Sams 119:125 - Pijin Deuterocanon

¹²⁵ Plis yu givim save long mi wakaman blong yu, mekem mi savegud long olketa tising blong yu.

Pijin Bible

¹²⁵ Plis yu givim save long mi wakaman blong yu, mekem mi savegud long olketa tising blong yu.

Sams 119:125 ပူးပေါင်းရင်းမြစ်များ

Sams 116:16

Lod Yawe, mi wakaman blong yu olsem mami blong mi bifoa. Yu nao yu bin sevem mi from dae.

Sams 119:11

Mi mas tingim olketa tru toktok blong yu olowe, mekem mi no save sin agensim yu.

Sams 119:29

Plis yu helpem mi fo no falom wei fo laea, an tisim mi olketa gudfala tising blong yu.

Sams 119:34

Plis yu helpem mi fo minim gudfala olketa tising blong yu, nao bae mi falom olketa tising ya long ful laef blong mi.

Sams 119:66

Bikos mi trastem olketa strongfala toktok blong yu, plis yu givim kam waes an save long mi.

Sams 119:94

Mi man blong yu ya, plis yu sevem mi, bikos mi traehad fo obeim olketa gudfala toktok blong yu.

Sams 86:16

Plis yu luk kam long mi an yu sore long mi. Ya, plis yu, mekem mi strong an yu sevem mi, bikos mi nao mi wakaman blong yu, olsem wea mami blong mi hemi bin duim bifoa.

Provebs 14:8

Man tingting stret long wei blong hem, hem nao hemi waes. Man tingting krangge long wei blong hem, hem nao hemi gorong.

Provebs 9:10

Stat blong waes nao, yu tinghae long Yawe. Fo save gudfala, yu mas save long Holi God nao.

Leta wea Pol hemi raetem go long sios long Rom 6:22

Bat distaem, God hemi mekem yufala fri finis from paoa blong sin an hemi mekem yufala kamap wakaman blong hem. An frut wea hemi kamaot long diswan hemi olsem, laef blong yufala hemi kamap holi an yufala garem tru laef wea hemi no save finis.

2 Timoti 2:7

Yu tingting gud long wanem mi talem go long yu ya, an Masta nao bae hemi helpem yu fo save long olketa samting ya.

Jemes 1:5

Bat sapos eniwan long yufala hemi no garem gudfala tingting, hemi mas askem God. An bae God hemi save givim gudfala tingting long hem, bikos God hemi hapi tumas fo givim kam olketa samting, an hemi no save raosim olketa hu i askem hem.