Sams 106:21 - Pijin Deuterocanon

²¹ God hemi bin duim olketa bikfala samting long Ijip fo sevem olketa, bat olketa nating tingim hem.

Pijin Bible

²¹ God hemi bin duim olketa bikfala samting long Ijip fo sevem olketa, bat olketa nating tingim hem.

Sams 106:21 ပူးပေါင်းရင်းမြစ်များ

Sams 106:13

Bat no longtaem nomoa, olketa barava fogetem nao olketa samting wea God hemi bin duim. An olketa nating weit moa fo save wanem nao God hemi laekem olketa fo duim.

Sams 135:9

Hemi mekem olketa mirakol an olketa bikfala samting tu fo hapen long ples ya, fo panisim king blong olketa an evri bikman blong hem.

Aesaea 12:2

!Olketa! Yawe hemi God blong mi, an hem nao hemi sevem mi. Mi trastem hem, an bae mi no save fraet. Yawe hemi mekem mi strong, an hemi mekem mi save sing long hem. An hem nao hemi sevem mi.”

Aesaea 17:10

Olketa pipol blong Israel. Yufala fogetem nao God hu hemi sevem yufala, an hemi lukaftarem yufala, an hemi gadem yufala. God nao hemi strongfala Rok wea hemi sefples blong yufala. Bat yufala bin wakem olketa tambu gaden fo mekem wosip long olketa god blong olketa long narafala kantri.

Aesaea 45:21

Yufala kam an talemaot olketa toktok blong yufala, olsem insaet long kot. Yufala save toktok tugeta fastaem fo stretem tingting blong yufala. ?Yufala tingse hu nao hemi talemaot olketa samting ya longtaem bifoa olketa jes hapen? ?Waswe, yufala no save? !Mi Yawe nao! Mi God hu mi stret olowe, an mi nao mi sevem yufala. !No eni narafala god moa hemi stap, wea hemi olsem mi!

Aesaea 63:8

Yawe hemi tok olsem, “!Olketa no save laea long mi ya, bikos olketa ya i pipol blong mi!” So, hemi sevem olketa.

Jeremaea 2:32

?Waswe, gele hu hemi lusim haos fo marit hemi save fogetem spesol kaleko an nekles blong hem? Bat yufala pipol blong mi gohed fo fogetem mi olowe nomoa.

Hosia 1:7

Bat bae mi somaot dat mi sore long olketa pipol blong Jiuda. Mi Yawe nao mi God blong olketa, an bae mi nao mi sevem olketa. Bat bae mi no yusim man fo faet, o naef fo faet, o bou, o hos, o soldia wea hemi raedem hos, fo sevem olketa pipol ya. Bae mi seleva nao mi sevem olketa.”

Gudnius abaotem Jisas Kraes wea Luk hemi raetem 1:47

Long tingting blong mi, mi hapi tumas long God wea hemi sevem mi.

Diutronomi 10:21

Yufala mas mekhae long Yawe. Hem nomoa hemi God blong yufala. An yufala lukim olketa barava bikfala samting wea hemi save mekem man fraet.

Diutronomi 4:34

?Waswe, eni narafala god hemi stap wea hemi bin go long wanfala kantri fo tekemaot pipol from ples ya fo kamap pipol blong hem? !Nomoa ya! Bat Yawe hemi go long Ijip, hemi tekemaot yumi from olketa long strongfala han blong hem. Yufala bin lukim dat taem Yawe, God blong yufala, hemi tekemaot yufala from Ijip hemi yusim trabol, an mirakol, an paoa, an bikfala faet, an olketa samting wea i mekem man fraet tumas.

Diutronomi 6:22

Long datfala taem, mifala lukim dat hemi duim plande mirakol wea i mekem man fraet, an hemi yusim bikfala paoa blong hem agensim pipol blong Ijip, an King blong olketa, an olketa bikman blong king.

Taetas 1:3

An long barava taem blong hem, hemi somaot klia disfala toktok blong hem long Gudnius. God hu hemi sevem yumi, hem nao hemi talem mi fo talemaot disfala Gudnius long evriwan.

Taetas 2:10

an no stilim enisamting blong olketa. Bat olketa mas duim evri gudfala samting olowe, mekem bos blong olketa save trastem olketa. So long evri gudfala samting wea olketa wakaman i duim, bae olketa mekem pipol wande falom tising abaotem God hu hemi Sevia blong yumi.

Jajis 8:34

Olketa no tingim Yawe hu hemi God blong olketa an hemi bin sevem olketa from evri enemi blong olketa.