Sams 107:11 - Pijin Deuterocanon

¹¹ Diswan hemi hapen bikos olketa ya i barava agensim olketa lo blong God hu hemi hae tumas, an olketa les tu long olketa strongfala toktok blong hem.

Pijin Bible

¹¹ Diswan hemi hapen bikos olketa ya i barava agensim olketa lo blong God hu hemi hae tumas, an olketa les tu long olketa strongfala toktok blong hem.

Sams 107:11 ပူးပေါင်းရင်းမြစ်များ

2 Kronikols 33:10

Oraet, Yawe hemi toktok long King Manase an long olketa pipol blong hem fo wonem olketa, bat olketa no lisin long hem.

2 Kronikols 36:16

Bat olketa gohed fo mekfan long olketa profet ya, an olketa les long toktok blong olketa. Olketa gohed fo tokspoelem olketa, go-go Yawe hemi kros fogud long olketa, mekem no eni wei fo sevem olketa hemi stap.

Sams 106:43

Plande taem, Yawe hemi sevem olketa pipol blong hem, bat oltaem, olketa siusim nomoa wei wea hemi agensim hem, bikos olketa stap long laef wea hemi barava fulap long sin.

Sams 106:7

Bifoa, taem olketa olo blong yumi i stap long Ijip, olketa nating luksave long olketa bikfala waka blong God. Ya, plande taem olketa fogetem nomoa wei wea hemi somaot lav blong hem long olketa. An long Red Si olketa agensim God hu hemi hae tumas.

Sams 119:24

Mi hapi tumas long olketa tising blong yu, bikos olketa tising ya i olsem olketa man fo tisim mi long olketa waes toktok.

Sams 68:18

Taem hemi goap antap long Saeon, hemi tekem go plande pipol wea hemi winim olketa long faet. Nomata pipol wea i agensim hem, olketa tu i givim presen long hem. Yawe hu hemi God, bae hemi stap long ples ya olowe nao.

Sams 68:6

Hemi mekem olketa hu i no garem wantok fo stap insaet long wanfala famili. Hemi tekemaot olketa man from prisin, an hemi lidimaot olketa fo go fri, an fo hapi. Bat evriwan wea i gohed fo agensim hem, hemi mekem olketa fo stap long ples wea hemi nogud tumas.

Sams 73:24

Yu gohed fo tisim mi fo falom wei blong yu, an bihaen, bae yu tinghae moa long mi an yu tekem mi moa fo stap wetem yu.

Sams 78:40

Staka taem, taem olketa stap insaet long drae eria, olketa agensim hem, an mekem hem filsore.

Provebs 1:25

Yufala les long evri advaes blong mi, an no wiling fo mi stretem yufala.

Aesaea 5:19

Yufala gohed fo mekfan an tok olsem, “Holi God blong yumi long Israel mas duim kuiktaem olketa samting wea hemi promis fo duim mekem yumi save lukim. Ya, hemi mas mekem olketa plan blong hem fo kamtru mekem yumi save long hem.”

Jeremaea 44:16

“Profet. !Mifala les fo lisin long mesij wea yu bin talemaot long mifala long nem blong Yawe!

Gudnius abaotem Jisas Kraes wea Luk hemi raetem 16:14

Olketa Farasi olketa herem diswan an olketa gohed fo tokspoelem Jisas nao, bikos olketa ya olketa lavem seleni tumas ya.

Gudnius abaotem Jisas Kraes wea Luk hemi raetem 7:30

Bat olketa Farasi an olketa tisa blong Lo, olketa no wiling fo duim wanem God hemi laekem. An olketa nating letem Jon fo hemi baptaesim olketa.

Aposol 20:27

Bikos mi ya, mi nating bin fraet fo talem yufala evrisamting abaotem God.

Leta wea Pol hemi raetem go long sios long Rom 1:28

An bikos olketa les fo save long God, God hemi letem olketa fo falom nomoa ravis tingting blong olketa seleva, an olketa duim nomoa olketa samting wea no fit fo pipol i duim.