Sams 34:16 - Pijin Deuterocanon

¹⁶ Bat Yawe hemi agensim olketa hu i duim olketa ravis samting. So taem olketa ya i dae, no longtaem bihaen, bae evriwan fogetem olketa nao.

Pijin Bible

¹⁶ Bat Yawe hemi agensim olketa hu i duim olketa ravis samting. So taem olketa ya i dae, no longtaem bihaen, bae evriwan fogetem olketa nao.

Sams 34:16 ပူးပေါင်းရင်းမြစ်များ

Stori abaotem Job 18:17

No eniwan save tingim hem moa, an no eniwan long disfala lan bae talem moa nem blong hem.

Stori abaotem Job 36:7

God hemi lukaftarem olketa pipol hu i stret, an hemi mekem olketa fo kamap bikman, an hemi mekhae long olketa.

Sams 10:16

Lod Yawe yu nao yu King, an bae yu gohed fo rul olowe nao. Olketa hu i wosipim olketa narafala god, bae i finis from ples blong yu.

Sams 18:7

Bikos God hemi kros tumas long olketa enemi blong mi, hem nao graon long wol ya hemi seksek fogud, an botom blong olketa maonten tu i seksek.

Sams 33:18

Yawe hemi gohed fo lukaftarem olketa wea i tinghae long hem. Ya, hemi gohed fo lukaftarem olketa hu i trastem hem bikos hemi tinghevi long olketa olowe.

Sams 94:9

!God nomoa hemi mekem ia blong yumi! ?Waswe, yufala tingse hemi no save herehere? !An hem nao hemi mekem ae blong yumi! ?Waswe, yufala tingse hemi no save lukluk?

Provebs 10:7

Pipol tingim stretfala pipol, no eniwan tingim ravis pipol.

Provebs 15:29

Yawe hemi farawe tumas fo herem ravis man, bat hemi herem prea blong stretfala man.

Eklesiastes 8:10

Mi lukim wanfala nogud samting olsem, taem ravis man hemi dae, olketa berem hem long gudfala grev. Olketa tekem hem from tambuples fo berem hem, an olketa long taon wea man ya hemi duim olketa ravis samting, olketa preisim hem nomoa olsem hemi wanfala gudfala man. Disfala samting hemi no fitim tingting blong yumi.

Jeremaea 17:13

O Yawe. Yu nao God wea mifala long Israel save dipen long hem. Olketa hu i lusim yu, bae i sem tumas. Eniwan hu hemi les long yu, bae hemi olsem toktok wea olketa raetemdaon long sanbis. Bae hemi lus finis bikos hemi lusim yu Yawe, hu yu olsem nambawan springwata wea hemi givim laef.

Jeremaea 44:11

“Dastawe nao Yawe hu hemi garem evri paoa, an hu hemi God blong Israel, hemi tok olsem, ‘Mi talem finis an bae mi no save sensim tingting blong mi: Bae mi spoelem yufala evriwan.

Levitikas 17:10

“An sapos eniwan long Israel, o eni strensa hu hemi stap wetem yufala, hemi dringim blad o kaikaim mit wea hemi garem blad long hem yet, oraet, bae mi agensim hem, an finisim hem from pipol blong Israel.

Levitikas 26:17

Bae mi agensim yufala, an olketa enemi blong yufala bae i winim yufala, an olketa wea i heitem yufala bae i rulim yufala. Nomata no eniwan hemi ronem yufala, bae yufala ranawe, bikos yufala barava fraet fogud.

Emos 9:4

Nomata olketa enemi i tekem olketa fo go waka olsem slev long farawe ples, bae mi tokstrong long olketa enemi ya fo kilim olketa dae long dea. Mi no save helpem olketa, mi mas spoelem olketa evriwan.?