nihi nga telemba Avui Wasilakahi orok ni lawu lirik mashi las hevenik karem si mbarik nimu misira, “Toto jikisi anhi indinga toria. Orin amu rupshi mendenduwa.” Avui Wasilaka ukruharanda ngashi oto hi Kraishin or hauowehe ukruharanda orhin orin or hari wolo, karem mbari ora.

Revelesen 22:5

Yanga oso mbeek niri nga nakwa ambu sir. Unak ma mbeek ukruharandanjik mbakwa ambu lir. Avui Wasilaka orto nom orok ukruharanda hom nakwa ria. Ushinak hulaima nokopma ondo malakamak ermba ermbak er naha likwa lir.