HIIBURU TƖMMA 12:15 - Wɩɩsɩ Nyʋʋfalɩɩ Teŋ (Ghana)

¹⁵ Ma pɔ ma tɩɩ dɩ Wɩɩsɩ bɔnyɛ hʋ ta ko buwo ma kɩdɩgɩ buloŋ. Aŋ bɩl pɔ ma tɩɩ dɩ nɩbɔŋ buloŋ ta ko we ma tɩyaŋ a kɩ dɔŋ ma, a mʋrɩ ma gyeniŋ buloŋ we wɩbɔmɔ tɩyaŋ.

HIIBURU TƖMMA 12:15 ပူးပေါင်းရင်းမြစ်များ

Luka 22:32

Amɛ ŋ kyʋwalɩ Wɩɩsɩ tɩya ɩ Siimɔŋ nɛ, dɩ ɩ Wɩɩsɩ laadii ta ko nyʋgɩsɩ. Dɩ ɩ rɛ ko mɩɩgɩ ko ŋ lee, pɛ ɩ dɔŋtɩŋsɩ hʋ mɛ tɩyaŋ dɩ ba sɩŋ ba Wɩɩsɩ laadii tɩyaŋ weliŋ.”

1 Koriŋti Tɩmma 10:12

Ɛɛwɩya, nal buloŋ aa bɩɩna anɩɩ ʋ kɛ sɩŋ weliŋ nɛ Wɩɩsɩ ŋmanɩɩ tɩyaŋ, ʋ tɩɩna fɩyɛlɩ ʋ sɩya weliŋ, dɩ ʋ ta ko tele.

1 Koriŋti Tɩmma 13:8

Wɩɩsɩ wɩya hʋ Wiyesi Welii hʋ aa leŋ á wuwo kɩ basɩ, abee taakperiye hʋ ʋ aa leŋ á wuwo kɩ basɩ, abee gyɩmaa hʋ buloŋ á aa kana, ba buloŋ sɩ maakyiye teŋ. Amɛ kyori kɛ bɩ sɩ maakyiye teŋ.

1 Koriŋti Tɩmma 15:33

Ma ta leŋ dɩ nal buloŋ mʋrɩ ma. Dɩ ɩ rɛ yaa nɩtɩɩ aŋ kɩ tɩŋ nɩbɔmɔ hal, ɩ mɛ aa ko ɩ yaa nɩbɔŋ nɛ.

1 Koriŋti Tɩmma 5:6

Ɛɛ hʋ ma aa daga ma tɩɩ hʋ bɩ weliye. Ma bɩ gyɩma anɩɩ sɩbʋl mʋhʋ rɛ ba aa kpa we paanʋʋ muŋ tɩyaŋ, ka ʋ sii pʋwarɩ a yʋga gɛɛ?

2 Koriŋti Tɩmma 13:5

Ma deŋ ma tɩɩma weliŋ na, a pɛ sʋnnɩ ma tɩɩ mɛ, a na dɩ ma sɩŋ weliŋ wɩɩ hʋ ma aa laa di tɩyaŋ koo dɩ ma bɩ sɩŋ weliŋ. Ma bɩ gyɩma nɩɩ Yesu Krisita we ma tɩyaŋ nɛ? Dɩ mamaa rɛ bɩ gyɩma anɩɩ ʋ we ma tɩyaŋ, ɛɛ kɛ ma tele rɛ.

2 Koriŋti Tɩmma 6:1

Tʋma no á aa tʋŋ, á bee Wɩɩsɩ buloŋ nɛ aa tʋŋ. Ɛɛwɩya, á aa sʋla ma gyaaŋgyaaŋ, dɩ ma ta leŋ dɩ Wɩɩsɩ bɔnyɛ hʋ ʋ aa kana beel-ma ko yaa waasʋ.

Galetiya Tɩmma 2:13

Ɛɛ rɛ Gyuuma nɩkaalɩya hʋ mɛ yaa minaafigi wɩya a tɩŋ Piita naabʋʋsɩ. Haalɩ, Banabaasɩ tɩɩ mɛ tɩŋ ba minaafigi wɩya hʋ tɩyaŋ.

Galetiya Tɩmma 5:4

Ma nala hʋ aa tɩŋ mɩrɩsɩ hʋ Moosi aa bine, a kɩ lʋga dɩ ma tɩŋ gɛɛ tɩyaŋ a kaŋ tɩpʋlʋŋ Wɩɩsɩ sɩya tɩyaŋ, ma tɔrɩ ma tɩɩ lɩɩ Krisita hal lɛ, a tɔrɩ ma tɩɩ mɛ lɩɩ Wɩɩsɩ bɔnyɛ hʋ tɩyaŋ.

Ɛfiso Tɩmma 5:3

Ma aa yaa Wɩɩsɩ nala wɩya, ʋ bɩ maga dɩ sɔŋsɔŋ wɩya koo bisiŋ wɩya koo tɩbawɩya iriŋ kɛ buloŋ we ma tɩyaŋ.

KOLOSI TƖMMA 3:5

Ma kpʋ wɩbɔmɔ hʋ buloŋ nihuwobisi aa yaa dʋnɩya no tɩyaŋ a ta ma tɩsɩ tɩyaŋ. Ma leŋ sɔŋsɔŋ, a leŋ bisiŋ wɩya yayɩ. Ma ta kyo haana koo baala kɩŋkaŋ, a ta kɩ bɩɩnɩ wɩbɔmɔ mɛ ma tɩsɩ tɩyaŋ. Ma ta kaŋ tɩbal, beewɩya nal hʋ aa kaŋ tɩbal ʋ bee nal hʋ aa marɩ vʋga buloŋ yaa kɩdɩgɩ rɛ.

TITUSI 1:15

Nala hʋ aa kaŋ tɩpʋlʋŋ, kɩŋ buloŋ mɛ weliye rɛ ba lee. Amɛ bisiŋ tɩmma hʋ aa bɩ laa Wɩɩsɩ wɩya di kɛ lee, kɩŋ buloŋ yaa kɩbɔŋ nɛ. Wɩtɩɩ rɛ, ba tɩsɩ bee ba hakɩllɩ buloŋ nɛ birise. Ba bɩ gyɩŋ wɩbɔŋ buloŋ.

HIIBURU TƖMMA 3:12

Ŋ naabalɩya, ma pɔ ma tɩɩ weliŋ dɩ ma kɩdɩgɩ buloŋ ta ko kaŋ hakɩlbɔŋ koo hakɩlduwo aa sɩ leŋ dɩ ʋ lɩɩ Wɩɩsɩ hʋ aa weye hal.

HIIBURU TƖMMA 4:1

Wɩɩsɩ nyʋwa hʋ ʋ aa wee anɩɩ ʋ sɩ leŋ dɩ á ko ʋ lee á na wiyese hʋ, ʋ ha we doŋ nɛ. Ɛɛwɩya, ma leŋ dɩ á gyɩŋ tɩya á tɩɩ weliŋ, dɩ wiyese no ta ko buwo á kɩdɩgɩ buloŋ.

HIIBURU TƖMMA 4:11

Faafaa nala hʋ gyɩ aa bɩ tɩŋ ʋ nyʋwa wɩya, ba gyɩ bɩ naa wiyese no. Ɛɛwɩya, ma leŋ dɩ á kɛ we dee a kɩ tɩŋ ʋ nyʋwa dɩ wiyese no ta ko buwo ma mɛ.

HIIBURU TƖMMA 6:11

Á yaŋ kyo dɩ ma kɩdɩgɩ buloŋ kaŋ sɩfɩyasɩ no rɛ, a mʋ teŋ. Ɛɛ rɛ ma sɩ gyɩma weliŋ anɩɩ kɩna hʋ wɩya ma aa yɩyɛlɩ, ma kɔnɩ sɩ na ba.

2 PIITA 1:10

Ɛɛwɩya, ŋ naabalɩya, ŋ aa sʋla ma rɛ dɩ marɩ yaa sɩfɩyaŋ a kɩ yaa wɩya no, a daga anɩɩ Wɩɩsɩ rɛ yɩrɩ ma a lɩɩ ma dɩ ma yaa ʋ nala. Dɩ mamaa rɛ kaŋ wɩya no weliŋ a kɩ tɩŋ ba, ma bɩ sɩ maakyiye nyʋgɩsɩ Wɩɩsɩ ŋmanɩɩ tɩyaŋ.

2 PIITA 2:18

Ba aa kɩ daga ba tɩɩ rɛ a kɩ basɩ wɩtɔɔnɩ. Ba aa kpa ba wɩlaama hʋ yayɩ rɛ abee nyʋʋpɩŋsʋŋ a kɩ mʋrɩ nala hʋ ha aa yaŋ kaŋ ba tɩɩ lɩɩ nala hʋ aa bee tɩŋ wɩtɩɩ hʋ tɩyaŋ. Ba aa kɩ kyɛ dɩ ba mʋrɩ nala no rɛ dɩ ba kɩ yaa ba dʋŋʋ wɩlaama hʋ ba tɩɩ aa yaa.

2 PIITA 3:11

Ma aa gyɩma anɩɩ kɩŋ buloŋ sɩ kyogi nyɛ, nɩgɛɛma iriŋ nɛ ʋ maga dɩ ma yaa? Ma aa gyegili kyɛɛ hʋ á tɩɩna Wɩɩsɩ aa sɩ di dʋnɩya sarɩya, a kɩ yaa wɩɩ kɛ buloŋ ma aa wuwo dɩ kyɛɛ hʋ ko lagɩ nyɛ, ʋ maga dɩ ma yaa nala aa kpaa ba tɩɩ tɩya Wɩɩsɩ rɛ, a ta kaŋ bisiŋ buloŋ ʋ sɩya tɩyaŋ, aŋ kɩ tɩŋ ʋ nyʋwa weliŋ. Haŋ kyɛɛ hʋ rɛ wɩɩsɩnyuu abee kɩŋ buloŋ aa we ʋ tɩyaŋ sɩ di diŋ a tʋwɔlɩ.

2 PIITA 3:14

Ɛɛwɩya, ŋ kyaŋweliye, ma aa kaŋ wɩya no bayɩyɛla nyɛ, ma yaa sɩfɩyaŋ a leŋ dɩ ma gyogo weliye, ka dɩ kyɛɛ hʋ rɛ ko pele, dɩ ma ta kaŋ wɩkyogii buloŋ, ka dɩ ma bee Wɩɩsɩ wɩya mɛ weliye.

2 GYƆƆŊ 1:8

Ɛɛwɩya, ma pɔ ma tɩɩ weliŋ, a ta leŋ dɩ kɩŋ hʋ wɩya ma aa tɩŋ Wɩɩsɩ ko gɛ ma, ka dɩ Wɩɩsɩ kpa ma tuno buloŋ tɩya ma.