Sams 85:10 - Pijin Deuterocanon

¹⁰ Oltaem God hemi lavem tumas olketa pipol blong hem, dastawe nao olketa mas trastem an obeim hem. Ya, olketa wea wei blong olketa hemi stret, bae God hemi givim piis long olketa.

Pijin Bible

¹⁰ Oltaem God hemi lavem tumas olketa pipol blong hem, dastawe nao olketa mas trastem an obeim hem. Ya, olketa wea wei blong olketa hemi stret, bae God hemi givim piis long olketa.

Sams 85:10 ပူးပေါင်းရင်းမြစ်များ

Sams 100:5

Yawe nao hemi gud tumas, an hemi tinghevi long yumi olowe. An olketa promis blong hem fo yumi hemi no save finis. (Singsing blong Deved.)

Sams 72:3

Hemi gud tumas sapos yu mekem graon ya long kantri blong mifala, fo hemi kamap gudfala, an bae mifala i hapi bikos wei blong olketa pipol blong yu hemi stret.

Sams 89:14

Yu nao yu king an evri wei blong yu hemi stret fogud, an oltaem yu jajem olketa pipol long stretfala wei. Yu tinghevi long pipol olowe, an oltaem nomoa yu kipim olketa promis blong yu.

Provebs 3:3

No lusim wei fo lavem pipol, an kaen long olketa olowe. Somaot long laef blong yu olsem wanfala nekles, kipim insaet long haat blong yu.

Aesaea 45:24

Bae pipol i talemaot dat mi nao mi strong, an wei blong mi nao hemi stret. Bat evriwan hu i heitem mi, bae i barava sem fogud.

Aesaea 46:13

Distaem, stretfala wei blong mi hemi barava kam kolsap nao. No enisamting save stopem nao. Bae mi sevem Jerusalem, an bae mi liftimap nem blong olketa pipol blong mi long Israel.”

Maeka 7:20

Mifala long laen blong Jekob save trastem yu olowe. Ya, mifala save dat bae yu gohed fo tinghevi olowe long mifala long laen blong Ebraham. Mifala barava save olsem, bikos yu bin mekem olketa strongfala promis long olketa grani blong mifala bifoa.

Gudnius abaotem Jisas Kraes wea Luk hemi raetem 2:14

“!Yumi preisim God antap long heven, an piis hemi mas stap long wol ya wetem olketa pipol wea God hemi hapi wetem olketa!”

Gudnius abaotem Jisas Kraes wea Jon hemi raetem 1:17

Lo blong God, Mosis nao hemi raetem. Bat hao God hemi kaen tumas an evri tru samting abaotem hem moa, Jisas Kraes nao hemi somaot klia long yumi.

Leta wea Pol hemi raetem go long sios long Rom 5:1

Bikos yumi biliv long God nao, hemi mekem yumi stret long ae blong hem. Dastawe Jisas Kraes Masta blong yumi, hemi mekem yumi stap long piis wetem God.

Leta wea Pol hemi raetem go long sios long Rom 5:21

So nomata sin blong olketa pipol i garem paoa fo kilim olketa dae, bat kaenfala lav blong God hemi garem moa paoa fo mekem evri pipol stret long ae blong hem. So God hemi mekem yumi fo garem laef wea hemi no save finis from waka blong Jisas Kraes Masta blong yumi.

Hibrus 7:2

An long taem ya, Ebraham hemi givim long Melkisedek wanfala long evri tenfala samting wea hemi tekem long faet ya. Nao barava mining blong disfala nem Melkisedek hemi olsem, “King blong stretfala wei.” An hemi King long Salem tu, wea hemi minim, “King blong piis.”