Revelesin 16:5 - Pijin Deuterocanon

⁵ An mi herem enjel hu hemi bos ovarem olketa wata ya hemi tok olsem, “God, yu nao yu holi tumas, yu stap olowe bifoa an yu stap distaem tu. Olketa panis wea yu sendem kam, olketa stret nomoa.

Pijin Bible

⁵ An mi herem enjel hu hemi bos ovarem olketa wata ya hemi tok olsem, “God, yu nao yu holi tumas, yu stap olowe bifoa an yu stap distaem tu. Olketa panis wea yu sendem kam, olketa stret nomoa.

Revelesin 16:5 ပူးပေါင်းရင်းမြစ်များ

Jenesis 18:25

Long tingting blong mi, yu no save spoelem olketa evriwan olsem ya. Sapos yu spoelem taon ya, bae olketa nogud pipol an olketa gudfala pipol dae wantaem nao ya. !Diskaen ya hemi no wei blong yu ya! Yu no mekem hemi semsem nomoa long olketa nogud pipol wetem olketa gudfala pipol. Yu man fo jajem olketa pipol long wol. !Yu gohed fo jajem man long stretfala wei nomoa!”

Sams 129:4

Bat Yawe hu hemi stret fogud, hemi mekem yumi fri finis from olketa enemi blong yumi.

Sams 145:17

Evrisamting wea Yawe hemi duim hemi stret fogud, an evrisamting wea hemi duim, hemi somaot dat hemi tinghevi tumas long yumi.

Lamentesin 1:18

“Yawe hemi stret fogud, bat mi les fo obeim lo blong hem. !Lisin kam, yufala pipol blong wol ya! !Lukim kam long wei wea mi safa! Olketa yang man an mere blong mi, olketa enemi i fosim olketa fo lusim lan, an go stap long narafala kantri.

Daniel 9:14

Lod Yawe, yu bin redi finis fo panisim mifala, an yu bin duim finis, bikos oltaem nomoa yu duim olketa stret samting bat mifala nating obeim nomoa toktok blong yu.

Gudnius abaotem Jisas Kraes wea Jon hemi raetem 17:25

Dadi, yu stret tumas ya. Nomata olketa pipol blong disfala wol olketa nating save long yu, mi nao mi save long yu. An olketa hu i blong mi, olketa save dat yu nao yu sendem mi kam.

Leta wea Pol hemi raetem go long sios long Rom 2:5

Bat yufala bikhed tumas an yufala no wande sensim nomoa tingting blong yufala. So yufala mekem panis blong yufala hemi kamap bikfala moa, an bae hemi kasem yufala long datfala de wea God bae hemi somaot kros blong hem an stretfala wei blong hem fo jajem evriwan.

Leta wea Pol hemi raetem go long sios long Rom 3:5

?Waswe sapos nogud wei blong yumi hemi save somaot klia moa wea God nao hemi stret? ?Waswe, bae yumi tingim God hemi olsem wanfala man nomoa, mekem yumi sei hem nao hemi rong taem hemi panisim yumi?

Revelesin 1:4

Mi Jon, mi raet go long yufala evriwan long sevenfala sios long provins long Esia. Letem kaenfala lav an piis hemi stap wetem yufala. Lav an piis ya hemi stat kam long God wea hemi stap olowe bifoa, an wea hemi stap distaem, an wea bae hemi kam. Lav an piis ya hemi kam from seven gudfala spirit tu, wea olketa stap long frant long tron blong God wea hemi sidaon fo rul.

Revelesin 1:8

God Masta blong yumi hu hemi garem evri paoa an hu hemi stap olowe bifoa, an hu hemi stap distaem, an hu bae hemi kam, hem nao hemi talem olsem, “Mi nao mi faswan bifoa evrisamting, an bae mi laswan tu bihaen evrisamting ya.”

Revelesin 11:17

An olketa sei olsem, “God Masta blong mifala, yu nao yu garem evri paoa. Yu stap olowe bifoa an yu stap distaem tu. Mifala talem tengkiu long yu, bikos yu stat fo yusim bikfala paoa blong yu, wea yu gohed fo rul olsem King.

Revelesin 16:4

Den mektri enjel hemi go kapsaetem baol blong hem insaet long olketa riva an olketa springwata. An evriwan ya kamap blad tu.

Revelesin 16:7

Mi herem moa wanfala voes long olta hemi tok olsem, “!Ya, hemi tru! God Masta, yu nao garem evri paoa. Olketa wei blong yu fo jajem olketa pipol, hemi tru an stret tumas.”

Revelesin 19:2

An olketa wei blong hem fo jajem olketa pipol hemi tru an hemi barava stret. Hemi jajem finis disfala barava nogud juri ya. Disfala ravis wei blong juri ya fo durong wetem eniwan, hemi spoelem tingting blong olketa pipol long wol. God hemi bin panisim juri ya bikos hemi kilim dae olketa wakaman blong God.”

Revelesin 4:8

Nao fofala animol ya olketa evriwan garem siksfala wing, an olketa garem plande ae wea i stap evriwea long bodi blong olketa, nomata andanit long olketa wing tu. Olowe nomoa long de an naet, olketa no save res bat olketa gohed fo singsing olsem, “God Masta blong yumi, hemi holi tumas an hemi garem evri paoa. Hemi stap olowe bifoa an hemi stap distaem, an bae hemi kambaek moa.”

Revelesin 6:10

An olketa spirit gohed fo singaot olsem, “Bikfala Masta, yu barava holi tumas an yu kipim promis olowe. Plis yu no weit moa fo jajem olketa pipol long wol ya. Yu mas panisim olketa distaem, an sensimbaek olketa, fo dae blong mifala.”