Sams 147:1 - Pijin Deuterocanon

¹ Yumi preisim Yawe! Hemi gud fo yumi preisim God blong yumi. Ya, hemi barava fitim fo yumi singsing fo preisim hem.

Pijin Bible

¹ Yumi preisim Yawe! Hemi gud fo yumi preisim God blong yumi. Ya, hemi barava fitim fo yumi singsing fo preisim hem.

Sams 147:1 ပူးပေါင်းရင်းမြစ်များ

Esra 3:12

Bat samfala olo long olketa prist an olketa Livaet wetem samfala hed blong olketa narafala laen, olketa barava sore an krae, bikos olketa bin lukim fas Tambuhaos blong Yawe wea hemi bin stap long ples ya bifoa. Bat plande narafala pipol i singaot bikfala, bikos olketa hapi tumas.

Sams 135:3

Yufala mas preisim Yawe, bikos hemi gud tumas. An yufala mas singsing fo preisim nem blong hem, bikos hemi kaen tumas.

Sams 33:1

Yufala wea wei blong yufala hemi stret, yufala mas singsing fo somaot dat yufala i hapi long olketa gudfala samting wea Yawe hemi bin duim. Yufala evriwan wea i gohed fo obeim hem, yufala mas preisim hem.

Sams 42:4

God, taem mi bin lidim go olketa pipol long Tambuhaos blong yu, olketa hapi tumas an olketa singsing. Ya, olketa bin singsing fo preisim yu. Bat taem mi tingim olketa samting ya, tingting blong mi hemi nogud tumas nao.

Sams 92:1

Lod Yawe, yu nao yu God hu hemi hae tumas, hemi gud tumas fo mi talem tengkiu long yu. Ya, hemi gud tumas fo mi singsing fo preisim nem blong yu.

Sams 92:2

Hemi gud tumas fo singsing wetem olketa de-deferen kaen gita fo talemaot olketa gudfala wei blong yu. Long evri moning, hemi gud tumas fo mi talemaot dat lav blong yu hemi bikfala tumas. An evri naet, hemi barava gud fo mi talemaot dat yu kipim olketa promis blong yu.