Stori abaotem Rut 2:1 - Pijin Deuterocanon

¹ Boas hemi wanfala man long laen blong Elimelek, hasban ya blong Neomi, an hemi wanfala risman an hemi bikman long ples ya tu.

Pijin Bible

¹ Boas hemi wanfala man long laen blong Elimelek, hasban ya blong Neomi, an hemi wanfala risman an hemi bikman long ples ya tu.

Stori abaotem Rut 2:1 ပူးပေါင်းရင်းမြစ်များ

2 Kings 15:20

King Menahem hemi bin fosim olketa risman long Israel fo givim silva seleni long hem fo peim King Pul. Olketa evriwan i bin givim samting olsem 600 gram silva. An taem King Pul hemi tekem seleni ya, hemi gobaek long kantri blong hem.

Stori abaotem Job 1:3

Hemi garem 7,000 sipsip, an 3,000 kamel, an 1,000 buluka, an 500 dongki. An hemi garem plande wakaman, an hemi barava ris fogud winim evriwan long olketa ples long eria wea san hemi kamap.

Stori abaotem Job 31:25

Mi nating filpraod nomoa long plande samting wea mi garem bikos mi bin wakahad.

Matiu 1:5

an Salmon hemi dadi blong Boas wea mami blong hem nao Rehab, an Boas hemi dadi blong Obed wea mami blong hem nao Rut, an Obed hemi dadi blong Jese,

Gudnius abaotem Jisas Kraes wea Luk hemi raetem 3:32

Deved hemi san blong Jese. Jese hemi san blong Obed. Obed hemi san blong Boas. Boas hemi san blong Salmon. Salmon hemi san blong Nason.

Stori abaotem Rut 2:2

Oraet, Rut hemi tok olsem long Neomi, “Plis yu letem mi go waka long gaden blong olketa man ya, mekem mi save pikimap samfala bali wea olketa wakaman i lusim bihaen. Maet samfala man bae i kaen long mi an letem mi duim olsem.” Neomi hemi tok olsem long hem, “Hemi oraet nomoa, yu save go.”

Stori abaotem Rut 3:12

Hemi tru wea mi wanfala man long famili blong hasban blong yu, bat wanfala man hemi stap nomoa hu hemi kolsap moa long hasban blong yu winim mi, an hemi barava fitim fo lukaftarem yu winim mi.

Stori abaotem Rut 3:2

Yu save, man ya Boas wea yu gohed fo waka wetem olketa wakamere blong hem, hemi wanfala man long famili blong hasban blong mi ya, hu hemi fitim fo hemi maritim yu. Yu lisin. Long ivining tude, hem wetem olketa wakaman blong hem bae i go long ples fo klinimaot olketa skin blong bali, an tekemaot kaikai blong hem.

Stori abaotem Rut 4:21

an Salmon hemi bonem Boas, an Boas hemi bonem Obed,