1 Korin 7:26 - Nupela Testamen long tokples Mende long Niugini

^26-27 Ter a hishiwa karem. Mbele mbele amber mendek nakwa wolo osmu pasir nanduwa. Nomorawu avak lakak talakwa sir. Uwa osik os ji nokoplahanda nahi, wa nokove jihin ji mbashinak li halashi ikmba ji hishiwa hala. Os ji nokopla namber ji ya nahi, wa ji nokoplakmbaha ji hishiwa hala.

1 Korin 7:26 ပူးပေါင်းရင်းမြစ်များ

Matyu 24:19

Kavasumba, nokove ol masam nomok nawa nga jikisakrin muk hawa nga. Mberem livai tuluku?

Mashi jivi Jisashi Luk or kayeri 21:23

Kavasumba, nokove ol masamnomok nawa nga jikisakrin mukhawa nga mberem livai tuluku? Nomorawu wasilaka mendek misambi torok si nanak waplelena Avui Wasilakahi Judamahik nakwa osa.

1 Korin 7:1

Ter mashi os jekambak ji kayehe anin ji silihinda mashi oson a sawenak jimu misikuwa. Jir karem anin siliri jir, “Os ni hulasihi nokoplana ambu nahi, Avui Wasilaka or heyewa jivik nakwa os mo wahau?” Karem siliri jir.

1 Korin 7:28

Hako os ji nokopla nahi, mbeek Avui Wasilakahi misokomek kavak nakwa ambu jir. Os nokopminyongo si hulasi nahi, mbeek orhi misokomek kavak nakwa ambu sir. Hako ma ol hulasi nokoplahanda ondo nomorawu lihik talanda sir. Las avak nomorawu oso himi jihik si talakwak a hishihi amu sawenduwa.

1 Korin 7:8

Hulaji nokopji ol kuyap wayanda ondo nga mumblak wayanda ondo nga jirin amu sawenduwa, os an nawa hom kuyap ji waya nahi, wa jivina.

2 Tesalonaika 2:2

Ma lal avak li taha karem mbakwa lir, “Wasilaka angop indik tari ri,” karem haimba handambakwa lir. Hako erem li mbanak ji misihi, ji lishnyamashnyaha, wavu musha mushak ji hishiwa hala. Hovok ma lal li taha karem mbakwa lir, “Wasilaka angop indik tari ri. Masikome Avui Wasilakahi or sauhashiwak karem amu sawenduwa,” karem haimba handambakwa lir. Hako erem li mbanak ji misihi ji lishnyamashnyaha wavu musha mushak ji hishiwa hala. Hovok ma lal li taha karem mbakwa lir, “Wasilaka angop indik tari ri. Ma lar or sawerik a misihindak amu sawenduwa.” Karem li mbanak erem li mbawan ji misihi ji lishnyamashnyaha wavu musha mushak ji hishiwa hala. Hovok ma lal li taha karem mbakwa lir, “Wasilaka angop indik tari ri. Pol karem or kayeshirik a heyehendak amu sawenduwa.” Karem li mbanak erem li mbawan ji misihi ji lishnyamashnyaha wavu musha mushak ji hishiwa hala.

1 Pita 4:17

Avui Wasilaka hulaima nokopman or heyembakwa wolo osmu pasir nanduwa. Masmas nir orhi krahak sinda man heyembakwa ri. Ushihi ma ol mashi jivi orhin mblarnanda ma ondon or heyembashinak nomorawu wasilaka menden li kishaha kava indingak nakwa lir.