1 Pita 2:8 - Nupela Testamen long tokples Mende long Niugini

⁸ “Or sunja hom or naha, nombo lakak or washihindak ma mushak li taha sunja orok li jifaha takatukuyikwa lir.” Mberem ushiwak? Ma ol Kraisin hishindiyawa ambu ondo lir mashi Avui Wasilakahin li mblarnanda osik olmu jifaha tukuyinduwa. Mas Avui Wasilaka angop erem li ukurin or mbahandari osa.

1 Pita 2:8 ပူးပေါင်းရင်းမြစ်များ

Mashi jivi Jisashi Luk or kayeri 2:34

Simeon Avui Wasilaka fririn armesarmek or ukmbaha Avui Wasilakan ormu sawera. Ushihi Marian ormu sawera, “Misi. Avui Wasilaka jikisi roton or kamari karem. Ma Israelik fehe mushak or halashinak lal mashi orhin li mblarnaha kavak li nanak lal mashi orhin misindiyakwa lir. Uhu jikisi roto mashi Avui Wasilakahi or saweshinak ma mushak orin wutarik owekwa lir.

Jekamba Pol ol yanga Romik lindanjik or kayeri 9:22

Uhunda hom Avui Wasilaka men wavu orhik or hishihi hulaima nokopman os or hishiwa hom unda ri. Ma ol waplelena orhin kumak lakwa ma ondon angop maskop or heyeri lir. Hako mbeek lirin kolomalok kavak or nari ambu lir. Mberem ushirik? Or os or hishiri, waplelena orhi oso kumak kormbak si talanak ma amber kwambu orhin li heyekmbaha nor hishiri sir.

1 Korin 1:23

Hako nir Jisas miandok or hahanda mashi nom ni sawenda nir. Uwak Judama mamatar lihi mashi nihin li misihi wavu lihi kavak si nawak mbeek Jisasin hishindiyanda ambu lir. Uwak Judama ambu ondo lir mashi os ni sawewan li misihi karem mbanda lir, “Mashi oso mbeek armek nawak ni misiwa kom. Ma rondo mbelenda ma mbanda hom li mbawa sir.” Karem li mbaha mbeek Jisasin hishindiyanda ambu lir.

2 Korin 2:16

Ma ol hik inda nombok sinda ondo li misiwa ma haha kuvayiwak si kuvasahawak li misinda hom li misinda sir. Unda osik mashi Jisashin kumasinda lir. Hako ma ol hevenik inda nombok sinda ondo li misiwa kuva oso jipjip linda nombok si tasawak li misinda hom li misinda sir. Unda osik mashi Jisashin rupshinda lir. Lerawu os ni landa oso wasilaka mende sir. Hako ma lal kwambu lihinjik am lerawu os ni landa oso himin lakwak ji hishindal? Wahau.

Galesia 5:11

Jisasin hishindiyanda ma jirin ji misi, an mbeek ma ol masamsishin korokmbaha sawenda ma ondo hom a sawenda ambu nir. Os lir sawenda hom a sawewakop mbeek li ya kavak nawa ambu nir. Hako an Jisas miandok or hari oson a sawewak nombo orok os li ya mu anin kavak nanduwa.

1 Tesalonaika 5:9

Avui Wasilaka mbeek waplelena orhi oso nihik si nakmbaha nor kamahanda ambu nir, wahau. Or Wasilaka nihi Jisas Krais kavakava nihin or yoko ermbehe, nirin indiyok or lakmbaha nor kamari nir.

1 Pita 2:6

Mberem ushiwak? Jekamba Avui Wasilakahik karem li kayehendari sir. “Misi. An sunja lar angop a kamahanda ri. Or jivi mendek or naha kwambu indingak nanda ria. A halashiwak Jerusalemik ormu sinduwa. Ma ol orin hishindiyawa ondo mbeek sembe li nikishihi humblarakwa ambu lir. Os or mbahanda hom lirin ukwa ri.” Aisaia 28:16

1 Pita 2:7

Uhunda osik jir orin hishindiyanda ma jir karem hishinda jir, “Krais oto sunja jivi indinga ria,” karem mbanda jir. Hako ma ol orin hishindiyawa ambu ondo, wahau. Mberem ushiwak? Mashi las jekamba Avui Wasilakahik karem li kayehendari osa, “Akan unda ma li heyehe li mba, “Sunja toto kava ri,” karem li mbaha li laha ermberi oto angop wormbonawa hom or naha akan liyindahik nari ri,” karem li kayehendari osa. Uhu mashi las karem er nga li kayehendari sir.

2 Pita 2:3

Haimba handambanda tisa ondo jirin li haimba handambaha ya mbele mbele jihin landa lir. Hako Avui Wasilaka ma ondon kavak or nakurik angop mas or mbahandari sir. Undari hom erem lirin kavak or nakwa lir.