1 Timoti 5:19 - Nupela Testamen long tokples Mende long Niugini

¹⁹ Ji misi, os ma namtar nom or taha nor mba, “Wasman oto mbele kava las or uwak amu heyewa.” Ma namtar nom erem or mba nahi, mashi orhin kolok misiwa hala. Hako os ma frijip, nalmingrip li raha erem li sawe nahi, mivai misika.

1 Timoti 5:19 ပူးပေါင်းရင်းမြစ်များ

Matyu 18:16

Hako os mashi mihin or misina ambu nahi, avak ma frijip mo nalmingrip laha inak mashi os shi mbawan li misihi mirin li jelyaka.

Mashi jivi Jisashi Jon or kayeri 18:29

Men hikrik li sihi nikishirik Pailat or taha ormu silira, “Ma roto mbele kas or uwak kavak nawak ji heyehe ji kotim ukwak ji laharandu?”

Mashi jivi Jisashi Jon or kayeri 8:17

Lo jihi karem mbanda sir, os ma frijip fri sihi mashi las nakrem fri mbawa mashi frihi ome sira. Hako ma namtar nom or mbawa, wahau.

Aposel 11:30

Uhu ya ondon li owe tirsashirik Barnabas fre Solin li mbashirik ya ondon fri laha provins Judiak frimu ira. Fri laha ihi orok sios lida ondon frimu hara.

Aposel 25:16

Hako mashi os li mbarin a misihi amu lirin sawera. Nir Romik fehenda ma mbeek men ma lar semben ni mbanak hakwa ambu ri. Wa, yawur kotik ni oweshinak mashi frihin fri mbanak evrembam ni heyehen. Uhu ma or musa nga nawa ma oton ni mbanak orvai haka.

2 Korin 13:1

Hindi frijip jirin a ta heyeri nir. Hako ter indik jirin a ra heyekwak amu hishinduwa. Avui Wasilakahi mashi karem mbahandari osa, “Os ma lar mbele kava las or unak ji kotim ukwak ji hishi nahi, ma frijip mo nalmingrip os or uwan nakremkop li sawe nahi, mashi oso omek nakwa sir.” Lo 19:15 Unda hom an nga erem. An angop hindi frijip mainkwambuk jirin a saweri nir.

1 Timoti 4:14

Mir avak indiyok hishika, os wasman mirin tavan li hauowehe mirnjik li beten uri wolo, ma lar profet mashik os kumak mi lakundarin or sawerik, Avui Wasilaka kwambu orhin angop or hari mir. Oson halashinak men si wawa hala, wahau. Orok er toloho lerawun laka.

1 Timoti 5:17

Avui Wasilakahi mashin sawehe mukolsukolonda ma ondo lerawu havan landa lir. Karem uwosik lirin armek ji uhu lerawu os li landanjik wasan ji haka.

Taitus 1:6

Ma ol wornak nanda ondon wasmanik mi kamashinak li sika. Ma or nokove namtas nom nanda, jikisi orhi er nga Kraishi mak li naha avoko nijava lihi mashin misihi sisakasak unda ambun. Erem nanda ma ondon wasmanik kamaka.

Hibru 10:28

Lo Moseshi angop ni misinda karem mbanda sir, ma or lo oson mblarna ermberi ma oto nombok li jimandingormendari ri. Mbele kava os or urin ma frijip mo nalmingrip li heyehe li saweshirik li jimandingormendari ri. Mbeek ornjik li hishihi li halandari ambu lir, wahau.