Sams 122:9 - Pijin Deuterocanon

⁹ An bikos Tambuhaos blong Yawe hu hemi God blong mifala, hemi stap long yu, hem nao, mi laekem tumas fo yu stap gudfala olowe. (Olketa singim disfala singsing taem olketa goap fo fist long Jerusalem.)

Pijin Bible

⁹ An bikos Tambuhaos blong Yawe hu hemi God blong mifala, hemi stap long yu, hem nao, mi laekem tumas fo yu stap gudfala olowe. (Olketa singim disfala singsing taem olketa goap fo fist long Jerusalem.)

Sams 122:9 ပူးပေါင်းရင်းမြစ်များ

1 Kronikols 29:3

“Long olketa samting wea mi bin putum finis, mi givim tu olketa silva an gol blong mi, bikos mi laekem tumas fo olketa mas bildim Tambuhaos blong God blong mi.

Nehemaea 13:14

O God blong mi. Plis yu tingim mi an yu no fogetem olketa gud samting wea mi gohed fo mekem long Tambuhaos blong yu, an wei wea mi stretem olketa wei fo mekem wosip long yu.

Nehemaea 2:10

Sanbalat, hu hemi man blong Bet-Horon, an Tobaea, hu hemi man blong Amon, tufala ya i bikman blong provins. Taem tufala herem nius wea mi kam fo mekem laef blong olketa long laen blong Israel fo kamap gudfala moa, tufala ya i kros tumas.

Esta 10:3

Modekae ya blong Jiu hemi kamap nambawan man blong King Sekses. An oltaem, olketa Jiu i tinghae fogud long hem, bikos hemi wakahad tumas fo mekem olketa pipol blong hem an olketa wea bae i bon kam bihaen fo stap gudfala.

Sams 26:8

Lod Yawe, mi laekem tumas haos wea yu stap long hem. Bikos long ples ya nao, bikfala paoa blong yu hemi saen fogud long hem.

Sams 69:9

Mi barava tinghae tumas long Tambuhaos blong yu, an oltaem disfala tingting ya hemi waka insaet long mi, olsem faea. Olketa ravis toktok wea olketa talemaot fo spoelem yu, hemi spoelem mi nao.

Sams 84:10

God blong mi, sapos mi stap fo wanfala de nomoa insaet long Tambuhaos blong yu, hemi moabeta winim sapos mi stap fo 1,000 de long eni narafala ples. Nomata mi stanap nomoa long doa blong Tambuhaos blong yu, hemi moabeta winim sapos mi stap insaet long haos blong olketa nogud pipol.

Gudnius abaotem Jisas Kraes wea Jon hemi raetem 2:17

So taem hemi talem diswan, olketa disaepol blong hem olketa tingim nao wanfala toktok long Buktambu wea hemi sei, “Oo God, oltaem nomoa mi tinghae tumas long haos blong yu.”