Revelesin 4:6 - Pijin Deuterocanon

⁶ An long frant long tron ya moa, hemi garem wanfala leik wea hemi olsem glas wea hemi saen fogud. Fofala animol nao olketa stanap raonem tron ya long fofala saet long hem. Fofala animol ya i garem plande ae long frant blong olketa an long bihaen blong olketa tu.

Pijin Bible

⁶ An long frant long tron ya moa, hemi garem wanfala leik wea hemi olsem glas wea hemi saen fogud. Fofala animol nao olketa stanap raonem tron ya long fofala saet long hem. Fofala animol ya i garem plande ae long frant blong olketa an long bihaen blong olketa tu.

Revelesin 4:6 ပူးပေါင်းရင်းမြစ်များ

1 Kings 7:23

Nao Huram hemi wakem wanfala bikfala raon tangk long bras. Hae blong hem hemi winim tu mita, an insaet long hem, stat long wanfala saet go kasem nara saet, hemi kolsap foa an haf mita, an saes blong hem fo goraonem aotsaet blong hem hemi tetin an haf mita.

Stori abaotem Job 28:17

Nomata gol o eni nambawan glas, waes tingting hemi gud tumas winim olketa. An no eniwan save sensim gudfala gol fo tekem waes tingting.

Eksodas 38:8

Olketa wakem wanfala bikfala besin an olketa wakem botom blong hem tu. Olketa wakem tufala samting ya long bras from olketa glas wea i blong olketa woman hu i waka long doa blong Tambu Haostent.

Esikiel 10:12

Raonem ful bodi blong olketa, olsem long baeksaet, an long han, an long wing, an evri narafala pat moa, an long olketa wil tu, olketa ae nomoa hemi stap long hem.

Esikiel 10:14

Olketa enjel ya evriwan i garem fofala fes. Wanfala hemi olsem fes blong enjel, an mektu hemi olsem fes blong man, an mektri hemi olsem fes blong laeon, an mekfoa hemi olsem fes blong igol.

Revelesin 14:3

Olketa 144,000 pipol ya olketa stanap long frant long God wea hemi sidaon long tron, an long frant long fofala animol an olketa bikman ya. An olketa pipol ya i gohed fo singim wanfala niufala singsing wea no eni man moa hemi save long hem. Olketa pipol ya hu God hemi bin peimaot olketa finis from pipol long wol, olketa nomoa i save singim.

Revelesin 15:2

Nao mi lukim moa samting wea hemi luk olsem bikfala leik, bat hemi olsem glas wea faea hemi miks wetem. An mi lukim olketa pipol hu i bin winim finis disfala faet agensim wael animol ya wetem disfala kaving blong hem, an disfala namba fo nem blong hem. Olketa stanap kolsap long bikfala leik wea hemi olsem glas, an olketa holem olketa gita wea God hemi givim long olketa.

Revelesin 15:7

Long taem ya nomoa, wanfala long fofala animol ya, hemi givim sevenfala gol baol long sevenfala enjel ya. Olketa baol ya i fulap long kros blong God hu hemi laef olowe.

Revelesin 19:4

Den tuenti-foa bikman ya wetem fofala animol ya, olketa nildaon fo wosipim God hu hemi sidaon long tron. An olketa sei, “!Amen! !Haleluya!”

Revelesin 21:11

An saen blong bikfala paoa blong God hemi saen kam long biktaon ya. Hemi barava saen fogud olsem naesfala ston jaspa wea hemi klia fogud olsem glas.

Revelesin 21:18

Wolston ya, olketa mekem long naesfala ston jaspa, an taon ya olketa mekem long nambawan gol, wea hemi saen olsem glas.

Revelesin 21:21

An tuelfala bikfala geit ya olketa mekem long tuelfala pel. Evri geit olketa mekem long wanfala bikfala pel nomoa. An bikfala rod insaet long biktaon ya olketa wakem long nambawan gol wea hemi klia tumas olsem glas.

Revelesin 22:1

Nao enjel ya hemi som mi wanfala riva wea hemi saen olsem glas. An riva ya nao hemi wata blong laef. Hemi ran kamaot long tron blong God an blong Smolfala Sipsip ya,

Revelesin 4:4

An raonem tron ya tu, tuenti-foa nara tron hemi stap. Nao long olketa tron ya mi lukim tuenti-foa bikman nao sidaon long olketa. An olketa werem olketa waet kaleko an olketa werem gol kraon.

Revelesin 5:11

Nao taem mi luk go moa, mi herem singsing blong plande milion enjel an blong plande moa wea hemi had fo kaontem olketa. Olketa stanap raonem tron wetem fofala animol an olketa bikman ya.

Revelesin 5:14

Den fofala animol ya olketa ansa olsem, “Amen.” An olketa bikman ya olketa nildaon an wosipim tufala.

Revelesin 5:6

Nao mi lukim moa wanfala Smolfala Sipsip wea hemi stanap long frant long tron ya wea fofala animol ya an olketa bikman i stap raonem hem. An Smolfala Sipsip ya hemi luk olsem olketa bin kilim hem dae. Hemi garem sevenfala hon long hem an sevenfala ae tu. Olketa ya nao seven gudfala spirit blong God, wea hemi sendem olketa fo goaot evriwea long wol.

Revelesin 5:8

An taem hemi tekem skrol ya, fofala animol ya wetem tuenti-foa bikman ya, olketa nildaon long frant long Smolfala Sipsip ya fo mekhae long hem. Evriwan olketa garem gita, an olketa holem tu olketa gol baol. Olketa baol ya olketa fulap long insens wea hemi olsem olketa prea blong olketa pipol blong God.

Revelesin 6:1

Nao mi lukim Smolfala Sipsip ya hemi brekem mekwan tambu mak long olketa sevenfala tambu mak long skrol ya. An mi herem wanfala long olketa fofala animol ya hemi singaot bikfala, an voes blong hem hemi here olsem tanda. Hemi sei olsem, “Yu kam.”

Revelesin 6:6

Nao mi herem olsem wanfala toktok long midol long olketa fofala animol ya, wea hemi sei olsem, “Bae olketa pipol sot tumas long kaikai, mekem wejis fo wan fulde bae hemi fit fo baem wanfala smol sosa flaoa blong wit, o sapos flaoa blong bali bae hemi fitim nomoa trifala smol sosa. Bat yu mas no spoelem olketa oliv tri an olketa grep tri blong olketa.”

Revelesin 7:11

Nao olketa enjel stanap raonem disfala tron wetem olketa bikman an fofala animol ya. Olketa nildaon long graon long frant long tron, an olketa gohed fo wosipim God

Revelesin 7:17

Bikos Smolfala Sipsip wea hemi stap long tron, bae hemi lukaftarem olketa olsem man hu hemi lukaftarem sipsip blong hem. An bae hemi lidim olketa go fo dring long olketa springwata wea hemi save givim laef. An God bae hemi draem evri tias long ae blong olketa, mekem olketa no save sore moa.”