Revelesin 14:5 - Pijin Deuterocanon

⁵ No enitaem nao olketa bin talemaot eni laea toktok. Olketa barava stret long ae blong God.

Pijin Bible

⁵ No enitaem nao olketa bin talemaot eni laea toktok. Olketa barava stret long ae blong God.

Revelesin 14:5 ပူးပေါင်းရင်းမြစ်များ

Sams 32:2

Man wea Yawe hemi no save tingim moa olketa sin blong hem, an long laef blong hem, hemi no save laea moa, hem nao hemi hapi tumas ya.

Sams 34:13

hemi mas no tok nogud, an hemi mas no laea.

Sams 55:11

Olketa nogud pipol i stap olobaot long taon ya. Ya, evri ples long taon hemi fulap nomoa long olketa man fo spoelem olketa narafala pipol. An hemi fulap tu long olketa man hu i duim olketa laea bisnis.

Provebs 8:8

Evri toktok mi talem hemi stret, mi nating save talem toktok wea i no stret.

Nambawan Singsing 4:7

Daling blong mi, yu barava luknaes tumas. Evri pat long bodi blong yu nomoa hemi luknaes, no eni pat long yu wea hemi spoelem yu.

Aesaea 53:9

Nomata hemi nating mekem eni trabol o talem eni laea toktok, bat olketa kilim hem dae wetem olketa nogud man, an berem hem wetem olketa risman.”

Daniel 6:4

Tufala narafala hedman wetem olketa minista i trae fo faendem samfala wei fo agensim long waka blong Daniel, bat olketa nating save faendem eni wei, bikos hemi putum tingting blong hem long waka blong hem, an olketa pipol i save trastem hem, an hemi nating talem o duim eni nogud samting.

Hosia 10:2

Tingting blong olketa hemi fulap long evri wei fo laea, hem nao bae olketa mas safa fo olketa sin blong olketa. No longtaem, bae God hemi brekemdaon evri olta blong olketa, an spoelem evri tambu pos blong olketa.

Sefenaea 3:13

Olketa blong Israel wea i laef yet, bae olketa no save mekem eni nogud samting. An bae olketa no save laea, an no save talem eni toktok wea i no tru. An bae olketa save kaikai gudfala, an save stap kuaet, an no eniwan nao bae mekem olketa fraet.?

Malakae 2:6

Olketa bin gohed fo tisim pipol fo falom nomoa stretfala wei. Olketa bin falom stretfala wei ya blong mi an stap gudfala long piis, an helpem plande pipol fo no falom ravis wei blong sin.

Matiu 12:34

Yufala ya barava olsem snek ya. Hemi had fo yufala talem eni gud samting ya bikos wei blong yufala hemi ravis tumas. Wanem hemi fulap long maen blong man, hem nao save kamaot long toktok blong hem.

Gudnius abaotem Jisas Kraes wea Luk hemi raetem 23:4

Bihaen, Paelat hemi tok olsem long olketa hedprist an long olketa pipol wea olketa hipap fo lukluk ya, “Mi no faendem enisamting wea man ya hemi duim wea hemi fitim fo yumi panisim hem long hem ya.”

Gudnius abaotem Jisas Kraes wea Jon hemi raetem 1:47

Taem Jisas hemi lukim Nataniel wea hemi kam long hem, hemi sei olsem abaotem hem, “!Disfala man nao barava man blong Israel bikos hemi nating save laea!”

Efesas 5:27

Bikos taem Kraes hemi tekem sios fo kam long hem seleva, hemi laekem sios fo barava luknaes tumas wea hemi no garem enisamting rong long hem bat hemi stret fogud.

Kolosi 1:22

Bat from Kraes hemi kamap man olsem yumi an hemi dae, God hemi mekem yufala fo kambaek an fo stapgud moa wetem hem long distaem. Olsem, God hemi save mekem yufala go stanap long frant blong hem, wea yufala barava stret an wea yufala no garem enisamting wea hemi rong long ae blong hem.

Hibrus 9:14

!Bat blad blong Kraes hemi garem bikfala paoa moa! Long paoa blong Holi Spirit wea hemi stap oltaem, Kraes hemi givim laef blong hem seleva long God, olsem wanfala sakrifaes wea hemi barava gudfala. An blad blong hem hemi mekem tingting blong yumi fo kamap klin an no filsem moa, mekem yumi lusim olketa ravis wei wea yumi save dae long hem. An from diswan nao, yumi save waka fo God hu hemi givim laef.

1 Pita 1:19

Nomoa. Hemi peimaot yufala long disfala nambawan blad blong Kraes. Kraes hemi olsem wanfala smolfala sipsip fo sakrifaesim, wea hemi barava klin an hemi no garem eni rong samting long hem.

1 Pita 2:22

Hemi no duim eni nogud samting, an hemi no talem eni laea toktok.

1 Pita 3:10

Buktambu hemi sei, “Sapos eniwan hemi laekem gudfala laef an hemi wande stap hapi evri de, hemi mas no tok nogud, an hemi mas no laea.

Jiud 1:24

!Yumi preisim God! Hem nomoa save mekem yumi fo no foldaon long sin. Hem nomoa save mekem yumi kam insaet long laet long bikfala paoa blong hem. Hem nomoa save mekem yumi fo no garem enisamting rong long laef blong yumi. Hem nomoa save mekem yumi barava hapi.