Leta wea Pol hemi raetem go long sios long Rom 7:21 - Pijin Deuterocanon

²¹ So mi luksave dat disfala nogud wei nao hemi bosim mi. Taem mi wande duim gudfala samting, olketa ravis tingting nomoa hemi stap insaet long mi.

Pijin Bible

²¹ So mi luksave dat disfala nogud wei nao hemi bosim mi. Taem mi wande duim gudfala samting, olketa ravis tingting nomoa hemi stap insaet long mi.

Leta wea Pol hemi raetem go long sios long Rom 7:21 ပူးပေါင်းရင်းမြစ်များ

Sams 119:133

Plis yu gadem mi from olketa ravis wei. Ya, plis yu gadem mi olsem wea yu bin promisim finis.

Sams 119:37

Plis yu mekem mi falom olketa gudfala wei blong yu, an no letem mi falom olketa ravis wei.

Sams 40:12

Distaem staka trabol nao hemi kamap raonem mi. Ya, olketa staka fogud, an mi no save kaontem nao. Olketa sin blong mi i kavarem mi finis, an mi no save lukluk nao. Olketa plande tumas winim olketa hea long hed blong mi, an tingting blong mi hemi wikdaon nao.

Sams 65:3

fo olketa sin blong olketa. Olketa nogud wei blong mifala hemi winim mifala nao, bat yu fogivim nomoa olketa sin blong mifala ya.

Gudnius abaotem Jisas Kraes wea Luk hemi raetem 4:1

Nao taem Jisas hemi lusim riva long Jodan, Holi Spirit hemi stap wetem hem an lidim hem go long wanfala drae eria.

Gudnius abaotem Jisas Kraes wea Jon hemi raetem 8:34

Jisas hemi tok olsem long olketa moa, “Mi talem yufala tru samting nao, evriwan hu i falom rong wei, hemi barava slev blong disfala rong wei blong hem ya.

Leta wea Pol hemi raetem go long sios long Rom 6:12

Yufala mas no letem sin fo bos ovarem bodi blong yufala wea hemi save dae. Nogud sin mekem yufala falom nomoa olketa ravis tingting blong yufala seleva.

Leta wea Pol hemi raetem go long sios long Rom 6:14

Sin hemi mas no bosim yufala moa, bikos yufala no stap andanit long Lo, bat yufala stap andanit long kaenfala lav blong God.

Leta wea Pol hemi raetem go long sios long Rom 7:23

Bat mi luksave dat disfala nogud wei hemi waka insaet long bodi blong mi, an hemi faetem Lo blong God wea hemi stap insaet long tingting blong mi. So mi stap wakaman blong wei blong sin wea hemi gohed fo waka insaet long bodi blong mi.

Leta wea Pol hemi raetem go long sios long Rom 7:25

!Yumi mas toktengkiu long God wea hem nao duim diswan long waka blong Jisas Kraes Masta blong yumi! So mi seleva, long saet long maen blong mi, mi wakaman blong Lo blong God. Bat long saet blong mi long wei blong sin, mi wakaman blong disfala nogud wei long sin.

Leta wea Pol hemi raetem go long sios long Rom 8:2

Bikos gudfala wei blong Holi Spirit hemi givim yumi tru laef bikos yumi joen wetem Jisas Kraes, an hemi sevem yumi from wei blong sin wea hemi kilim yumi dae.

Hibrus 2:17

Dastawe nao hemi fitim fo hemi stap barava man olsem olketa brata blong hem long wol ya. Bikos long wei ya nao, hemi save sore an kaen long olketa an hemi save stap tru olsem Haeprist an duim waka blong God, wea hem nao hemi tekemaot olketa sin blong olketa pipol.

Hibrus 4:15

An Haeprist blong yumi ya hemi savegud long hao yumi save wik tumas. Bikos evrisamting wea i traem yumi, olketa i traem hem finis tu. Bat nomata olsem, no enitaem nao Jisas hemi duim enisamting wea hemi rong.

2 Pita 2:19

Olketa laea tisa promisim olketa pipol dat bae olketa save fri. Bat olketa seleva ya i nating fri nomoa. Olketa i slev nao long wei wea olketa save spoelem olketa seleva long hem. Yu save, taem samting hemi winim man, man ya hemi slev nao long disfala samting.