Sams 145:15 - Pijin Deuterocanon

¹⁵ Lod Yawe, evrisamting i luk go long yu, an yu givim kaikai long olketa taem olketa hanggre.

Pijin Bible

¹⁵ Lod Yawe, evrisamting i luk go long yu, an yu givim kaikai long olketa taem olketa hanggre.

Sams 145:15 ပူးပေါင်းရင်းမြစ်များ

Jenesis 1:30

Bat olketa gras an olketa deferen tri, mi putum olketa fo olketa bed wetem olketa animol, olketa evriwan stat long olketa wea i bikfala go kasem olketa wea i smolfala, olketa garem frut blong olketa fo kaikai.” Nao olketa samting ya olketa kamap olsem wea hemi bin talem.

Sams 104:21

Olketa yang laeon i singaot bikfala taem olketa go fo lukaotem kaikai. Ya, olketa lukaotem kaikai wea yu givim long olketa.

Sams 104:27

Taem evrisamting ya i hanggre, olketa luk go long yu fo kaikai.

Sams 136:25

Hemi gohed fo givim kaikai long evrisamting long wol. Ya, bikos hemi tinghevi long yumi olowe.

Sams 145:9

Oltaem hemi gud tumas long yumi evriwan, an hemi save sore long yumi an evrisamting wea hemi mekem.

Joel 2:22

!Yufala olketa wael animol! Yufala mas no fraet. Distaem olketa gras i grou gudfala moa fo yufala kaikaim. Olketa tri i gohed moa fo garem frut. An olketa fig tri an grep tri tu i garem moa plande frut long olketa.

Matiu 6:26

Yufala tingting fastaem long olketa bed wea olketa flae olobaot ya. Olketa nating wari fo wakem eni gaden o fo tekem kaikai kam from gaden fo hipimap long eni haos tu. Bat nomata olsem, Dadi blong yufala long heven, hemi fidim olketa bed ya. Bat yufala ya, yufala nao bik samting long ae blong God winim olketa bed ya.

Gudnius abaotem Jisas Kraes wea Luk hemi raetem 12:24

Yufala tingting fastaem long olketa bed ya. Olketa nating wari fo wakem eni gaden o fo tekem kaikai kam long gaden, an olketa no garem eni haos tu fo kipim kaikai long hem. Bat nomata olsem, God nao hemi fidim olketa. Bat yufala ya, yufala nao bikfala samting long ae blong God winim olketa bed ya.

Aposol 17:25

An hemi no save sot long enisamting, mekem yumi save helpem hem. Nomoa. Hem seleva nao hemi mekem yumi evriwan fo laef an hemi givim long yumi evrisamting moa wea yumi nidim.