Luka 3:21 - Wɩɩsɩ Nyʋʋfalɩɩ Teŋ (Ghana)

^21-22 Gyɔɔŋ gyɩ aa foo nala hʋ buloŋ wɩɩkyʋwalnɩɩ ko teŋ, ɛɛ rɛ ʋ fo Yesu mɛ wɩɩkyʋwalnɩɩ. Doŋ tɩyaŋ nɛ Yesu kɩ kyʋwalɩ Wɩɩsɩ dɩ ʋ naa wɩɩsɩnyuu pirigi lɔgɔ suri. Nyɛ rɛ Wɩɩsɩ Wiyesi Welii hʋ kɩɩ gɛɛ anɩɩ kokomo, a ko tuu saga ʋ tɩyaŋ. Ɛɛ hal lɛ ʋ nɩɩ taal kɩdɩgɩ dɩ ʋ lɩɩ wɩɩsɩnyuu a basɩ tɩya ʋ a baa, “Ɩ rɛ yaa ŋ Biikyoolii. Ŋ teŋ fɩyɛla rɛ ɩ tɩyaŋ.”

Luka 3:21 ပူးပေါင်းရင်းမြစ်များ

Matiwu 14:23

Ʋ aa taa nɩgyamaa hʋ buloŋ ba mʋ ko teŋ, ɛɛ rɛ ʋ mʋ gyɩŋ dogimo kɩdɩgɩ nyuu dɩ ʋ kyʋwalɩ Wɩɩsɩ. Ʋ dɩdaana mʋ pele ka ʋ dʋŋ ha we dogimo hʋ nyuu tɩyaŋ.

Luka 5:16

Ka Yesu aa sii mʋ lee hʋ nala aa tuwo, a kyʋwalɩ Wɩɩsɩ.

Luka 9:18

Kyɛɛ kɩdɩgɩ rɛ Yesu dʋŋ mʋ kɩ kyʋwalɩ Wɩɩsɩ. Ɛɛ rɛ ʋ hatɩnna hʋ sii mʋ ʋ lee. Doŋ nɛ ʋ pɩyɛsɩ ba a baa, “Aŋnɛ rɛ nala baa ŋ yaa?”

Gyɔɔŋ 1:51

Ɛɛ rɛ Yesu basɩ tɩya ba a baa, “Wɩtɩɩ rɛ ŋ basɩ kɩ tɩya ma, ma sɩ na wɩɩsɩnyuu dɩ ʋ suro, dɩ malɩkasɩ lɩɩ doŋ a ko tuu mɩyaŋ Nihuwobiŋ Biye lee, aŋ mɩɩgɩ kɩ gyɩŋ.”

Yesu Kpambɩsɩ 1:22

a lɩɩ saŋa hʋ Gyɔɔŋ gyɩ aa foo Yesu wɩɩkyʋwalnɩɩ a kaŋ ko pele kyɛɛ hʋ Wɩɩsɩ aa kpaa ʋ á sɩɩ tɩyaŋ, a gyɩŋ wɩɩsɩbee.”