Sams 15:1 - Pijin Deuterocanon

¹ ?Lod Yawe, hu nao hemi fitim fo go insaet long Tambuhaos blong yu? ?Hu nao hemi fitim fo go an wosipim yu long Saeon, disfala tambu maonten blong yu ya?

Pijin Bible

¹ ?Lod Yawe, hu nao hemi fitim fo go insaet long Tambuhaos blong yu? ?Hu nao hemi fitim fo go an wosipim yu long Saeon, disfala tambu maonten blong yu ya?

Sams 15:1 ပူးပေါင်းရင်းမြစ်များ

Sams 2:6

Hemi tok olsem, “Mi bin putum finis king blong mi long Saeon, disfala holi maonten blong mi ya.”

Sams 23:6

Oltaem long laef blong mi, mi save dat yu gud tumas long mi, an yu lavem mi, an haos blong yu bae hemi hom blong mi olowe nao. (Singsing blong, Deved.)

Sams 3:4

Mi krae kam long yu mekem yu helpem mi. An yu stap kam long holi maonten blong yu, an yu gohed fo ansarem mi.

Sams 61:4

Plis yu letem mi stap long Tambuhaos blong yu oltaem long laef blong mi, an yu haedem mi olsem wea kokorako hemi haedem olketa pikinini blong hem andanit long wing blong hem.

Sams 84:4

Olketa pipol hu i stap long Tambuhaos blong yu olketa ya nao i hapi, an oltaem olketa preisim yu long olketa singsing.

Sams 92:13

Ya, bae olketa stap olowe insaet long Tambuhaos blong Yawe. An bae olketa garem gudfala laef long Tambuhaos blong God.

Gudnius abaotem Jisas Kraes wea Jon hemi raetem 14:3

An taem mi go an mekredi ples fo yufala finis, bae mi kambaek fo tekem yufala kam long mi, mekem bae yufala stap long ples wea mi stap long hem.

Gudnius abaotem Jisas Kraes wea Jon hemi raetem 17:24

“Dadi, mi laekem olketa pipol wea yu givim kam long mi fo olketa stap wetem mi long ples wea mi stap long hem, mekem olketa lukim saen blong bikfala paoa blong mi. Hem nao disfala saen blong paoa wea yu givim kam long mi bikos yu lavem mi taem yu no mekem disfala wol ya yet.

Hibrus 12:22

Bat yufala ya, yufala kasem finis disfala maonten wea yumi kolem Saeon, disfala bikfala taon blong God hu hemi laef, wea hem nao disfala Jerusalem long heven ya. Yufala kasem ples wea plande taosen long olketa enjel nao olketa stap long hem.

Revelesin 14:1

Nao mi luk go moa, an mi lukim Smolfala Sipsip ya hemi stanap antap long maonten long Saeon, an 144,000 pipol ya i stanap wetem hem. An nem blong Smolfala Sipsip ya wetem nem blong Dadi blong hem, hemi stap long fohed blong olketa pipol ya.