Luka 9:29 - Wɩɩsɩ Nyʋʋfalɩɩ Teŋ (Ghana)

²⁹ Ʋ fa aa kyʋwalɩ Wɩɩsɩ hʋ tɩyaŋ nɛ, ʋ sɩya pirigi bɩrɩmɩ, a bɩl bɩ kɩɩ ʋ kɩyɩ. Ʋ gannɩ buloŋ mɩɩgɩ pʋrɩsɩ gɛɛ pogipogi, a kɩ tʋla gɛɛ nyʋlɩɩnyʋlɩɩ.

Luka 9:29 ပူးပေါင်းရင်းမြစ်များ

Matiwu 17:2

Ba ko baa dɩ ba deŋ, dɩ ba naa Yesu bɩrɩma, ʋ sɩya buloŋ kɩ tʋla gɛɛ anɩɩ wɩɩpɔsɩɩ aŋka ʋ gannɩ mɛ pʋllɩ gɛɛ peretete a kɩ tʋla.

Maakɩ 16:12

Ɛɛ hal tɩyaŋ nɛ, baala balɩya sii lɩɩ kpa ŋmanɩɩ a kɩ mʋ tɔɔ kɩdɩgɩ. Ba aa mʋʋ dɩ Yesu bɩrɩma, a bɩl bɩ kɩɩ ʋ fa aa kɩɩ gɛɛ, a kaŋ ʋ tɩɩ ko daga ba.

Luka 3:21

Gyɔɔŋ gyɩ aa foo nala hʋ buloŋ wɩɩkyʋwalnɩɩ ko teŋ, ɛɛ rɛ ʋ fo Yesu mɛ wɩɩkyʋwalnɩɩ. Doŋ tɩyaŋ nɛ Yesu kɩ kyʋwalɩ Wɩɩsɩ dɩ ʋ naa wɩɩsɩnyuu pirigi lɔgɔ suri. Nyɛ rɛ Wɩɩsɩ Wiyesi Welii hʋ kɩɩ gɛɛ anɩɩ kokomo, a ko tuu saga ʋ tɩyaŋ. Ɛɛ hal lɛ ʋ nɩɩ taal kɩdɩgɩ dɩ ʋ lɩɩ wɩɩsɩnyuu a basɩ tɩya ʋ a baa, “Ɩ rɛ yaa ŋ Biikyoolii. Ŋ teŋ fɩyɛla rɛ ɩ tɩyaŋ.”

Luka 5:16

Ka Yesu aa sii mʋ lee hʋ nala aa tuwo, a kyʋwalɩ Wɩɩsɩ.

Luka 6:12

Kyɛɛ kɩdɩgɩ Yesu sii mʋ gyɩŋ dogimo kɩdɩgɩ nyuu dɩ ʋ kyʋwalɩ Wɩɩsɩ. Ʋ we doŋ, a kyʋwalɩ Wɩɩsɩ gɛɛ deŋdeŋ sɩya mʋ gballɩ.

Luka 9:18

Kyɛɛ kɩdɩgɩ rɛ Yesu dʋŋ mʋ kɩ kyʋwalɩ Wɩɩsɩ. Ɛɛ rɛ ʋ hatɩnna hʋ sii mʋ ʋ lee. Doŋ nɛ ʋ pɩyɛsɩ ba a baa, “Aŋnɛ rɛ nala baa ŋ yaa?”

Luka 9:30

Doŋ tɩyaŋ nɛ Moosi bee Ɛlaagya pirigi lɩɩ wɩɩsɩbee, a ko pɛ Yesu tɩyaŋ, ba gannɩ mɛ kɩ tʋla gɛɛ tɩɩ. Ba beel-ʋ sɩŋ kɩ basɩ gɛɛ hʋ Yesu aa sɩ sʋba Gyerusalɛm tɩyaŋ, a leŋ dɩ wɩɩ hʋ wɩya Wɩɩsɩ aa tɩma ʋ ko su ʋ bʋwa.

Gyɔɔŋ 1:14

Ɛɛ rɛ wɩbii hʋ bɩrɩmɩ nihuwobiŋ a ko we á tɩyaŋ, á na ʋ gaŋdarɩ, a na ʋ bɔnyɛ abee ʋ kyori aa maga gɛɛ, a na ʋ wɩtɩɩ mɛ mɔgɩsɩ. Gaŋdaa-feŋ hʋ ʋ aa kana, ʋ Kuwo Wɩɩsɩ rɛ kpaa tɩya ʋ, a daga anɩɩ ʋ rɛ yaa ʋ Biidɩgɩ dʋŋ.

Yesu Kpambɩsɩ 6:15

Nala hʋ buloŋ fa aa hɔŋ doŋ kuwoni ba sɩya pɔ Sɩtɩɩvɩŋ tɩyaŋ. Doŋ tɩyaŋ nɛ ba na dɩ ʋ sɩya kɩɩ gɛɛ anɩɩ malɩka sɩya.

WƖLƖƖDAGƖYA 20:11

Ɛɛ rɛ ka ŋ na kuworikpasɩpʋlʋŋbal dɩ ʋ sɩna, a na nal hɔŋ ʋ tɩyaŋ mɛ. Ɛɛ rɛ ŋ na dɩ taŋha abee wɩɩsɩnyuu buloŋ fáá nyʋgɩsɩ nal hʋ sɩya tɩyaŋ, nal buloŋ bɩl bɩ naa ba.