Maakɩ 6:11 - Wɩɩsɩ Nyʋʋfalɩɩ Teŋ (Ghana)

¹¹ Dɩ ma ko mʋ tɔɔ buloŋ dɩ ba pɔ dɩ ma ta gyʋwa, a bɩ sɩ gyegili nɩɩ wɩya hʋ mɛ ma aa basɩ, ma gallɩ mʋ. Dɩ ma ko lɩɩ bee hʋ tɩyaŋ, ma piisi ma naasɩ taŋha ta. Ɛɛ rɛ sɩ leŋ dɩ ba gyɩma anɩɩ ba aa vɩya ma nyɛ Wɩɩsɩ sɩ dɔgɩsɩ ba.”

Maakɩ 6:11 ပူးပေါင်းရင်းမြစ်များ

Matiwu 12:36

Ŋ basɩ kɩ tɩya ma rɛ, nal hʋ buloŋ aa bɩ gyɩŋ ʋ nyʋwa kanɩɩ aŋ basɩ wɩɩ hʋ fa aa bɩ maga dɩ ʋ basɩ, sarɩya hʋ kyɛdiilii ʋ sɩ daga wɩɩ hʋ aa tɩŋ ʋ tɩɩna yaa gɛɛ a tɩya Wɩɩsɩ.

Maakɩ 6:10

Dɩ mamaa rɛ ko mʋ gyʋʋ tɔɔ buloŋ, ma gyʋʋ dɩya hʋ nala aa kyo ma wɩya, a we dɩɩdɩgɩ tɩyaŋ gɛɛɛ dɩ saŋa hʋ ma aa sɩ lɩɩ tɔɔ hʋ tɩyaŋ mʋ pele.

Luka 9:5

Dɩ mamaa rɛ ko mʋ tɔɔ buloŋ, dɩ tɔɔ hʋ nala bɩ tɔgɩmɔ ma, ma piisi ma naasɩ taŋha ta doŋ, aŋ lɩɩ tɔɔ hʋ tɩyaŋ. Ɛɛ sɩ leŋ dɩ ba gyɩma anɩɩ ba aa vɩya ma nyɛ, Wɩɩsɩ sɩ dɔgɩsɩ ba.”

Yesu Kpambɩsɩ 18:6

Nyɛ rɛ Gyuuma hʋ lɩɩ ʋ hal aŋ kɩ tʋʋsɩ ʋ. Ba aa yaa gɛɛ hʋ tɩyaŋ nɛ, Pɔɔl pigisi ʋ gannɩ kʋŋkɔyɩ we ba tɩyaŋ (Nyɛ daga anɩɩ ʋ noŋ bɩl tuwo ba wɩkanɩya tɩyaŋ), aŋ basɩ tɩya ba a baa, “Dɩ ma kɩdɩgɩ buloŋ nɛ ko nyʋgɩsɩ Wɩɩsɩ ŋmanɩɩ hʋ tɩyaŋ, ʋ tɩɩna haakye maga ʋ rɛ. Ŋ kɛ wɩɩ bɩl daa. A yaŋ lɩɩ gyɩnaŋ kɩ mʋ, ŋ sɩ mʋ basɩ Wɩɩsɩ wɩweliye hʋ a tɩya nala hʋ aa bɩ yaa Gyuuma.”

Roma Tɩmma 2:16

Ɛɛwɩya, Wɩɩsɩ Wɩweliye hʋ ŋ aa basɩ daga anɩɩ nyɛ rɛ ba sɩ kɩɩ kyɛɛ hʋ Wɩɩsɩ aa sɩ kaŋ nala wɩfaŋɩya buloŋ ko lɩɩ pʋlʋŋ a tɩŋ Yesu Krisita tɩyaŋ a di ba sarɩya.

Roma Tɩmma 2:5

Amɛ ɩ bembii deye rɛ kɩŋkaŋ, ɩ bɩ vʋwa dɩ ɩ bɩrɩmɩ lɩɩ ɩ wɩbɔmɔ tɩyaŋ. Ɛɛwɩya, dɔgɩsɩɩ hʋ Wɩɩsɩ aa sɩ dɔgɩsɩ ɩ kɩŋkaŋ kyɛɛ hʋ ʋ aa sɩ kpa baaŋ abee wɩtɩɩ a di dʋnɩya nala sarɩya ba wɩbɔmɔ wɩya, Ɩ leŋ ʋ marɩ yʋga kɩ pɛ rɛ.

2 PIITA 2:6

Wɩɩsɩ gyɩ kyogi Sodɔm abee Gomora mɛ rɛ. Diŋ nɛ ʋ gyɩ kpa nyɔgɔ tɔbala no, ba buloŋ di a mʋ bɩrɩmɩ tʋwɔl. Wɩɩsɩ yaa gɛɛ rɛ dɩ ʋ yaa kyagɩl a daga ma wɩɩ hʋ aa sɩ puu nal hʋ buloŋ aa bee tɩŋa ʋ nyʋwa.

2 PIITA 2:9

Wɩya no buloŋ aa yaa nyɛ, ba daga anɩɩ Wɩɩsɩ gyɩŋ ɛɛ hʋ ʋ aa sɩ yaa a laa tɩpʋlʋŋ tɩmma ta rɛ, a lɩɩ ba tʋwara tɩyaŋ, a bɩl gyɩŋ ŋmanɩɩ hʋ mɛ ʋ aa sɩ kpa a dɔgɩsɩ nɩbɔmɔ, a mʋ pele kyɛɛ hʋ ʋ aa sɩ di dʋnɩya nala sarɩya,

2 PIITA 3:7

Wɩɩsɩ nyʋwa wɩbasɩya tɩɩ rɛ bɩl leŋ gyɩnaŋ taŋha abee wɩɩsɩnyuu buloŋ we doŋ dɩ ʋ ko maakyiye kpa diŋ a kyogi ba ta. Wɩɩsɩ ha leŋ ba we doŋ nɛ a kaŋ kɩ mʋ kyɛɛ hʋ ʋ aa sɩ di dʋnɩya nala sarɩya, a kpa kyogisi tɩya nala hʋ aa bee tɩŋa ʋ nyʋwa aŋ kpa ba we diŋ tɩyaŋ.

1 GYƆƆŊ 4:17

Ɛɛ daga nɩɩ ʋ leŋ á kyori su rɛ abeel-ʋ. Ɛɛwɩya, á bɩ sɩ fá kambɩŋ kyɛɛ hʋ ʋ aa sɩ di dʋnɩya sarɩya. Á mɛ kɔnɩ yaŋ bɩ sɩ fá wɩɩ buloŋ haŋ kyɛɛ hʋ, beewɩya á mɩɩbol tɩyaŋ á bee Krisita yaa kɩdɩgɩ rɛ.

GYUUDI 1:7

Ɛɛ tɩɩ rɛ Wɩɩsɩ gyɩ leŋ diŋ di tɔbala hʋ ba aa yɩrɩ Sodɔm abee Gomora abee tɔnɩ hʋ buloŋ aa kpaga ba, beewɩya tɔnɩ no nala gyɩ aa yaa sɔŋsɔŋ wɩya rɛ abee wɩbɔmɔ iriŋ buloŋ, abee bisiŋ wɩya hʋ nihuwobisi aa bɩ maga dɩ ba kɩ yaa. Wɩɩsɩ aa kyɛ dɩ tɔnɩ no diŋ hʋ dii yaa kyagɩl lɛ a tɩya nal buloŋ dɩ á gyɩma anɩɩ nyɛ rɛ Wɩɩsɩ sɩ kpa diŋ hʋ aa bɩ sɩ maakyiye dɩsɩ a dɔgɩsɩ nala hʋ aa bee tɩŋa ʋ nyʋwa.