Sams 104:12 - Pijin Deuterocanon

¹² Olketa bed i mekem olketa nest long olketa tri wea i stap long saet blong olketa wata ya, an oltaem olketa singsing.

Pijin Bible

¹² Olketa bed i mekem olketa nest long olketa tri wea i stap long saet blong olketa wata ya, an oltaem olketa singsing.

Sams 104:12 ပူးပေါင်းရင်းမြစ်များ

Sams 147:9

Hemi givim kaikai long olketa animol, an hemi fidim olketa pikinini blong bed, taem olketa hanggre an krae fo kaikai.

Sams 148:10

Yufala evri animol long vilij, an evri animol long bus, yufala mas preisim hem. Ya, yufala evri snek an evri lisad, an evri smolfala animol an evri bed, yufala mas preisim hem.

Sams 50:11

Evri wael bed wetem evri narafala laef samting long wol i blong mi.

Sams 84:3

Lod Yawe, yu garem evri paoa. Yu nao yu King blong mi, an yu God blong mi. Nomata olketa smolfala bed, olketa save mekem nest blong olketa insaet long Tambuhaos blong yu, an olketa kipim olketa pikinini blong olketa kolsap long olta blong yu.

Matiu 6:26

Yufala tingting fastaem long olketa bed wea olketa flae olobaot ya. Olketa nating wari fo wakem eni gaden o fo tekem kaikai kam from gaden fo hipimap long eni haos tu. Bat nomata olsem, Dadi blong yufala long heven, hemi fidim olketa bed ya. Bat yufala ya, yufala nao bik samting long ae blong God winim olketa bed ya.

Matiu 8:20

Bat Jisas hemi sei long hem, “Olketa wael animol olketa garem ples blong olketa seleva fo slip, an olketa bed tu olketa garem ples blong olketa seleva. Bat mi San Blong Man, mi no garem eni ples fo slip long hem.”