Leta wea Pol hemi raetem go long sios long Rom 4:21 - Pijin Deuterocanon

²¹ bikos hemi savegud dat God hemi save duim wanem hemi bin promisim.

Pijin Bible

²¹ bikos hemi savegud dat God hemi save duim wanem hemi bin promisim.

Leta wea Pol hemi raetem go long sios long Rom 4:21 ပူးပေါင်းရင်းမြစ်များ

Jenesis 18:14

Mi nao Yawe ya. ?Yutufala tingse hemi had tumas fo mi mekem enisamting olsem? Mi talem finis, bihaen long meknaen mans long semtaem olsem neks yia, bae mi kambaek fo lukim yutufala moa, an long taem ya, Sera bae hemi garem finis wanfala pikinini boe.”

Sams 115:3

God blong yumi hemi stap long heven, an hemi garem paoa fo duim evrisamting wea hemi laekem.

Jeremaea 32:17

!O Lod Yawe! Yu seleva nomoa bin mekem skae an disfala wol long bikfala paoa long yu. No enisamting hemi had tumas wea yu no save mekem.

Jeremaea 32:27

“Mi nao Yawe, God blong evri pipol long wol. No enisamting hemi had tumas fo mi, wea mi no save mekem.

Matiu 19:26

Bat Jisas hemi barava luk stret go long olketa an hemi sei nao, “Hemi had tumas fo eni man fo duim ya, bat God hemi save duim evrisamting nomoa.”

Gudnius abaotem Jisas Kraes wea Luk hemi raetem 1:1

Plande pipol olketa traehad fo raetem abaotem olketa samting wea hemi bin gohed long mifala.

Gudnius abaotem Jisas Kraes wea Luk hemi raetem 1:37

Yu save, no enisamting hemi had fo God fo duim ya.”

Gudnius abaotem Jisas Kraes wea Luk hemi raetem 1:45

Yu mas hapi tumas ya, bikos yu bilivim olketa samting wea bae hemi kamtru, olsem God hemi bin talem long yu.”

Leta wea Pol hemi raetem go long sios long Rom 14:4

?Waswe, yu tingse yu hu ya, mekem yu save jajem wakaman blong nara man? Bos blong hem nomoa save talem sapos wakaman ya hemi duim gudfala waka o nomoa. Bat bae man ya hemi gohed nomoa fo duim gudfala waka, bikos Masta blong yumi nao hemi garem paoa fo helpem hem long diswan.

Leta wea Pol hemi raetem go long sios long Rom 14:5

Wanfala man hemi tingse wanfala de hemi spesol winim olketa nara de, an nara man hemi tingse evri de olketa semsem nomoa. Evriwan mas savegud long tingting blong hem seleva.

Leta wea Pol hemi raetem go long sios long Rom 8:38

Mi bilivim tumas dat no enisamting save tekem yumi aot from lav blong God. Nomata yumi laef o yumi dae, nomata enisamting olsem olketa enjel o olketa nara paoa moa, nomata samting wea i stap distaem o bae hemi kamap bihaen,

2 Korin 9:8

An God hemi save givim plande samting long yufala go-go yufala barava naf nao. So yufala save garem evrisamting wea yufala nidim, an yufala save givim plande samting long narafala pipol.

2 Timoti 1:12

An dastawe nao mi safa olsem long distaem. Bat mi nating filsem, bikos mi savegud long disfala man hu mi biliv long hem. Mi barava save hemi save lukaftarem gud disfala Gudnius wea hemi putum long han blong mi, go-go kasem Lasde.

Hibrus 11:13

Olketa pipol olsem ya, olketa gohed nomoa fo biliv long God, go-go kasem taem olketa dae. Bat taem olketa stap yet long wol, olketa no tekem nomoa olketa samting wea God hemi promis fo givim long olketa. Hemi olsem wea olketa stap farawe nomoa an lukluk go, an olketa i hapi fo luksave long samting wea bae hemi hapen. An olketa talemaot dat olketa stap long wol ya olsem olketa strensa hu i kam fo visit nomoa.

Hibrus 11:19

Ebraham hemi save dat God hemi save mekem Aesak fo laefbaek moa. An yumi save sei Aesak hem olsem hemi laefbaek moa from dae.