Sams 26:8 - Pijin Deuterocanon

⁸ Lod Yawe, mi laekem tumas haos wea yu stap long hem. Bikos long ples ya nao, bikfala paoa blong yu hemi saen fogud long hem.

Pijin Bible

⁸ Lod Yawe, mi laekem tumas haos wea yu stap long hem. Bikos long ples ya nao, bikfala paoa blong yu hemi saen fogud long hem.

Sams 26:8 ပူးပေါင်းရင်းမြစ်များ

2 Samuel 15:25

Den king hemi tok olsem long Sadok, “Yufala tekem gobaek Tambu Boks ya long taon. Sapos Yawe hemi hapi wetem mi, bae hemi letem mi kambaek moa fo lukim Tambu Boks ya wetem tambu haostent wea hemi stap long hem.

1 Kronikols 29:3

“Long olketa samting wea mi bin putum finis, mi givim tu olketa silva an gol blong mi, bikos mi laekem tumas fo olketa mas bildim Tambuhaos blong God blong mi.

2 Kronikols 5:14

an olketa no save duim waka blong olketa bikos saen blong paoa blong Yawe hemi fulumapem Tambuhaos blong hem.

2 Kronikols 7:1

Taem King Solomon hemi prea finis, faea hemi kamdaon from heven, an hemi bonem olketa sakrifaes wea olketa mekem. An saen blong paoa blong Yawe hemi fulap insaet long Tambuhaos.

2 Kronikols 7:2

Nao bikos saen blong paoa blong Yawe hemi gohed fo saen strong tumas insaet long Tambuhaos, olketa prist i no save go insaet long hem.

Sams 122:9

An bikos Tambuhaos blong Yawe hu hemi God blong mifala, hemi stap long yu, hem nao, mi laekem tumas fo yu stap gudfala olowe. (Olketa singim disfala singsing taem olketa goap fo fist long Jerusalem.)

Sams 42:4

God, taem mi bin lidim go olketa pipol long Tambuhaos blong yu, olketa hapi tumas an olketa singsing. Ya, olketa bin singsing fo preisim yu. Bat taem mi tingim olketa samting ya, tingting blong mi hemi nogud tumas nao.

Sams 84:10

God blong mi, sapos mi stap fo wanfala de nomoa insaet long Tambuhaos blong yu, hemi moabeta winim sapos mi stap fo 1,000 de long eni narafala ples. Nomata mi stanap nomoa long doa blong Tambuhaos blong yu, hemi moabeta winim sapos mi stap insaet long haos blong olketa nogud pipol.

Aesaea 38:20

Bae Yawe hemi sevem mi. Bae mifala ringim gita, an singsing fo preisim hem. Oltaem long laef blong mifala, bae mifala singsing fo preisim Yawe insaet long Tambuhaos blong hem.

Aesaea 38:22

An King Hesekaea bin askem Profet Aesaea olsem, “?Watkaen saen nao mi save lukim fo somaot dat bae mi save gohed fo laef an goap moa fo wosip long Tambuhaos blong Yawe?”

Esikiel 3:12

Long datfala taem, paoa blong God hemi liftim mi ap, an mi herem wanfala voes wea hemi here laod fogud olsem etkuek. Hemi tok olsem, “!Preisim bikfala paoa blong Yawe, long tambuples wea hemi stap long hem!”

Gudnius abaotem Jisas Kraes wea Luk hemi raetem 2:46

Long mektri de nao, tufala jes faendem Jisas insaet long disfala Tambuhaos blong God. Taem ya, hemi sidaon wetem olketa tisa blong Lo, an hemi lisin long toktok blong olketa an hemi gohed fo askem kuestin long olketa tu.

Gudnius abaotem Jisas Kraes wea Luk hemi raetem 2:49

Nao Jisas hemi tok olsem long tufala, “?Waswe nao yutufala lukaotem mi evriwea fo faendem mi? ?Yutufala i no save dat mi mas stap long haos blong Dadi blong mi?”