Taetas 1:14 - Pijin Deuterocanon

¹⁴ An tokhad long olketa mekem olketa no falom laea kastom stori blong olketa Jiu an toktok blong olketa hu i agensim finis tru toktok.

Pijin Bible

¹⁴ An tokhad long olketa mekem olketa no falom laea kastom stori blong olketa Jiu an toktok blong olketa hu i agensim finis tru toktok.

Taetas 1:14 ပူးပေါင်းရင်းမြစ်များ

Aesaea 29:13

Yawe hemi tok olsem long mi, “Olketa pipol ya, olketa mekhae nomoa long mi long toktok, bat maen blong olketa hemi barava stap farawe from mi. Wei blong olketa fo mekhae long mi hemi falom nomoa olketa rul blong man.

Matiu 15:9

Olketa barava hadwaka nating nomoa taem olketa mekhae long mi, bikos olketa gohed fo tisim pipol long olketa lo blong olketa seleva nomoa.’”

Gudnius abaotem Jisas Kraes wea Mak hemi raetem 7:7

Olketa barava hadwaka nating nomoa taem olketa mekhae long mi, bikos olketa gohed fo tisim pipol long olketa lo blong olketa seleva nomoa.’”

Galesia 4:9

Bat distaem nao, yufala savegud finis long God, o moabeta mi sei, God nao hemi savegud finis long yufala. ?So hao nao yufala laek fo tane gobaek moa long olketa nogud wei blong wol wea olketa wik an olketa barava samting nating nomoa? ?Waswe, yufala laek fo kamap wakaman blong olketa samting ya moa?

Kolosi 2:22

Olketa rul ya olketa tokabaotem nomoa olketa samting wea yumi yusim wanfala taem nomoa an bihaen olketa i lus. An olketa pipol nomoa olketa bin mekem olketa rul ya an tisim olketa.

2 Timoti 4:4

An bae olketa lusim tru tising an tane go fo lisin nomoa long olketa laea stori.

Taetas 3:11

Yumi save, kaen man olsem hemi lusim finis tru tising. An olketa nogud samting wea hemi gohed fo duim, hem nao hemi somaot dat hemi rong tumas.

Hibrus 12:25

Yufala mas lukaot, nogud yufala les fo obeim God hu hemi toktok kam long yufala ya. Olketa pipol blong bifoa wea olketa no lisin long hem taem hemi wonem olketa kam long wol ya, olketa no save ranawe from panis ya. ?So hao nao bae yumi save ranawe from panis, sapos yumi tanem go baeksaet blong yumi long hem, taem hemi tok kam long heven fo wonem yumi?

2 Pita 2:22

Olketa barava duim nao olsem disfala waes toktok hemi sei, “Dog wea hemi toraot finis, hemi save gobaek an kaikaim moa toraot blong hem.” An nara toktok moa hemi sei, “Nomata yumi mekem pikpik fo klin gudfala, bae hemi gobaek an slip moa insaet long mad.”