Sams 90:16 - Pijin Deuterocanon

¹⁶ Mifala olketa wakaman blong yu ya. Plis yu letem mifala lukim olketa bikfala waka blong yu. Ya, letem olketa wea bae i bon kam long laen blong mifala i lukim bikfala paoa blong yu.

Pijin Bible

¹⁶ Mifala olketa wakaman blong yu ya. Plis yu letem mifala lukim olketa bikfala waka blong yu. Ya, letem olketa wea bae i bon kam long laen blong mifala i lukim bikfala paoa blong yu.

Sams 90:16 ပူးပေါင်းရင်းမြစ်များ

Sams 44:1

God, olketa bikfala samting wea yu bin duim bifoa kam yet, long taem blong olketa olo blong mifala, mifala seleva bin herem finis long ia blong mifala. An olketa olo blong mifala i bin talem finis long mifala.

Sams 77:12

An bae mi tingting strong long evri gudfala samting an evri bikfala samting wea yu bin duim.

Sams 92:4

Lod Yawe, mi hapi tumas from olketa bikfala waka blong yu. Ya, mi singsing fo preisim yu fo olketa samting wea yu bin duim fo mi.

Habakuk 3:2

Lod Yawe. Mi herem finis nius abaotem olketa samting wea yu bin duim. So, mi barava tinghae long yu. Plis yu duim moa distaem olketa semkaen samting wea yu bin duim bifoa. Nomata yu kros long mifala, plis yu sore kam nomoa long mifala.

Diutronomi 1:39

“Den Yawe hemi tok moa olsem long yufala long datfala taem, ‘Olketa smolfala pikinini blong yufala i nating fit yet fo luksave long wanem hemi stret an wanem hemi rong, an yufala bin sei wea bae olketa enemi save kilim olketa. Bat wea, olketa nao bae i go insaet long lan ya. Bae mi givim lan long olketa, mekem olketa stap long hem, an onam.

Diutronomi 32:4

Yawe hemi sefples fo haed. Wei blong hem hemi gud tumas, an hemi stret olowe nomoa. Hemi God hu hemi tinghevi long yufala pipol blong hem. Hemi stret nomoa an hemi no save duim eni nogud samting.

Josua 23:14

“Taem blong mi fo dae hemi kam kolsap nao. An yufala evriwan i savegud nomoa dat Yawe nao hemi givim olketa gudfala samting long yumi, olsem wea hemi bin promisim bifoa. Hemi bin kipim evri promis blong hem wea hemi bin mekem an hemi duim evrisamting wea hemi bin promisim.