Sams 119:40 - Pijin Deuterocanon

⁴⁰ Mi laekem tumas fo obeim olketa gudfala toktok blong yu. Plis yu givim niufala laef long mi, bikos wei blong yu nao hemi stret fogud.

Pijin Bible

⁴⁰ Mi laekem tumas fo obeim olketa gudfala toktok blong yu. Plis yu givim niufala laef long mi, bikos wei blong yu nao hemi stret fogud.

Sams 119:40 ပူးပေါင်းရင်းမြစ်များ

Sams 119:107

Lod Yawe, mi barava safa tumas nao long bodi blong mi. Plis kipim mi laef, olsem wea yu bin promisim.

Sams 119:149

Lod Yawe, plis yu tinghevi long mi an herem mi. Ya, yu sore long mi an kipim mi laef.

Sams 119:156

Lod Yawe, wei wea yu sore long man, hemi bikfala samting tumas. Plis kipim mi laef olsem wea yu bin promisim.

Sams 119:159

Lod Yawe, mi laekem tumas olketa gudfala toktok blong yu. So plis yu kipim mi laef bikos lav blong yu fo mi hemi bikfala tumas.

Sams 119:20

Evritaem nomoa mi laekem tumas fo save long olketa rul blong yu.

Sams 119:25

Lod Yawe, mi kolsap dae nao. Plis yu mekem mi laef gudfala moa, olsem wea yu bin promisim finis.

Sams 119:37

Plis yu mekem mi falom olketa gudfala wei blong yu, an no letem mi falom olketa ravis wei.

Sams 119:5

Hemi gud tumas sapos mi stap strong olowe fo falom olketa lo blong yu.

Sams 119:88

Bikos yu lavem mi tumas, plis yu no letem mi dae. Sapos olsem, bae mi save obeim olketa gudfala tising blong yu.

Matiu 26:41

Yufala mas lukaot olowe an prea, mekem no enisamting hemi traem yufala. Bikos hemi tru, tingting blong man hemi wiling, bat bodi blong hem nao hemi wik.”

Gudnius abaotem Jisas Kraes wea Mak hemi raetem 9:24

Semtaem nomoa, dadi blong boe ya hemi singaot bikfala olsem, “Mi biliv, bat plis yu mekem biliv blong mi fo strong moa.”

Gudnius abaotem Jisas Kraes wea Jon hemi raetem 10:10

Man hu hemi stil, hemi kam nomoa fo stilim olketa sipsip an fo spoelem olketa an fo kilim olketa dae. Bat mi ya, mi kam fo mekem olketa garem tru laef, an disfala laef hemi fulap long evri gud samting.

Gudnius abaotem Jisas Kraes wea Jon hemi raetem 5:21

Dadi ya hemi save mekem olketa hu i dae finis fo laefbaek moa. So semsamting long San blong hem, bae hemi givim laef long evriwan wea hemi siusim.

Leta wea Pol hemi raetem go long sios long Rom 7:24

!Mi ya, mi barava nogud nao! ?Hu nao bae sevem mi from disfala bodi wea bae hemi dae?

1 Korin 15:45

Nao Buktambu hemi sei, “Disfala fas man Adam ya, God hemi mekem hem fo stap laef,” bat disfala las Adam ya, hemi Spirit wea hemi save givim laef.

2 Korin 7:1

Olketa gudfala fren, hem nao olketa promis wea God hemi givim fo yumi. Dastawe yumi mas mekem yumi seleva fo klin long evrisamting wea hemi save mekem bodi o tingting blong yumi fo no klin. An bikos yumi tinghae tumas long God, yumi mas falom wei wea hemi barava holi.

Galesia 5:17

Nao wanem disfala wei blong man fo sin hemi laekem, hemi barava deferen long wanem Holi Spirit hemi laekem. An wanem Holi Spirit hemi laekem, hemi deferen long wanem wei blong man fo sin hemi laekem. Tufala no save waka tugeta, an diswan hemi minim wea yu no save duim wanem yu laek fo duim.

Efesas 2:5

Bat nomata yumi stap dae from sin blong yumi, God hemi mekem yumi laefbaek moa taem hemi mekem Kraes fo laefbaek moa from dae. !Olketa! !Kaenfala lav blong God nao hemi sevem yufala!

3 Jon 1:2

Gudfala fren blong mi, mi save finis dat Kristin laef blong yu hemi gohed gudfala olowe. An mi prea fo yu mekem evri narasamting hemi gohed gud an mekem no eni siknis hemi kasem yu.