Sams 69:22 - Pijin Deuterocanon

²² Plis, yu kasholem olketa enemi ya, taem olketa sidaon long olketa bikfala fist blong olketa. An, yu panisim olketa mekem olketa barava nogud tumas.

Pijin Bible

²² Plis, yu kasholem olketa enemi ya, taem olketa sidaon long olketa bikfala fist blong olketa. An, yu panisim olketa mekem olketa barava nogud tumas.

Sams 69:22 ပူးပေါင်းရင်းမြစ်များ

Provebs 1:32

Olketa hu i no garem save bae i dae bikos olketa tanem baeksaet long mi. An krangge pipol bae dae bikos i les long stretfala wei.

Malakae 2:2

Sapos yufala no obeim mi o tinghevi fo mekhae long nem blong mi, bae mi mekem trabol fo kasem yufala an fo kasem gudfala laef wea yufala prist i garem. Ya, mi duim finis long yufala, bikos yufala nating tinghevi fo mekhae long nem blong mi.

Diutronomi 28:17

“Bae yufala no garem wit fo wakem bred blong yufala.

1 Tesalonaeka 5:3

Pipol bae gohed fo toktok olsem, “Olketa samting i barava kuaet an stapgud nomoa.” Bat seknomoa, bikfala trabol bae hemi kam nao an barava spoelem olketa pipol, an bae olketa no save ranawe from diswan. Bae hemi kasem olketa kuiktaem nomoa olsem pein wea woman hemi filim taem hemi redi fo bonem pikinini.

1 Pita 2:8

An Buktambu hemi sei moa, “Disfala ston nao bae pipol bangam lek blong olketa long hem, an bae hemi mekem olketa foldaon.” Olketa foldaon nogud, bikos olketa no biliv long toktok blong God. Hem nao plan blong God fo olketa.