Luka 8:10 - Wɩɩsɩ Nyʋʋfalɩɩ Teŋ (Ghana)

¹⁰ Yesu basɩ tɩya ba a baa, “Ma nala no rɛ Wɩɩsɩ daga wɩya hʋ aa yaa wɩfaŋɩya ʋ koro hʋ tɩyaŋ memii tɩya. Amɛ nɩkaalɩya hʋ kɛ buloŋ, namagɩsɩ rɛ ʋ aa kaŋ kɩ daga ba. Ɛɛ rɛ tɩŋ ba aa gyegili gyegili, aŋ bee gyɩŋ ba memiye, a bɩl deŋ deŋ mɛ aŋ bee na kɩŋ buloŋ.

Luka 8:10 ပူးပေါင်းရင်းမြစ်များ

Matiwu 11:25

Saŋa no tɩɩ tɩyaŋ nɛ Yesu baa, “Ŋ Kuwo Wɩɩsɩ, ɩ rɛ yaa wɩɩsɩnyuu abee taŋha buloŋ Tɩɩna. Ŋ aa dannɩ ɩ rɛ akuu wɩya hʋ ɩ aa kpaa faŋa wɩgyʋnna, aŋ kpa ba daga nala hʋ aa bɩ kaŋ wɩgyʋŋ.

Matiwu 16:17

Ɛɛ rɛ Yesu baa, “Siimɔŋ, Gyɔɔŋ biibaal, nyusʋŋtɩɩna rɛ yaa ɩ, beewɩya wɩgyʋŋ no ɩ aa kaŋ lɩɩ wɩɩ no sɩɩ, nihuwobiŋ daa tɩya ɩ. Ŋ Kuwo aa we wɩɩsɩbee tɩyaŋ nɛ tɩya ɩ.

Maakɩ 4:11

Ɛɛ rɛ ʋ basɩ tɩya ba a baa, “Ma nala no kɛ, Wɩɩsɩ leŋ ma gyɩŋ wɩya hʋ aa yaa wɩfaŋɩya ʋ koro hʋ tɩyaŋ memii rɛ. Amɛ nɩkaalɩya hʋ kɛ buloŋ, namagɩsɩ rɛ ba kpa kɩ daga ba Wɩɩsɩ koro hʋ wɩya,

Maakɩ 4:12

dɩ gɛɛ leŋ, ‘ba aa gyegili, gyegili aŋ bɩ wuwo kɩ gyɩŋ ba memii, a bɩl deŋ deŋ mɛ aŋ bɩ wuwo kɩ na kɩŋ buloŋ. Dɩ ba aa rɛ fa gyɩŋ ba memii, ba fa sɩ bɩrɩmɩ tɩŋ Wɩɩsɩ, dɩ ʋ kpa ba wɩbɔmɔ kyɛ ba.”’

Gyɔɔŋ 12:40

“Wɩɩsɩ tɔɔ ba sɩya rɛ, dɩ ba ta wuwo na kɩŋ buloŋ. a kaŋ ba hakɩllɩ mɛ tɔ, dɩ ba ta wuwo gyɩŋ wɩya memiye. Dɩ gɛɛ fa daa, ba fa sɩ ko Wɩɩsɩ lee dɩ ʋ tɩɩbɩ ba.”

Roma Tɩmma 16:25

Ma leŋ dɩ á dannɩ Wɩɩsɩ. Ʋ rɛ sɩ wuwo leŋ dɩ ma sɩŋ weliŋ ma laadii tɩyaŋ akuu Wɩɩsɩ wɩweliye hʋ ŋ aa basɩ tɩya ma a mʋ kɩ tile Yesu Krisita tɩyaŋ wɩya. Wɩtɩɩ no fa yaa wɩfaŋɩɩ rɛ faafaa buloŋ, amɛ nyɛ kɛ Wɩɩsɩ leŋ á gyɩma ʋ rɛ.

1 Koriŋti Tɩmma 12:11

Tʋŋ iriŋ iriŋ noma buloŋ lɩɩ Wiyesi Welidɩgɩ hʋ dʋŋ lee rɛ. Ʋ tɩɩ kyɛrɩ tɩyaŋ nɛ ʋ tɩŋa a kpa wɩ-iriŋ iriŋ no ma a tɩya nal buloŋ.

KOLOSI TƖMMA 2:2

Ŋ yaa gɛɛ rɛ dɩ ma buloŋ tenni polli, dɩ ma bembiye mɛ pɩŋ lɩdɩgɩ ka dɩ ma kaŋ nyʋʋdɩgɩ abee kyori. Nyɛ rɛ sɩ leŋ ma gyɩŋ wɩɩ hʋ Wɩɩsɩ gyɩ aa kpaa faŋa ma memii weliŋ aŋ na wɩweliye hʋ buloŋ aa we ʋ tɩyaŋ. Wɩɩ no rɛ yaa Yesu Krisita tɩɩ.

1 TIMOTI 3:16

Wɩya hʋ buloŋ fa aa yaa wɩfaŋɩya, ka Wɩɩsɩ ko kpa ba daga ma, ba kɔnɩ yaa wɩbala rɛ, á bɩ sɩ wuwo yaa ba sige. Ba aa rɛ nyɛ: Krisita bɩrɩmɩ nihuwobiŋ nɛ a ko tuu dʋnɩya Wɩɩsɩ Wiyesi Welii hʋ daga anɩɩ ʋ yaa Tɩpʋlʋŋ Tɩɩna rɛ. Malɩkasɩ mɛ na ʋ. Ba basɩ ʋ wɩya rɛ paalʋʋ paalʋʋ buloŋ tɩyaŋ, ba laa ʋ wɩya di dʋnɩya logiŋ buloŋ tɩyaŋ aŋka Wɩɩsɩ kpa ʋ gyɩŋ wɩɩsɩbee abee gaŋdarɩ.