1 Korin 9:3 - Nupela Testamen long tokples Mende long Niugini3 Ma lal karem mbanda lir, “Pol aposel ambu ri,” karem li mbaha mbele mbele a undan heyembanda lir. Unda osik mashi las lirin amu sawekuwa. အခန်းကိုကြည့်ပါ။ |
Os ji mba, “Mashi Avui Wasilakahin profet hom ni sawekmbaha presenin nirin or hari sir,” karem ji mba nahi mo, os ji mba, “Masikome Avui Wasilakahi presen orhin nirin or hari sir,” karem ji hishi nahi, mashi kas a kayewa kason ji heyehe karem ji mbaka, “Pol or mbawa mashi oso Wasilakahi mashi sira,” karem ji mbaka.
Wasilaka lerawu orhin a lakmbaha anin kamari ri. Uhu kwambu orhin anin hari ri. Las avak a ra heyenak kavakava nindik er ji linak a heyehe mainkwambuk jirin a mbanda ngashi, karem mbaha jekamba kason masmas amu kayenduwa. Ushinak kavakavan er ji halaha ji linak a rakmbahan. Jirin a tolo wornakmbaha Wasilaka kwambu oson anin hari ri, mbeek jirin kavak a nakmba nembes.
Uwa osik ji auheyeka. An Krais or sauhawak mashi orhin a sawenda nir. Hako jir karem mbanda jir, “Os Krais sauhawak mashi orhin mi sawenda nahi, wa mukunak ni heyehe avak ni mba, “Mir Krais sauhawak sawenda mir.” Uwa osik avak ji heyekwa sir. Krais kavakava os ji undan or tolo wornawa wolo, kwambu orhi nga er or tolo wornakwa sir.
Ermba ermbak os Jisasin ji hishindiyanda nombo jihin jihinjik ji oweioweiheyeka. Os ji liyawa jihi oson mukunak ma li heye li mba, “Ma tondo Jisasin hishindiyanda ma tolir,” karem li mbaku mo wahau? Os ji mba, “Jisas Krais wavu nihik linda ambu ri,” karem ji mba nahi, jir mbeek nombo worna indingan tiyanda ambu jir. Jir nombo wornan angop halawa jir.
Jir wapnuku anhik a owenda jir. Erem a unda oso a suruwa ambu sir. Mberem ushiwak? Os krawuk a siwa wolo nga, os yanga yangak a ihi, mashi jivi Jisas Kraishi oso ome sir, karem a saweyawa wolo nga jir an nga ni sihi lerawun nakrem ni landa nir. Unda osik ome sira, jirin wapnuku anhik a owenda jir. Avui Wasilaka nirin or jivinaha lerawu oson nirin or hari sir.