Revelesin 12:3 - Pijin Deuterocanon

³ An nara saen hemi kamap moa long skae. Hemi wanfala bikfala snek wea bodi blong hem hemi red fogud. An hemi garem sevenfala hed wetem tenfala hon, an long sevenfala hed blong hem hemi garem kraon long evriwan.

Pijin Bible

³ An nara saen hemi kamap moa long skae. Hemi wanfala bikfala snek wea bodi blong hem hemi red fogud. An hemi garem sevenfala hed wetem tenfala hon, an long sevenfala hed blong hem hemi garem kraon long evriwan.

Revelesin 12:3 ပူးပေါင်းရင်းမြစ်များ

Aesaea 27:1

Long datfala taem, bae Yawe hemi panisim disfala bikfala si snek Leviatan. Ya, bae hemi tekem strongfala sap naef fo faet blong hem an kilim hem dae.

Aesaea 51:9

(Profet) !Yawe! !Plis yu wekap an helpem mifala! !Yusim paoa blong yu fo sevem mifala, olsem wea yu bin duim bifoa! Yu nao yu kilim dae disfala bikfala si snek ya, wea olketa kolem Rehab, an yu katem long olketa smolfala pisis.

Aesaea 9:15

Hed blong olketa nao olketa olo man, wetem olketa pipol hu i garem biknem. An tel blong olketa nao olketa narafala profet wea i save talem olketa laea toktok nomoa.

Daniel 2:41

Yu lukim dat tufala lek long daon blong kaving ya, an olketa tou long lek blong hem olketa wakem long aean wea olketa miksim wetem red graon. Hemi minim wea disfala kingdom bae hemi divaed long tufala haf. Bae hemi strong lelebet olsem wea red graon hemi fas long aean.

Daniel 2:42

Olketa tou long tufala lek ya wea olketa wakem long aean wetem red graon ya, hemi minim kingdom ya wea hemi divaed, bae samfala haf blong hem hemi strong, bat samfala haf blong hem bae hemi isi fo brek.

Daniel 7:20

An mi laek fo save tu abaotem tenfala hon ya long hed blong hem, an smolfala hon ya wea hemi kamap bihaen, wea hemi aotem trifala hon long olketa wea i stap fastaem. Hemi garem tufala ae an wanfala maos, an hemi gohed fo toktok praod tumas long hem. Taem man hemi luk long hem, hemi save fraetem tumas winim olketa narafala hon ya.

Daniel 7:24

An tenfala hon ya hemi minim tenfala king bae i kamap an rul, wanfala bihaen narawan. An bihaen moa mekleven king bae hemi kamap, bat bae hemi deferen from evri narafala king, an bae hemi tekova long trifala long olketa king ya.

Revelesin 12:1

Nao wanfala bikfala saen hemi kamap long skae. Hemi wanfala woman wea san hemi saen raonem hem olsem wanfala kaleko. An mun hemi stap andanit long lek blong hem, an tuelfala sta stap long hed blong hem olsem wanfala kraon.

Revelesin 12:13

Nao taem bikfala snek ya hemi luksave dat olketa bin torowem hem godaon long wol, hemi stat fo ronem woman ya hu hemi jes bonem disfala pikinini boe.

Revelesin 12:17

Nao bikfala snek ya hemi kros tumas long woman ya, so hemi go an faet agensim olketa nara pikinini blong hem. Olketa ya nao olketa pipol hu i obeim olketa lo blong God an trastem olketa tru toktok wea Jisas hemi talemaot.

Revelesin 12:4

Nao hemi wip go long skae wetem tel blong hem, an pulumaot bikfala haf long olketa sta, mekem olketa foldaon kam long graon. An hemi kam an stanap long frant long woman ya, mekem taem woman ya hemi bonem pikinini blong hem, long semtaem bae hemi save kaikaim pikinini ya.

Revelesin 12:7

Den wanfala bikfala faet hemi stat long heven. Maekol wetem olketa enjel blong hem, olketa stat fo faet agensim bikfala snek ya. An bikfala snek ya wetem olketa enjel blong hem, olketa traehad fo faetem olketa tu.

Revelesin 12:9

Olketa raosim hem wetem olketa enjel blong hem an torowem olketa godaon long wol. Bikfala snek ya, hem nao disfala snek blong bifoa kam yet. An hem nao olketa kolem hem “Devol” o “Seitan”, wea hemi save trikim evri pipol long wol fo duim olketa nogud samting.

Revelesin 13:1

Bihaen, mi lukim moa wanfala wael animol hemi kamaot long si. Hemi garem sevenfala hed an tenfala hon. Long olketa hon blong hem, hemi garem kraon long evriwan. An long olketa hed blong hem, hemi garem olketa nem wea olketa barava tokspoelem God.

Revelesin 13:2

Wael animol mi lukim ya, hemi luk olsem bikfala lepad. Bat olketa lek blong hem, hemi olsem lek blong wanfala bikfala bea. Maos blong hem, hemi olsem maos blong laeon. Nao bikfala snek ya, hemi givim go strong blong hem long wael animol ya, an hemi givim bikfala paoa tumas long hem fo rul olsem hem seleva.

Revelesin 13:4

Evri pipol olketa wosipim bikfala snek ya, bikos hemi bin givim paoa blong hem long wael animol ya. Olketa wosipim tu wael animol ya, an olketa sei, “No eniwan nao hemi olsem wael animol ya. No eniwan tu hemi strong fo faetem hem.”

Revelesin 15:1

Den mi lukim moa wanfala bikfala saen long skae, wea mi barava sapraes tumas long hem. Mi lukim sevenfala enjel wea olketa tekem kam sevenfala bikfala panis. Olketa panis ya olketa laswan, bikos taem olketa finis, kros blong God tu bae hemi finis.

Revelesin 16:13

An mi lukim trifala ravis devol wea olketa luk olsem frog. Olketa kamaot long maos blong bikfala snek ya an long maos blong wael animol ya an long maos blong laea profet ya.

Revelesin 17:12

“An tenfala hon wea yu lukim finis ya, hemi tenfala king wea olketa no rul olsem king yet. Bat bihaen, bae olketa garem paoa fo rul olsem king wetem disfala wael animol ya, an bae olketa rul fo wanfala aoa nomoa.

Revelesin 17:16

Nao wael animol ya bae hemi heitem disfala juri ya. An olketa tenfala hon wea yu lukim ya, olketa tu bae olketa heitem hem. Bae olketa tekem evrisamting wea hemi garem, an bae olketa livim hem fo stap neket nomoa. An bae olketa kaikaim tu mit long bodi blong hem an bonem hem long faea.

Revelesin 17:7

So enjel ya hemi askem mi, “?Waswe nao yu sapraes tumas olsem? Disfala woman wetem wael animol wea hemi garem sevenfala hed an tenfala hon, an hemi karim woman ya, tufala olsem piksa blong wanfala samting. Bae mi talemaot mining blong disfala piksa wea hemi bin staphaed.

Revelesin 19:12

Ae blong hem hemi laet olsem faea, an hemi garem plande kraon long hed blong hem. Wanfala nem hemi stap long bodi blong hem, bat hem seleva nomoa hemi save long nem ya an no eniwan moa hemi save.

Revelesin 20:2

Nao enjel ya hemi winim bikfala snek ya, an hemi taengem hem long bikfala sen ya. Snek ya, hem nao disfala snek blong bifoa, an hem nao yumi kolem: “Seitan” o “Devol.”