Revelesin 7:13 - Pijin Deuterocanon

¹³ Nao wanfala long olketa bikman ya hemi askem mi olsem, “?Hu nao olketa pipol wea olketa werem waet kaleko ya? ?An olketa stap kam long wea ya?”

Pijin Bible

¹³ Nao wanfala long olketa bikman ya hemi askem mi olsem, “?Hu nao olketa pipol wea olketa werem waet kaleko ya? ?An olketa stap kam long wea ya?”

Revelesin 7:13 ပူးပေါင်းရင်းမြစ်များ

Jenesis 16:8

an hemi askem hem olsem, “!Haga! ?Yu stat kam long wea ya? ?An yu go wea nao ya? !Yu slev gele blong Sarae ya!” An Haga hemi tok olsem, “Mi ranawe from bos blong mi Sarae ya.”

Daniel 7:16

So, mi go long wanfala long olketa hu i stanap long ples ya, an mi askem hem fo talemaot mining blong olketa samting ya long mi. Hemi tok olsem long mi,

Gudnius abaotem Jisas Kraes wea Jon hemi raetem 7:28

Jisas hemi gohed fo tisim olketa pipol insaet long Tambuhaos ya, an hemi toktok bikfala olsem, “Yufala tingse yufala save long mi an ples wea mi stap kam long hem ya. Bat mi no kam falom tingting blong mi seleva ya. Dadi ya wea toktok blong hem hemi tru tumas, hem nao hemi sendem mi kam. Bat yufala ya, yufala no save long hem ya.

Aposol 3:12

Taem Pita hemi lukim diswan, hemi toktok go long olketa olsem, “?Olketa pipol blong Israel, waswe nao yufala sapraes long diswan, an waswe nao yufala lukstrong olsem long mitufala? ?Waswe, yufala tingse mitufala mekem man ya fo wakabaot long paoa o long holi wei blong mitufala seleva ya? !Nomoa ya!

Revelesin 3:4

‘Bat samfala pipol long yufala long Sadis olketa lukaftarem kaleko blong olketa, mekem olketa no doti. Olketa nao bae werem waet kaleko an bae olketa wakabaot wetem mi, bikos olketa nao fitim diswan from gudfala waka blong olketa.

Revelesin 4:10

tuenti-foa bikman ya olketa nildaon long frant long man hu hemi laef oltaem an hemi no save dae, an hemi sidaon long tron ya. An olketa mekhae long hem an putumdaon olketa kraon blong olketa long frant long tron ya, an olketa gohed fo singsing olsem,

Revelesin 4:4

An raonem tron ya tu, tuenti-foa nara tron hemi stap. Nao long olketa tron ya mi lukim tuenti-foa bikman nao sidaon long olketa. An olketa werem olketa waet kaleko an olketa werem gol kraon.

Revelesin 5:11

Nao taem mi luk go moa, mi herem singsing blong plande milion enjel an blong plande moa wea hemi had fo kaontem olketa. Olketa stanap raonem tron wetem fofala animol an olketa bikman ya.

Revelesin 5:5

Bat wanfala long olketa bikman ya hemi tok olsem long mi, “Yu no krae. !Lukim! Laeon blong traeb blong Jiuda, disfala nambawan man wea hemi bon kam long traeb blong Jiuda an hemi nambawan lida hu hemi save falom olo blong hem Deved, hem nao hemi winim faet ya finis. So hem nao hemi save brekemaot sevenfala tambu mak ya an openem disfala skrol.”

Revelesin 7:9

Den mi luk go moa, an mi lukim plande pipol tumas, wea no eniwan save kaontem olketa. Olketa pipol ya olketa kam from evri traeb an evri laen an evri kantri an evri langguis long wol. Olketa werem waet kaleko an olketa holem lif blong pam tri long han blong olketa, an olketa gohed fo stanap long frant long tron ya, an long frant long Smolfala Sipsip ya.

Jajis 13:6

Nao woman ya hemi go tok long hasban blong hem olsem, “Wanfala man blong God hemi kam kasem mi wea hemi luk olsem wanfala enjel blong God, an hemi mekem mi fraet tumas. Mi no askem ples wea hemi kam from an hemi no talem nem blong hem long mi.