WƖLƖƖDAGƖYA 5:13 - Wɩɩsɩ Nyʋʋfalɩɩ Teŋ (Ghana)

¹³ Ɛɛ rɛ ka ŋ nɩɩ kɩna hʋ buloŋ aa we wɩɩsɩbee tɩyaŋ, abee kɩna hʋ buloŋ aa we dʋnɩya tɩyaŋ, abee kɩna hʋ aa we taŋha memii tɩyaŋ, abee kɩna hʋ buloŋ aa we mpʋwɔnʋʋ tɩyaŋ, abee kɩŋ kɛ buloŋ aa we doŋ dɩ ba aa yɩɩ yɩɩl a baa, “Nal hʋ aa hɔŋ kuworikpasa hʋ tɩyaŋ abee Pebiye hʋ, ba aa rɛ maga dɩ á kɩ kyʋwalɩ ba, a kɩ tɩya ba feŋ, a kɩ dannɩ ba. Ba aa rɛ kaŋ dee kɩŋ buloŋ nyuu tɩyaŋ, a kaŋ kɩ mʋ maakyiye buloŋ.”

WƖLƖƖDAGƖYA 5:13 ပူးပေါင်းရင်းမြစ်များ

Matiwu 6:13

Kyiyeli ma dɩ kɩŋ buloŋ ta ko mʋrɩ ma we wɩbɔmɔ yayɩ tɩyaŋ aŋ lɩɩ ma Sɩtaanɩ nosi tɩyaŋ.

Luka 2:14

“Ma leŋ dɩ á dannɩ Wɩɩsɩ aa we wɩɩsɩbee tɩyaŋ. Wɩɩsɩ nikyooliye mɛ aa we taŋha nyuu tɩyaŋ sɩ na fɩyɛlʋʋ.”

Gyɔɔŋ 1:29

Ʋ sɩgballɩya, Gyɔɔŋ naa Yesu dɩ ʋ aa ko ʋ lee. Ɛɛ rɛ ʋ baa, “Ma deŋ na, Wɩɩsɩ Pebiye hʋ rɛ nyɛ. Ʋ rɛ laa dʋnɩya nala kɩ ta ba wɩbɔmɔ tɩyaŋ.

Roma Tɩmma 11:36

Beewɩya Wɩɩsɩ rɛ marɩ kɩŋ buloŋ. Ʋ dee tɩyaŋ nɛ kɩŋ buloŋ we doŋ. Ʋ rɛ tɩŋ kɩŋ buloŋ. Ʋ rɛ maga dɩ á kɩ bigisi ʋ deŋdeŋ. Amɩ.

Roma Tɩmma 16:27

Ma leŋ dɩ á tɩŋ Yesu Krisita tɩyaŋ a kɩ dannɩ Wɩɩsɩ deŋdeŋ, beewɩya ʋ dʋŋ nɛ yaa wɩgyʋŋ buloŋ tɩɩna. Amɩ.

Roma Tɩmma 9:5

Ba aa rɛ yaa á naabaala hʋ Wɩɩsɩ aa lɩya doho nala. Krisita nihuwobiŋlɩŋ tɩyaŋ, ʋ yaa ba doho nal lɛ. Ma leŋ dɩ á kɩ dannɩ Wɩɩsɩ a kaŋ kɩ mʋ maakyiye buloŋ beewɩya ʋ rɛ aa deŋ kɩŋ kɩŋ buloŋ.

Ɛfiso Tɩmma 3:21

Á nala hʋ buloŋ aa laa Yesu Krisita wɩya di, ka á beel-ʋ yaa kɩdɩgɩ, ma leŋ dɩ ʋ feŋ yɩrɩ saŋa buloŋ, a kaŋ kɩ mʋ maakyiye buloŋ. Amɩ.

FILIPI TƖMMA 2:10

Yesu feŋbal no wɩya, nihuwobisi abee kɩna hʋ buloŋ aa we Wɩɩsɩbee tɩyaŋ abee taŋha nyuu bee taŋha memii, ba buloŋ sɩ tuu gbinni ʋ sɩya tɩyaŋ a kyʋwalɩ ʋ,

KOLOSI TƖMMA 1:23

Ɛɛwɩya, ma sɩŋ Wɩɩsɩ wɩweliye hʋ ma aa laa di tɩyaŋ weliŋ, aŋ ta kɩ yaa sige abee bayɩyɛla hʋ ma aa kana ba tɩyaŋ saŋa hʋ ma aa nɩɩ ba. Wɩɩsɩ wɩweliye no tɩɩ rɛ ba gɔllɩ basɩ kɩ tɩya nala buloŋ dʋnɩya lee buloŋ tɩyaŋ. Ba wɩya rɛ mɩyaŋ Pɔɔl tɩɩ mɛ yaa Yesu Krisita tʋŋtʋnnɩ, a basɩ ba kɩ tɩya nala.

1 TIMOTI 4:16

Kana ɩ tɩɩ weliŋ, a pɔ ɩ tɩɩ abee ɩ wɩdagɩya tɩyaŋ, a leŋ dɩ ɩ sɩɩ fɩyɛsɩ gɛɛ yayɩ tɩyaŋ, beewɩya dɩ ɩ rɛ aa yaa gɛɛ, Wɩɩsɩ sɩ laa ɩ bee nala hʋ aa gyegile kɩ nɩɩ wɩya hʋ ɩ aa basɩ buloŋ ta.

1 PIITA 4:11

Dɩ Wɩɩsɩ rɛ leŋ nal buloŋ wuwo kɩ basɩ Wɩɩsɩ wɩya, ma tɩya ʋ ŋmanɩɩ dɩ ʋ kɩ basɩ wɩya hʋ aa lɩɩ Wɩɩsɩ lee. Dɩ nal lɛ wuwo kɩ kyiyeli nala, ʋ kaŋ dee hʋ Wɩɩsɩ aa kpa tɩya ʋ a kɩ kyiyeli ba. Ma kɩ yaa gɛɛ dɩ nala wuwo tɩŋ Yesu Krisita tɩyaŋ a kɩ dannɩ Wɩɩsɩ, dɩ ʋ feŋ yɩrɩ wɩɩ kɛ buloŋ tɩyaŋ. Ʋ rɛ yaa dee buloŋ tɩɩna abee gaŋdaal a kaŋ kɩ mʋ maakyiye buloŋ. Amɩ.

1 PIITA 5:11

Ma leŋ dɩ á dannɩ Wɩɩsɩ beewɩya ʋ rɛ kaŋ dee a kaŋ kɩ mʋ deŋdeŋ.

GYUUDI 1:25

Ma leŋ dɩ á tɩŋ á Tɩɩna Yesu Krisita tɩyaŋ a dannɩ Wɩɩsɩ beewɩya ʋ dʋŋ nɛ yaa Wɩɩsɩ á laataal. Ʋ rɛ yaa gaŋdaal, a tɩŋ koro abee dee, a tɩŋ kɩŋ buloŋ a kɩ deŋ ba nyuu mɛ, a lɩɩ piili hʋ a kaŋ kɩ ko gyɩnaŋ, a kaŋ kɩ mʋ maakyiye buloŋ. Amɩ.

WƖLƖƖDAGƖYA 1:6

Ʋ rɛ kaŋ ma ko gyʋʋ ʋ koro hʋ tɩyaŋ a leŋ á yaa kuworibiisi abee wɩɩkyʋwal-sɩlaala, a tʋma kɩ tɩya nal hʋ aa yaa ʋ Wɩɩsɩ abee ʋ Kuwo. Yesu Krisita yaa gaŋdaal lɛ abee dee buloŋ tɩɩna a kaŋ kɩ mʋ maakyiye buloŋ. Amɩ.

WƖLƖƖDAGƖYA 13:8

Nala hʋ buloŋ fene aa tuwo Wɩɩsɩ Pebiye hʋ ba aa kpʋwa mɩɩbol teŋ hʋ tɩyaŋ a lɩɩ dʋnɩya lipiilii buloŋ, ba mɛ sɩ tuu gbinni ʋ sɩya tɩyaŋ a kyʋwalɩ ʋ. Nala buloŋ aa we dʋnɩya tɩyaŋ sɩ tuu gbinni kyʋwalɩ ɔhɔ-kɩŋ hʋ, see nala hʋ dʋŋ fene aa we Wɩɩsɩ Pebiye hʋ ba aa kpʋwa a lɩɩ dʋnɩya piilii tɩyaŋ buloŋ mɩɩbol teŋ hʋ tɩyaŋ.

WƖLƖƖDAGƖYA 5:1

Ɛɛ rɛ ka ŋ bɩl na dɩ nal hʋ aa hɔŋ kuworikpasa hʋ tɩyaŋ, dɩ ʋ kol teŋkulii ʋ noduu noŋ tɩyaŋ. Ba sabɩ kɩna we teŋ hʋ tɩya abee ʋ hal buloŋ tɩyaŋ, aŋ kpa kel taarɩ tɔ teŋ hʋ leye bapɛ tɩyaŋ.

WƖLƖƖDAGƖYA 5:12

a baa: “Pebiye hʋ ba aa kpʋwa rɛ maga dɩ ʋ kaŋ dee. Ʋ rɛ maga dɩ ʋ kaŋ dʋwa, abee wɩgyʋŋ, abee dee kɩŋ buloŋ tɩyaŋ. Ʋ rɛ maga dɩ ʋ kaŋ feŋbal, dɩ nala kɩ dannɩ ʋ a kɩ kyʋwalɩ ʋ.”

WƖLƖƖDAGƖYA 5:3

Amɛ nal buloŋ fa tuwo wɩɩsɩbee tɩyaŋ, koo taŋha nyuu tɩyaŋ koo taŋha memii tɩyaŋ a maga ʋ aa sɩ wuwo suri teŋ hʋ, a deŋ ʋ tɩya.

WƖLƖƖDAGƖYA 5:6

Ɛɛ rɛ ŋ deŋ a na Pebiye dɩ ʋ sɩŋ kuworikpasa hʋ abee kɩweye hʋ banaa abee nɩhɩyasɩ mɔlɩya bee banaa hʋ tʋtʋʋ, a kɩɩ gɛɛ anɩɩ ba fa aa kpʋ ʋ. Ʋ fa kaŋ nyɩŋdaasɩ bapɛ rɛ abee sɩya bapɛ. Sɩya hʋ bapɛ rɛ yaa Wiyesi Welii aa kaŋ de-iriŋma bapɛ hʋ Wɩɩsɩ aa taa ʋ ko tuu dʋnɩya logiŋ kɛ buloŋ.

WƖLƖƖDAGƖYA 5:9

Ɛɛ rɛ nɩhɩyasɩ hʋ abee kɩweye hʋ yɩɩ yɩɩfalɩɩ a baa: “Ɩ rɛ maga ɩ aa sɩ laa teŋkulii hʋ ba aa taarɩ tɔ, a tɔrɩ kelni hʋ ba aa kaŋ taarɩ teŋ hʋ tɔ, beewɩya ba kpʋ ɩ rɛ, ɩ kpa ɩ kyal a yɔbɔ nihuwobisi a tɩya Wɩɩsɩ. Nala hʋ ɩ aa yɔbɔ lɩɩ nala iriŋ iriŋ buloŋ tɩyaŋ nɛ, a kɩ basɩ taanɩ iriŋ iriŋ, a we tɔnɩ iriŋ iriŋ abee taŋhasɩ iriŋ iriŋ buloŋ tɩyaŋ.

WƖLƖƖDAGƖYA 6:16

Aŋ kɩ yɩrɩ dogiŋsi hʋ abee bʋwa hʋ abaa, “Ma tele tɔ ma dɩ nal hʋ aa hɔŋ kuworikpasa hʋ nyuu ta naa ma, dɩ Pebiye hʋ mɛ ta dɔgɩsɩ ma,