Sams 121:7 - Pijin Deuterocanon

⁷ Yawe bae hemi gadem yumi from evri trabol. Ya, bae hemi lukaftarem yumi mekem yumi save stap sef.

Pijin Bible

⁷ Yawe bae hemi gadem yumi from evri trabol. Ya, bae hemi lukaftarem yumi mekem yumi save stap sef.

Sams 121:7 ပူးပေါင်းရင်းမြစ်များ

Jenesis 28:15

Yu mas rimemba dat bae mi stap wetem yu fo lukaftarem yu long evri ples yu go, an bae mi tekem yu kambaek long disfala ples ya moa. Bae mi no lego long yu, bae mi duim evrisamting ya wea mi bin promisim long yu.”

1 Kronikols 4:10

Wanfala taem, Jabes hemi prea olsem long God blong Israel, “Plis yu blesim mi, an givim kam plande lan long mi. An plis yu stap wetem mi, an no letem eni trabol kam kasem mi, mekem mi no filim eni pein.” An God hemi givim evrisamting wea hemi askem hem.

Sams 145:20

Bae hemi spoelem finis olketa nogud pipol, bat hemi lukaftarem evriwan hu i lavem hem.

Sams 34:22

Bat Yawe hemi sevem olketa wakaman blong hem. An olketa wea i go long hem fo stap sef, bae hemi no panisim olketa. (Singsing blong Deved.)

Sams 41:2

Yawe bae hemi gadem olketa, an hemi lukaftarem laef blong olketa. An bae hemi mekem olketa hapi long lan blong olketa, an hemi no save lego long olketa long han blong olketa enemi.

Sams 97:10

Yawe hemi lavem tumas olketa hu i heitem olketa ravis wei, an hemi gadem laef blong olketa hu i tinghevi long hem. Ya, hemi sevem olketa from paoa blong olketa nogud pipol.

Provebs 12:21

Stret man, trabol no save kasem hem, nogud man, bae trabol olowe.

Nambas 6:24

‘!Letem Yawe hemi blesim yufala an gadem yufala!

Matiu 6:13

Yu no letem enikaen samting kam fo traem mifala, bat yu sevem mifala from paoa blong Seitan.

Leta wea Pol hemi raetem go long sios long Rom 8:28

An yumi save dat long evrisamting wea hemi save kasem yumi, God hemi duim olketa gudfala samting fo olketa pipol hu i lavem hem. Olketa nao pipol wea hemi kolem olketa, falom plan blong hem.

2 Timoti 4:18

Masta bae hemi sevem mi from evri ravis samting an bae hemi tekem mi sef go long heven wea hemi King. Letem evriwan mekhae long hem olowe, go-go hemi no save finis. Amen.