Revelesin 19:12 - Pijin Deuterocanon

¹² Ae blong hem hemi laet olsem faea, an hemi garem plande kraon long hed blong hem. Wanfala nem hemi stap long bodi blong hem, bat hem seleva nomoa hemi save long nem ya an no eniwan moa hemi save.

Pijin Bible

¹² Ae blong hem hemi laet olsem faea, an hemi garem plande kraon long hed blong hem. Wanfala nem hemi stap long bodi blong hem, bat hem seleva nomoa hemi save long nem ya an no eniwan moa hemi save.

Revelesin 19:12 ပူးပေါင်းရင်းမြစ်များ

Jenesis 32:29

Bihaen Jekob hemi askem man ya olsem, “?Hu nao nem blong yu?” Bat man ya hemi ansa olsem, “?Waswe nao yu wande save long nem blong mi?” An hemi blesim hem nao.

Sams 8:5

Nomata olsem, yu seleva nao bin mekem mifala, an yu liftimap nem blong mifala an yu givim paoa long mifala fo kamap barava hae olsem king, bat yu nomoa yu hae winim mifala.

Eksodas 23:21

Yufala mas lisingud long hem, an mas obeim hem. An yufala mas no agensim hem, bikos mi nao mi sendem hem kam, an bae hemi no save fogivim eniwan hu hemi agensim hem.

Provebs 30:4

?Hu nao hemi bin go antap long heven, an kamdaon moa? ?Hu nao bin holem win long han blong hem? ?Hu nao bin karim dipsi long kaleko blong hem? ?Hu nao bin makem en blong wol? ?Waswe, yu save long nem blong hem, o nem blong pikinini blong hem? Yu mekem mi save.

Nambawan Singsing 3:11

!Kam, yufala woman blong maonten long Saeon! !Kam lukim King Solomon! Hemi werem kraon blong king wea mami blong hem hemi bin putum long hed blong hem, long de wea hemi marit, an hemi hapi an filgud tumas.

Aesaea 62:3

Bae Yawe hemi mekhae long yufala fo kamap spesol, olsem wanfala kraon blong king wea hemi barava luk naes tumas.

Aesaea 9:6

Ya, mifala hapi tumas bikos wanfala pikinini boe hemi bon kam fo mifala. Lod Yawe, yu nao yu givim kam disfala pikinini fo mifala. An hem nao bae hemi rul ovarem mifala. Bae olketa kolem hem, Nambawan Man fo givim gudfala tingting, an God hu hemi strong tumas, an Dadi hu hemi stap olowe, an Bikman fo mekem Piis.

Daniel 10:6

Bodi blong hem hemi barava saen fogud olsem san, an fes blong hem hemi barava saen fogud olsem laetning, an ae blong hem hemi laet olsem faea. Tufala han an tufala lek blong hem i saen fogud olsem bras wea olketa saenem, an voes blong hem hemi here olsem noes blong staka pipol taem olketa hipap.

Sekaraea 9:16

Long datfala de, Yawe bae hemi sevem olketa pipol blong hem, olsem man fo lukaftarem sipsip hemi lukaftarem olketa sipsip blong hem. Bae olketa stap gudfala olobaot long lan blong hem olsem olketa barava spesol ston i saen long kraon blong king.

Matiu 11:27

An Jisas hemi sei moa, “Dadi blong mi nao hemi putum evrisamting long han blong mi. An Dadi nao hemi save long San blong hem, bat no eniwan moa hemi save long San ya. An San blong hem hemi save long Dadi, bat no eniwan moa hemi save long Dadi ya. Bat olketa wea San blong hem hemi laek fo somaot Dadi long olketa, olketa nomoa save long hem.

Matiu 21:5

“Talem olsem long olketa pipol long Saeon ‘Lukim, King blong yufala ya hemi kam long yufala nao. Hemi mekem hem seleva fo lou, wea hemi sidaon antap long wanfala dongki nomoa. Wanfala yang dongki nao hemi raed kam long hem.’”

Matiu 28:18

Long taem ya, Jisas hemi kam kolsap long olketa an hemi tok olsem, “God hemi givim finis evri paoa long mi ovarem evrisamting long heven an long disfala wol.

Gudnius abaotem Jisas Kraes wea Luk hemi raetem 10:22

An Jisas hemi sei moa, “Dadi blong mi nao hemi putum evrisamting long han blong mi. An Dadi nao hemi save long San blong hem, bat no eniwan moa hemi save long San ya. An San blong hem hemi save long Dadi, bat no eniwan moa hemi save long Dadi ya. Bat olketa wea San blong hem hemi laek fo somaot Dadi long olketa, olketa nomoa save long hem.”

Gudnius abaotem Jisas Kraes wea Jon hemi raetem 17:11

Mi bae mi kam long yu nao. Bae mi no stap long disfala wol ya, bat olketa nao bae i stap yet long wol. Dadi wea yu holi, yu bae lukaftarem olketa ya long paoa blong nem blong yu, disfala nem wea yu givim kam long mi. Long wei ya, bae yu mekem olketa kamap wan nomoa, long sem wei wea yumitufala i wan nomoa.

Gudnius abaotem Jisas Kraes wea Jon hemi raetem 17:12

Taem mi stap wetem olketa, mi lukaftarem olketa ya long paoa blong nem blong yu, disfala nem wea yu givim kam long mi. Mi lukaftarem olketa gud an no eniwan long olketa hemi lus. Wanfala nomoa hemi mas lus fo mekem toktok blong Buktambu hemi barava kamtru nao.

Efesas 1:21

Kraes hemi stap long heven fo King ovarem olketa enjel an evri narakaen paoa moa long skae. An Kraes hemi garem nem wea hemi bikfala tumas winim evri narafala nem long disfala wol an long nara wol wea bae hemi kam.

Hibrus 2:9

Bat Jisas nao hemi garem olketa paoa. Fo lelebet taem, God hemi mekem hem fo stap lou andanit long olketa enjel, mekem hemi somaot kaenfala lav blong God taem hemi sensim evri pipol an dae. An bikos hemi safa tumas an dae, God hemi liftimap nem blong hem an givim hem saen blong bikfala paoa blong hem.

Revelesin 1:14

Hed an hea blong hem hemi barava waet tumas olsem hea blong sipsip, an ae blong hem hemi olsem faea wea hemi laet.

Revelesin 12:3

An nara saen hemi kamap moa long skae. Hemi wanfala bikfala snek wea bodi blong hem hemi red fogud. An hemi garem sevenfala hed wetem tenfala hon, an long sevenfala hed blong hem hemi garem kraon long evriwan.

Revelesin 13:1

Bihaen, mi lukim moa wanfala wael animol hemi kamaot long si. Hemi garem sevenfala hed an tenfala hon. Long olketa hon blong hem, hemi garem kraon long evriwan. An long olketa hed blong hem, hemi garem olketa nem wea olketa barava tokspoelem God.

Revelesin 19:16

Long kaleko blong hem an antap long ni blong hem, olketa raetem wanfala nem olsem: “King ovarem evri king, an Masta ovarem evri masta.”

Revelesin 3:12

Man hu hemi winim faet, bae mi mekem hem kamap olsem wanfala pos insaet long Tambuhaos blong God blong mi, an bae hemi stap olsem olowe nomoa. Bae mi raetem olketa nem fo stap long hem, olsem niu nem blong mi an nem blong God blong mi an nem blong bikfala taon blong hem. Bikfala taon ya nao hemi niu Jerusalem wea bae God blong mi hemi sendem kamdaon long heven.

Revelesin 6:2

Mi luk go nomoa, an mi lukim wanfala waet hos hemi kamaot. An man wea hemi sidaon antap long hem, hemi holem wanfala bou an aro, an olketa givim hem wanfala kraon fo putum long hed blong hem. Hemi raed go long hos ya olsem man hu hemi winim faet finis, an hemi go fo winim nara faet blong hem moa.

Jajis 13:18

Bat hemi tok olsem, “?Waswe nao yutufala laek fo save long nem blong mi? Hemi hae tumas fo save blong yutufala.”