Revelesin 2:24 - Pijin Deuterocanon

²⁴ ‘Bat evriwan long yufala long Taeataera wea yufala no falom ravis tising ya, an wea yufala no lanem olketa wei olketa kolem “Dip tokhaed blong Seitan”, mi laek fo talem samting long yufala. Mi no givim eni had samting moa long yufala fo falom.

Pijin Bible

²⁴ ‘Bat evriwan long yufala long Taeataera wea yufala no falom ravis tising ya, an wea yufala no lanem olketa wei olketa kolem “Dip tokhaed blong Seitan”, mi laek fo talem samting long yufala. Mi no givim eni had samting moa long yufala fo falom.

Revelesin 2:24 ပူးပေါင်းရင်းမြစ်များ

Aposol 15:28

Nao tingting blong mifala wea hemi tingting blong Holi Spirit tu, hemi fo mifala no putum eni hevi samting long yufala, bat olketa rul wea yufala mas falom nomoa hemi olsem.

Aposol 16:14

Nao wanfala long olketa woman ya, nem blong hem hemi Lidia. Hemi stap kam long Taeataera, an waka blong hem nao hemi fo salem olketa redfala kaleko wea hemi dia tumas. Hemi save wosipim God, an taem hemi lisin kam long Pol, God hemi openem maen blong hem, mekem hemi biliv long disfala toktok.

1 Korin 2:10

Bat God hemi yusim Spirit blong hem fo mekem yumi fo save long wanem hemi staphaed. Holi Spirit ya nao hemi save long evrisamting finis, nomata olketa samting wea hemi staphaed long tingting blong God seleva.

2 Korin 11:3

Bat mi wari tumas, nogud olketa lidim yufala fo gorong, mekem yufala lusim disfala wei fo stap klin an lavem Kraes tumas. Nogud hemi olsem taem snek ya hemi trikim Iv long laea blong hem.

2 Korin 2:11

Long wei ya, Seitan bae hemi no save garem paoa ovarem yumi, bikos yumi save finis long olketa nogud plan blong hem.

Jemes 3:15

Diskaen tingting hemi no kam from God, bat hemi samting blong wol nomoa. Hemi kam from ravis tingting blong man an from Seitan.

Revelesin 1:11

Hemi sei olsem, “Olketa samting wea bae yu lukim, yu mas raetemdaon long wanfala buk. An bihaen, yu mas sendem diswan go long olketa sios wea i stap long sevenfala taon, Efesas an Smana an Pegamam an Taeataera an Sadis an Filadelfia an Leodisia.”

Revelesin 12:9

Olketa raosim hem wetem olketa enjel blong hem an torowem olketa godaon long wol. Bikfala snek ya, hem nao disfala snek blong bifoa kam yet. An hem nao olketa kolem hem “Devol” o “Seitan”, wea hemi save trikim evri pipol long wol fo duim olketa nogud samting.

Revelesin 13:14

Bikos hemi garem paoa fo mekem olketa mirakol long saet blong fas wael animol ya, hemi trikim evri pipol long wol. Hemi talem olketa pipol fo mekem wanfala kaving fo luk olsem fas wael animol ya, wea olketa bin kilim hem dae wetem naef fo faet bat hemi laefbaek moa.

Revelesin 2:13

Mi save finis dat yufala stap long ples wea Seitan hemi rul ovarem, bat yufala nao i stanap long saet blong mi. Olketa long taon blong yufala wea Seitan hemi stap long hem, olketa bin kilim dae Antipas hu hemi save talemaot stret toktok blong mi. Bat nomata hem olsem long taem ya, yufala nating lusim biliv blong yufala long mi.

Revelesin 2:18

Disfala man hemi tok olsem moa, “An yu mas raet go long enjel blong sios long Taeataera, an yu sei olsem, ‘Hem nao toktok blong mi San Blong God, wea ae blong mi hemi olsem faea wea hemi laet, an lek blong mi hemi olsem bras wea hemi saen fogud.

Revelesin 2:9

Mi save finis long olketa trabol blong yufala an dat yufala pua tumas. !Bat yufala ris tumas tu! An mi save tu long olketa ravis toktok blong olketa pipol wea olketa gohed fo toknogud long yufala. Olketa sei olketa nao Jiu, bat wea, olketa barava laea nomoa. Olketa nao barava seksin wea olketa mekhae long Seitan.