Sams 40:5 - Pijin Deuterocanon

⁵ Lod Yawe, yu nao God blong mifala. Yu bin duim finis plande samting fo helpem mifala. No eniwan moa hemi olsem yu. Yu bin mekem finis plande gudfala plan fo mifala falom. Mi no save talemaot olketa evriwan nao, bikos olketa barava plande tumas.

Pijin Bible

⁵ Lod Yawe, yu nao God blong mifala. Yu bin duim finis plande samting fo helpem mifala. No eniwan moa hemi olsem yu. Yu bin mekem finis plande gudfala plan fo mifala falom. Mi no save talemaot olketa evriwan nao, bikos olketa barava plande tumas.

Sams 40:5 ပူးပေါင်းရင်းမြစ်များ

Stori abaotem Job 26:14

Bat, olketa samting ya i olsem God hemi toksmol nomoa. Ya, olketa i barava smolfala haf nomoa long olketa samting wea hemi save duim. So sapos God hemi barava somaot evri paoa blong hem, bae hemi olsem hemi mekem bikfala tanda, an bae yumi nating save long datfala paoa.

Stori abaotem Job 5:9

God nao hemi duim olketa bikfala samting wea man hemi no save minim. Olketa mirakol wea hemi mekem, no eniwan save kaontem nao.

Stori abaotem Job 9:10

Yumi kanot savegud long olketa bikfala samting wea hemi duim. An olketa mirakol wea hemi mekem, hemi barava plande tumas.

Sams 136:4

Hem nomoa hemi save mekem olketa bikfala mirakol. Ya, bikos hemi tinghevi long yumi olowe.

Sams 139:6

Yu barava save gudfala tumas long mi, an mi no save nao hao bae mi save long diswan.

Sams 71:15

Bae mi gohed fo tokabaotem olketa stretfala samting wea yu duim. An stat long moning go-go kasem long ivining, bae mi gohed fo tokabaotem paoa blong yu wea yu save sevem olketa pipol. Nomata mi no save gudfala long olketa, bat mi mas talemaot nao.

Sams 73:28

Bat hemi barava gud tumas long mi fo stap kolsap long yu God. Lod Yawe, yu nao yu Masta blong mi an sefples blong mi, so hemi barava gud tumas fo mi talemaot olowe evrisamting wea yu bin duim. (Singsing blong Asaf.)

Sams 92:5

Lod Yawe, olketa waka blong yu hemi barava bikfala tumas, an olketa tingting blong yu tu hemi had tumas fo mifala save long hem.

Eksodas 11:8

Mosis hemi gohed fo tok olsem, “An long datfala taem, bae olketa bikman blong yu i kam an bendaon frant long mi, an bae olketa askem mi fo mi tekemaot olketa pipol blong mi. An bihaen, bae mifala lusim ples ya an goaot.” Nao Mosis hemi kros tumas, an hemi goaot from haos blong king.

Eksodas 15:11

“Lod Yawe. ?Waswe, eni god moa hemi olsem yu? Nomoa nao. Yu barava holi tumas. An paoa blong yu evriwan i fraet long hem. Yu gohed fo mekem olketa mirakol, mekem pipol i mekhae long yu. No eni narafala god moa hemi olsem yu.

Jeremaea 29:11

Mi talem yufala tru nao. Yufala mas save dat mi mekem finis gudfala plan fo yufala. Mi laek fo yufala stap gudfala olowe, mekem trabol no save kasem yufala. Mi laekem yufala fo trastem mi fo mekem laef blong yufala fo kamap gudfala moa.