1 Korin 4:4 - Nupela Testamen long tokples Mende long Niugini

⁴ An anhinjik a hishiwa, lerawu jivi nom a landa nir, mbeek lerawu kava las nga na landa ambu nir. Hako an anhinjik mbeek an ma jivi, karem a mbakwa ambu nir, wahau. Wasilaka nom orvai lerawu anhi os a landan oweioweiheyehe mbakwa ri.

1 Korin 4:4 ပူးပေါင်းရင်းမြစ်များ

Mashi jivi Jisashi Jon or kayeri 21:17

Uhu indik Pitan ormu silira, “Saimon jikisi Jonhi mirin, anin wapnuku mende mihik ewenda om mo wahau?” Karem indik or silirik sunguwavu orhi kavak si narik or holoho ormu mbara, “Wasilaka, mbele mbele os wavu anhik nawan angop mi heitakowa sir. An mirin wapnuku anhik a ewenda nir.” Urik ormu mbara, “Mir avak sipsip anhi ondon armek washilihi akwan hanak li aka.”

Aposel 23:1

Uhu Pol Judama lida lihi ondon or heyehe ormu mbara, “Mahasanje, an ermba ermbak misokome Avui Wasilakahik wavu anhi nga jivik si nawak a yanda nir. An a hishiwa an mbeek mbele kava las a unda ambu nir.”

Jekamba Pol ol yanga Romik lindanjik or kayeri 2:13

Os lo orhin men mamblakop li misi nahi, or mbeek lirin ma worna mak ushakwa ambu ri. Hako os lo amber hom li misindiyarako nahi, lirin ma worna mak ushakwa ri.

Jekamba Pol ol yanga Romik lindanjik or kayeri 4:2

Mbele mbele jivin or urik or heyehe orin ma worna mak ushar or? Wahau. Os erem si narikop Abraham orhinjik or yerkujihi nor mba, “An lerawu anhinjik a laha ma worna mak a nari nir.”

1 Korin 4:3

Os ma lar lerawu anhi roson or heyehe nor mba, “Ma toto lerawun armek landa ambu ri.” Karem or mbanak a misiwa, mbeek os or mbawa mashi oson a holo mendekwa ambu nir. Uhu mbeek lerawu os a lawan a halakwa ambu nir. An mbeek anhinjik lerawu os a landan a oweioweiheyehe na mbanda ambu nir. Avui Wasilaka ortonom mbele mbele a undan oweioweiheyekwa ri.

1 Korin 4:5

Uwa osik jir avak lerawu os ma anandi landan ji oweioweiheyehe ji mbawa hala. Oso lerawu jihi ambu sir. Kumak Wasilaka or tawa wolo mbele mbele ol wanyindan or unak kormbak li talanak ma amber li heyekwa lir. Wavu wavu nihi os mberem mberem ni hishi ni yanda oso nga oro wolok kormbak talakwa sir. Oro wolokop Avui Wasilaka ma nir lerawun armek landan karem or sawekwa nir, “Jir lerawu jihi ji landa jivi sir,” karem or sawekwa nira.

2 Korin 1:12

Angop ji heyenda nir. Nir nombo worna indinga Avui Wasilakahi os ni tiyakmbaha or mbahandan ni tiyanda nir. Waprupshi orhi nihik si nashindak lerawun nimu landuwa. Mbeek hishiyarinda misambik fehen ni tiyaha lerawun ni landa ambu nir. Os jir nga ni liri wolo nga yanga anandik ni yari wolo nga nombo worna oso nom ni tiyayandari nir. Uhunda oson ni rupshi mendehe jirin nimu sawenduwa.

2 Korin 5:10

Mberem ushiwak? Kumak nir amber hom Krais nirin oweioweiheyekwa ora. Misambi torok ni liwa wolo os ni unda unda nihi jivi nga kava nga nor heyehe yombo yombok wasan hakwa ri.