1 Korin 15:29 - Nupela Testamen long tokples Mende long Niugini

²⁹ Jir Korinik fehe lal karem mbanda lir. Lal fak layi namber li hashihindak ol lihi yawa lal fak li layiwa ol mas handarin li jelya, karem mbaha fak layinda lir. Undanak ma amber indik li usahakwa wolo avak li usahaka. Karem li hishihi fak layinda lir. Hako os ma ol hahanda indik li usaha nahi ambu, ma ol lirin jelyakurik fak layinda ma ondo, wa sembe fak layinda lir.

1 Korin 15:29 ပူးပေါင်းရင်းမြစ်များ

Matyu 20:22

Karem si silirik ormu mbara, “Jir mbeek os ji siliwan hishiyariwa ambu jir. Shir am nomorawu os anhik talakwan kishandahi osh?” Urik frimu mbara, “He, shi kishandahi sir.” Urik ormu mbara,

Matyu 3:6

Li raha kavakava li undarin kormbak li sawerik fa Jordanik lirin ormu tolofalera.

1 Korin 15:16

Os Avui Wasilaka ma ol hahandan or mbanak indik li usahakuna ambu nahi, wa karem ni mbaka, “Avui Wasilaka mbeek Kraisin or mbarik indik usahari ambu ri.”

1 Korin 15:28

Kumak os mbele mbele amber Kraishi siyok li sikwa wolo or nga orhinjik Avui Wasilakahi siyok sikwa ri. Avui Wasilaka oto mas mbele mbele amber hom jikisi orhi or arangokmbaha kwambu orhin orin hari ri. Unda osik kumak Avui Wasilaka or hausishinak jikisi orhi oto orhi siyok sikwa ri.

1 Korin 15:30

Os ma ol hahanda indik li usahakwa ambukop nir mbeek yanga yangak ni yaha mashi oson ni sawewak nirin kavak nawa ambu lir.

1 Korin 15:32

Lerawu roson anhinjik a hishihi na law, karem jimu hishindu? Wahau te. An mbeek anhinjik a hishihi Efesusik fehe ma kava ondo nga ni sihi anantleri ambu nir, wahau. Ma lal ma ol hahanda indik li usahakwa ambu, karem hishinda ma ondo karem mbanda lir, “Ni hawa oso indik ni usahakwa osik mo,” karem li mbaha hiyawun li uhu aha uku kava nga li aha ambarambasinda lir.