Sams 104:4 - Pijin Deuterocanon

⁴ Yu yusim win olsem olketa enjel fo karim toktok blong yu, an yu yusim laetning olsem olketa wakaman blong yu.

Pijin Bible

⁴ Yu yusim win olsem olketa enjel fo karim toktok blong yu, an yu yusim laetning olsem olketa wakaman blong yu.

Sams 104:4 ပူးပေါင်းရင်းမြစ်များ

2 Kings 2:11

Tufala gohed fo wakabaot an toktok. Den wanfala faea hemi kam wea hemi luk olsem kaat fo faet wea olketa hos i pulum. Hemi gopas long midol long tufala, an semtaem nomoa, strongfala win i kam tekem Profet Elaeja goap long heven.

2 Kings 6:17

An hemi prea olsem, “Lod Yawe, plis yu openem ae blong wakaman ya, mekem hemi lukim paoa blong yu.” So Yawe hemi openem ae blong wakaman ya. Den hemi lukim hil wea tufala stap, hemi fulap long olketa hos an kaat fo faet wea i luk olsem faea. Olketa ya i evriwea raonem Elaesa.

Sams 148:8

Yufala laetning an olketa ston long aes, snou an olketa klaod, yufala mas preisim hem. Ya, yu saekloun wea yu obeim toktok blong hem, yu mas preisim hem.

Esikiel 1:13

Olketa laef samting ya i saenaot olsem olketa sakol long faea wea hemi laet bikfala. Wanfala samting olsem faea wea hemi laet bikfala hemi gohed fo muv olobaot long midol long olketa laef samting ya. Faea ya hemi gohed fo sutim aot faea olsem laetning.

Sekaraea 6:5

An hemi tok olsem, ?Mining blong hem, hem nao olketa fofala win blong heven wea i goaot from Yawe hu hemi Masta blong disfala wol.

Aposol 23:8

Bikos olketa Sadiusi ya, olketa biliv wea no eniwan i save laefbaek moa an no eni enjel o spirit tu olketa stap. Bat olketa Farasi ya, olketa nao i biliv long trifala samting evriwan.

Hibrus 1:14

Bat olketa enjel ya, olketa i gudfala spirit hu i duim waka blong God. An God hemi sendem olketa kam fo helpem olketa pipol hu bae hemi sevem olketa.

Hibrus 1:7

Nao God hemi tokabaotem olketa enjel olsem, “Mi mekem olketa enjel fo waka olsem win, an mi mekem olketa wakaman blong mi fo waka olsem faea.”