WƖLƖƖDAGƖYA 6:2 - Wɩɩsɩ Nyʋʋfalɩɩ Teŋ (Ghana)

² Ɛɛ rɛ ŋ deŋ, a na gyapʋlʋŋ. Nal hʋ aa gyɩna ʋ kol too, ka ba kpa kuworinyupugi tɩya ʋ. Ɛɛ rɛ ʋ lɩɩ mʋ anɩɩ bayuwol aa yuwo kɩ di saŋa buloŋ, dɩ ʋ yuwo yuwo a di ʋ dɔmɔ.

WƖLƖƖDAGƖYA 6:2 ပူးပေါင်းရင်းမြစ်များ

Matiwu 28:18

Doŋ nɛ Yesu ko kpaga ba a basɩ tɩya ba baa, “Wɩɩsɩ kpaa wɩɩsɩbee abee dʋnɩya no buloŋ dee tɩya ŋ nɛ.

1 Koriŋti Tɩmma 15:25

Amɛ ʋ maga dɩ Krisita dɩ koro rɛ, a kaŋ kɩ mʋ saŋa hʋ Wɩɩsɩ aa sɩ yuwo di ʋ dɔmɔ buloŋ, a kpa ba we ʋ nosi tɩyaŋ.

WƖLƖƖDAGƖYA 11:15

Ɛɛ rɛ malɩka-pɛɛ hʋ tɩɩna mɛ mʋʋ ʋ kabɩl. Doŋ nɛ ŋ nɩɩ taabala dɩ ba aa basɩ wɩya wɩɩsɩbee tɩyaŋ a baa, “Nyɛ kɛ á Tɩɩna Wɩɩsɩ abee ʋ nal hʋ ʋ aa lɩya dɩ ʋ ko laa dʋnɩya nala ta, ba laa dʋnɩya buloŋ tɩŋa rɛ a kɩ deŋ, Á Tɩɩna Wɩɩsɩ sɩ di koro dʋnɩya tɩyaŋ a kaŋ kɩ mʋ maakyiye buloŋ.”

WƖLƖƖDAGƖYA 11:18

Dʋnɩya nala hʋ aa bɩ gyɩma ɩ fa naa baaŋ a beel-ɩ rɛ. Amɛ saŋa hʋ ɩ baaŋ mɛ aa sɩ sii ba nyuu tɩyaŋ pele rɛ, ka saŋa hʋ tɩɩ ɩ aa sɩ di nala hʋ aa sʋba sarɩya mɛ pele rɛ, saŋa hʋ ɩ aa sɩ tuŋ ɩ nala mɛ pele rɛ. ɩ sɩ tuŋ ɩ tʋŋtʋnna nala hʋ aa basɩ ɩ wɩya Wiyesi Welii hʋ dee tɩyaŋ, abee ɩ nala buloŋ, nala hʋ aa fá ɩ, nɩbala abee nɩbiisi buloŋ, Saŋa hʋ ɩ aa sɩ kyogi nala hʋ aa kyogi dʋnɩya mɛ pele rɛ.”

WƖLƖƖDAGƖYA 14:14

Ɛɛ rɛ ŋ bɩl deŋ a na taalpʋlʋŋ. Nal aa kɩɩ Nihuwobiŋ hɔŋ taal hʋ tɩyaŋ, a kyige salma kuworinyupugi, aŋ kolo gyasiye aa di nyamanyama ʋ noŋ tɩyaŋ.

WƖLƖƖDAGƖYA 15:2

Ɛɛ rɛ ŋ na kɩŋ kɩdɩgɩ pɩna gɛɛ waŋŋɩlaŋ anɩɩ mpʋwɔnʋʋ a kɩ tʋla gɛɛ anɩɩ nyagɩsa aŋ kɩ kyol diŋ. Ka ŋ na nala hʋ aa yuwo di ɔhɔ-kɩŋ hʋ, ɔhɔ-kɩŋ hʋ ba aa mɔɔ kɩŋ ʋ kɩɩ ʋ, aŋ kaŋ namba mɛ ʋ kɩ daga ʋ feŋ, dɩ ba sɩŋ mpʋwɔnʋʋ hʋ logiŋ a kol konima Wɩɩsɩ aa kpaa tɩya ba,

WƖLƖƖDAGƖYA 17:14

Ba bee ɔhɔ-kɩŋ hʋ sɩ kpa yuwo kyeŋ Pebiye hʋ, amɛ Pebiye hʋ bee ʋ hatɩnna, nala hʋ ʋ aa yɩra, a lɩɩ ba, ba kɩ tɩŋa ʋ abee wɩtɩɩ, ba sɩ yuwo di ba, beewɩya ʋ rɛ yaa nɩbala buloŋ nɩbal abee kuworo buloŋ kuwori.

WƖLƖƖDAGƖYA 19:14

Wɩɩsɩbee laalyuwolo mɛ gyɩŋ gyapʋllɩ a kɩ tɩŋa ʋ hal, a laalɩ gapʋlʋŋweliye aa bɩ kaŋ bisiŋ buloŋ.

WƖLƖƖDAGƖYA 3:21

Nal hʋ aa sɩ wuwo yuwo di, ŋ sɩ tɩya ʋ ŋmanɩɩ dɩ ʋ pɛ hɔŋ ŋ kuworikpasa hʋ tɩyaŋ anɩɩ ŋ mɛ aa yuwo di a pɛ hɔŋ ŋ Kuwo kuworikpasa hʋ tɩyaŋ gɛɛ.

WƖLƖƖDAGƖYA 9:7

Hʋwa hʋ fa kɩɩ gɛɛ anɩɩ gyaaga ba aa kpɩyɛra dɩ ba kaŋ mʋ yuwo. Ba kyige kɩna aa kɩɩ gɛɛ anɩɩ salma nyupugini rɛ, ka ba sɩya mɔgɩ mɛ kɩɩ gɛɛ nihuwobisi sɩya.