1 Timoti 5:25 - Nupela Testamen long tokples Mende long Niugini

²⁵ Mbele mbele jivi ol ma li unda erema. Lal lerawu jivi os li lawa kormbak li lawak ni heyenda sir. Hako lal lerawu jivi siyok wayok landa lir. Hako kumakop kormbak si talanak ni heyekwa sir.

1 Timoti 5:25 ပူးပေါင်းရင်းမြစ်များ

Matyu 5:16

Uhunda hom jir erem, mbele mbele jivi nom ji unak ma li heyehe Avui Wasilaka jihi or hevenik linda hi orhin li hauoweka.”

Mashi jivi Jisashi Luk or kayeri 11:33

“Ma mbeek lamin li ukruhu wa akomek halowenda ambu lir. Uhu awuk tangrinda ambu lir, wahau. Or ukruhu metenjek or sinjishinak si haranak ma ol aka orok layiwa avak li heyeka.

Aposel 10:22

Urik limu mbara, “Nir Kornilius torok ni raha mirin ni heye, karem or mbashihindak nimu randuwa. Or kepten Romik fehe ri. Awun unda ma 100 ondo orhi siyok sinda lira. Or ma jivik or naha Avui Wasilakan or lotu uhu orin tiyanda ma ri. Or, “ma jivi mende” karem Judama amber li mbanda ri. Hako ensel Avui Wasilakahi lar or talaha orin ormu saweshirik or nga mu nirin mbashiwak nimu randuwa. Ushinak aka orhik mi ihi mashi lal mi sawenak or misikmbahan.”

Aposel 22:12

Ma lar Damaskusik lindari ri. Hi orhi Ananaias oria. Or mashi Moseshin yawur or tiyaha Avui Wasilakahi siyok sindari ri. Judama ol Damaskusik lindari ondo amber orin rupshindari lir.

Aposel 9:36

Kuyanga Jopak Jisasin hishindiyandari nokove las lindari sir. Hi sihi Tabita sir. Grikhi mashik Dorkas, karem li ushandari sir. Sir mbele mbele lerawu jivin si laha erndakava ondon si haha jelyandari sir.

Filipai 1:11

Ushinak Jisas Krais jirin or jelyashinak os ji liyawa jihi nga wornakop si nashinak hulaima nokopma jirin li heyehe hi Avui Wasilakahin li hauowekmbaha jirnjik amu beten unduwa.

1 Timoti 3:7

Hako halanak Kraishi ma nga ma ol lotu unda ambu ondo nga ma oton li heyehe li mba, “Ma oto jivi mende ria.” Os erem jivik or nanak li heye nahi ambu, Laulaka or unak takatukuyikwa ri.

Revelesen 14:13

Urik mashi las heven yok a misirik simu mbara, “Mir mashi las karem kaye, ter wolok sishihi iwa ma jirin, os Jisasin ji tiyaha ji hawa, ji rupshika.” Karem si mbarik Masikome Avui Wasilakahi ormu mbara, “Ome sira, li rupshika. Mberem ushiwak? Lerawu hava os li lahanda am mendek si nashiwak olmu limasikuwa. Uhu mbele mbele lerawu jivi os misambik li liri wolo li uhundari osmu lihik er nga nakrem nanduwa.”