Leta wea Pol hemi raetem go long sios long Rom 1:31 - Pijin Deuterocanon

³¹ Olketa nating garem gudfala tingting, an olketa save raverave nomoa, an olketa no save kaen, an olketa no filsore long eniwan.

Pijin Bible

³¹ Olketa nating garem gudfala tingting, an olketa save raverave nomoa, an olketa no save kaen, an olketa no filsore long eniwan.

Leta wea Pol hemi raetem go long sios long Rom 1:31 ပူးပေါင်းရင်းမြစ်များ

Provebs 18:2

Krangge man, hemi no hapi long gudfala save, bat hemi hapi tumas fo talemaot tingting blong hem.

Aesaea 27:11

Taem olketa brans blong olketa tri ya hemi kamap drae an brek kamdaon long graon, olketa woman bae i kam fo pikimap fo faeawud. Yawe nao hemi mekem olketa pipol long ples ya, bat bikos olketa nating luksave long hem, bae hemi no sore an kaen long olketa.

Aesaea 33:8

No eniwan hemi falom nao olketa rod long kantri ya bikos hemi nating sef nao fo wakabaot falom. An olketa brekem finis evri agrimen wea olketa mekem wetem olketa pipol long narafala kantri, an no eniwan hemi save tinghae moa long olketa pipol hu i kipim promis ya.

Jeremaea 4:22

Nao Yawe hemi tok olsem, “Olketa pipol blong mi i krangge an no save long mi nao. Olketa barava olsem olketa pikinini hu i no minimsave enisamting. Olketa savegud hao fo duim enikaen ravis samting, bat olketa no save hao fo duim enikaen gud samting.”

Matiu 15:16

Bat Jisas hemi sei, “!Maewat! Hed blong yufala hemi tudak olsem olketa tu ya.

Gudnius abaotem Jisas Kraes wea Mak hemi raetem 7:18

An Jisas hemi sei olsem, “!Maewat! Yufala ya, hed blong yufala hemi tudak olsem olketa ya tu. ?Waswe, yufala no minim yet? Olketa samting wea hemi kam from aotsaet an go insaet long maos blong man, hemi no save mekem man fo no klin,

Leta wea Pol hemi raetem go long sios long Rom 3:11

No eniwan luksave long wanem hemi stret, an no eniwan tinghae long God.

2 Timoti 3:3

Bae olketa no save kaen long eniwan, an bae olketa no save fogivim eniwan. Bae olketa tokspoelem olketa nara pipol, an bae olketa laek fo faet an mekem trabol, an bae olketa no laekem eni gudfala samting.