Revelesin 9:16 - Pijin Deuterocanon

¹⁶ Nao olketa talem mi dat namba blong olketa soldia blong fofala enjel ya hemi kasem 200 milion.

Pijin Bible

¹⁶ Nao olketa talem mi dat namba blong olketa soldia blong fofala enjel ya hemi kasem 200 milion.

Revelesin 9:16 ပူးပေါင်းရင်းမြစ်များ

Sams 68:17

Yawe hemi kam from Saenae wetem plande taosen kaat fo faet, nao hemi go insaet long Tambuhaos blong hem.

Esikiel 23:6

Olketa ya nao i soldia hu i werem olketa papol kaleko. Samfala long olketa i bikman blong gavman, an samfala i komanda blong olketa soldia. Olketa ya i evri yang man hu i ran long olketa hos, an olketa luk naes tumas.

Esikiel 38:4

Bae mi tanem yu raon wetem evri soldia blong yu, olsem wea mi hukum maos blong yufala long huk, an pulum yufala kam. Olketa soldia ya i plande fogud. Samfala long olketa i wakabaot, an samfala ran long hos. Evriwan i werem kaleko fo faet, an holem sil an naef fo faet.

Daniel 11:40

Kolsap long en long datfala taem, king blong Ijip bae hemi go fo faet agensim king blong Siria. Bat king ya blong Siria bae hemi faet baek strongfala olsem wanfala saekloun. An bae hemi yusim olketa kaat fo faet, an olketa hos, an olketa sip fo faet. Bae hemi faet agensim plande kantri, an bae hemi tekova long olketa ples ya, olsem wata wea hemi flad bikfala an hemi kavaremap evri ples.

Daniel 7:10

An faea wea hemi gohed fo kamaot long tron ya, hemi gohed fo ran olsem wanfala riva. Plande taosen pipol wea no eniwan save kaondem i stanap frant long hem, olketa redi fo duim wanem hemi laekem. Taem olketa jaj i sidaon, olketa openem nao olketa kot buk.

Revelesin 5:11

Nao taem mi luk go moa, mi herem singsing blong plande milion enjel an blong plande moa wea hemi had fo kaontem olketa. Olketa stanap raonem tron wetem fofala animol an olketa bikman ya.

Revelesin 7:4

Nao olketa talem mi dat namba blong olketa pipol wea mak blong God hemi stap long olketa, hemi kasem 144,000. An olketa ya, kamaot long evri traeb blong pipol blong Israel.