Leta wea Pol hemi raetem go long sios long Rom 16:20 - Pijin Deuterocanon

²⁰ Bae no longtaem, God hu hemi givim piis, bae hemi mekem yufala garem paoa ovarem Seitan fo spoelem hem. Letem kaenfala lav blong Jisas Masta blong yumi, hemi stap wetem yufala.

Pijin Bible

²⁰ Bae no longtaem, God hu hemi givim piis, bae hemi mekem yufala garem paoa ovarem Seitan fo spoelem hem. Letem kaenfala lav blong Jisas Masta blong yumi, hemi stap wetem yufala.

Leta wea Pol hemi raetem go long sios long Rom 16:20 ပူးပေါင်းရင်းမြစ်များ

Jenesis 3:15

Bae mi mekem yu an woman ya, fo yutufala no laekem yutufala, an bae yutufala gohed fo agensim yutufala. Pikinini wea bae hemi kamaot bihaen long yu, an pikinini wea bae hemi kamaot bihaen long woman ya, bae tufala gohed fo enemi long tufala. Nao pikinini blong hem ya bae hemi gohed fo brekem hed blong yu, an yu bae yu gohed fo baetem bihaen long lek blong hem.”

Stori abaotem Job 40:12

Yu mas daonem olketa hu i praod. An yu mas spoelem olketa ravis pipol long ples blong olketa.

Aesaea 63:3

An Yawe hemi tok olsem, “Mi bin smasem daon olketa pipol blong olketa narafala kantri, olsem man hu hemi step long olketa frut blong grep, bat no eniwan nomoa hemi helpem mi. Mi smasem olketa nao, bikos mi kros tumas long olketa, an blad blong olketa hemi mekem kaleko blong mi hemi red.

Sekaraea 10:5

Bae olketa ya i olsem olketa strongman fo faet wea i step long olketa enemi long mad. An bikos mi Yawe mi helpem olketa, bae olketa winim olketa enemi an meksem long olketa man fo ran long hos.

Malakae 4:3

Long datfala de, taem mi jajem olketa nogud pipol, bae yufala save step long olketa bikos olketa i olsem asis blong faea.? Hem nao toktok blong Yawe hu hemi garem evri paoa.

Matiu 4:10

Long taem ya, Jisas hemi tok olsem moa, “!Seitan, yu giraot! Buktambu hemi sei, ‘Yufala mas mekhae long God Masta blong yufala an hem nomoa yufala mas wosipim hem.’”

Gudnius abaotem Jisas Kraes wea Luk hemi raetem 10:19

Yufala lisin gud fastaem. Mi givim paoa long yufala finis, mekem yufala save step antap long olketa poesen snek an antap long olketa skopion. An mi givim yufala paoa wea hemi barava winim moa paoa blong Seitan. An bae no enisamting hemi save spoelem yufala.

Leta wea Pol hemi raetem go long sios long Rom 15:33

Letem God hu hemi givim piis, hemi stap wetem yufala evriwan. Amen.

Leta wea Pol hemi raetem go long sios long Rom 16:23

Gaeas tu hemi sei halo long yufala. Mi nao stap long haos blong hem distaem, an sios tu olketa save miting long haos blong hem. Erastas hu hemi man fo lukaftarem seleni long biktaon long hia, an brata blong yumi Kuotas, tufala sei halo long yufala tu.

Leta wea Pol hemi raetem go long sios long Rom 8:37

Bat yumi no givap long enisamting olsem. !Kraes hu hemi lavem yumi, hemi helpem yumi fo winim olketa samting ya oltaem!

1 Korin 16:23

Letem kaenfala lav blong Jisas Masta blong yumi hemi stap wetem yufala.

2 Korin 13:14

Letem kaenfala lav blong Masta blong yumi Jisas Kraes, an lav blong God hemi stap wetem yufala. An letem Holi Spirit mekem yufala stapgud tugeta.

Galesia 6:18

Letem kaenfala lav blong Masta blong yumi Jisas Kraes, hemi stap wetem yufala olketa Kristin fren blong mi. Amen.

Filipae 4:23

Letem kaenfala lav blong Jisas Kraes Masta blong yumi, hemi stap wetem yufala.

1 Tesalonaeka 5:28

Letem kaenfala lav blong Jisas Kraes Masta blong yumi, hemi stap wetem yufala.

2 Tesalonaeka 3:18

Letem kaenfala lav blong Jisas Kraes Masta blong yumi, hemi stap wetem yufala evriwan.

2 Timoti 4:22

Letem Masta hemi stap long laef blong yu. An letem kaenfala lav blong God hemi stap wetem yufala.

Filimon 1:25

Letem kaenfala lav blong Jisas Kraes Masta blong yumi, hemi stap wetem yufala.

1 Jon 3:8

Bat eniwan hu hemi gohed olowe long wei blong sin, hemi pikinini blong Seitan ya, bikos Seitan nao hemi stap olowe long wei blong sin stat kam bifoa. Bat San Blong God nao hemi kam fo barava spoelem evrisamting wea Seitan hemi duim.

Revelesin 12:10

Nao mi herem moa wanfala voes long heven, wea hemi singaot olsem, “Distaem, God blong yumi hemi sevem yumi nao, an hemi somaot dat hemi garem paoa fo rul olsem King. An disfala Mesaea blong hem, hemi somaot dat hemi garem paoa ovarem evrisamting. Hemi olsem, bikos disfala man fo tokagensim olketa Kristin, olketa bin raosim hem finis from heven. Bifoa ya, nomata de an naet, hemi save tokagensim olketa long frant long God.

Revelesin 22:21

Letem kaenfala lav blong Jisas Masta blong yumi, hemi stap wetem yufala pipol blong God. Amen.