Sams 113:5 - Pijin Deuterocanon

⁵ No eniwan hemi olsem Yawe hu hemi God blong yumi. Hemi King, an hemi sidaon long tron blong hem long antap,

Pijin Bible

⁵ No eniwan hemi olsem Yawe hu hemi God blong yumi. Hemi King, an hemi sidaon long tron blong hem long antap,

Sams 113:5 ပူးပေါင်းရင်းမြစ်များ

Sams 103:19

Yawe hemi King long heven, an hemi king tu ovarem evriwan.

Sams 11:4

Yawe hemi stap long Tambuhaos blong hem. Hemi King an hemi stap kam long heven, an gohed fo rulim olketa pipol. Hemi gohed fo lukluk long olketa pipol long evri ples, an hemi save long evrisamting wea olketa gohed fo duim.

Sams 35:10

Barava insaet long maen blong mi, bae mi tok olsem long God, “Lod Yawe, no eniwan nao hemi olsem yu. Yu gohed fo gadem olketa wea i wik, mekem olketa wea i strong i no save spoelem olketa. An yu gohed fo gadem olketa wea i pua, mekem olketa wea i garem paoa i no save spoelem olketa.”

Sams 89:6

Lod Yawe, no eniwan long heven hemi olsem yu. Ya, nomata olketa enjel, wei blong olketa hemi no gudfala nomoa olsem wei blong yu.

Sams 89:7

Yu nao yu God wea evri enjel long heven mas fraetem yu an mekhae long yu. Ya, yu nao yu hae tumas winim olketa evriwan. Dastawe nao olketa barava mekhae long yu.

Sams 89:8

Lod Yawe, yu nao yu God hu hemi garem evri paoa. No eniwan nao hemi garem paoa ya olsem yu. Lod Yawe, yu nomoa save kipim evri promis blong yu.

Sams 89:9

Nomata solwata hemi strong tumas, yu kontrolem nomoa. Taem wea olketa wev i bikfala tumas, yu save mekem hemi kamap kuaet moa.

Eksodas 15:11

“Lod Yawe. ?Waswe, eni god moa hemi olsem yu? Nomoa nao. Yu barava holi tumas. An paoa blong yu evriwan i fraet long hem. Yu gohed fo mekem olketa mirakol, mekem pipol i mekhae long yu. No eni narafala god moa hemi olsem yu.

Aesaea 16:5

An long taem ya, wanfala King bae hemi kamap long laen blong King Deved. Bae hemi tinghevi long olketa pipol blong hem olowe, an olketa pipol bae i barava trastem hem fogud. Bae hemi kuiktaem fo duim olketa gudfala samting an jajem pipol long stretfala wei.

Aesaea 40:18

?Hu nao hemi olsem God? ?Waswe, eni kaving god hemi olsem God?

Aesaea 40:25

Hem ya toktok blong God hu hemi holi tumas, “?Hu nao hemi olsem mi?”

Aesaea 57:15

Yawe nao, hu hemi hae an hemi holi tumas, an hemi stap fo evritaem olowe, hemi tok moa olsem, “Mi stap long ples wea hemi hae an hemi holi, bat mi stap tu wetem olketa pipol hu i hambol an sore tumas fo olketa sin blong olketa, an mi givim niu laef long olketa.

Jeremaea 10:6

O Yawe. No eni narafala god moa hemi olsem yu. Nem blong yu hemi hae tumas, an yu garem evri paoa.

Diutronomi 33:26

Den Mosis hemi tok olsem moa long evriwan long Israel, “!No eni narafala god hemi olsem God blong yufala stretfala pipol blong Israel. Hemi save krosim skae fo helpem yufala, an hemi go long olketa klaod long bikfala paoa blong hem.